MüƏSSİSƏLƏRDƏ monotonluq problemi VƏ onun həLLİ yollari

İsatehsal formasından qaynaqlanan monotonluq. 19-cu əsrdən bəri təşkilatlarda məhsuldarlığın artırılması üçün sayısız addımlar atılmışdır. Bu mövzuda araşdırma aparan şəxsiyyətlərdən biri Frederick Winslow Taylordur.  Sənaye məhsuldarlığını artırmaq üçün sistemli şəkildə işləyən ilk insan olaraq tanınır. O menecment elminin atası hesab olunur. Frederick Winslow Taylorun tədqiqatları və inkişaf etdirdiyi Elmi idarəetmə prinsipləri sənaye mühəndisliyinin əsaslarından biri olmuşdur. Taylor araşdırmalarının böyük bir qismini istehsal fabriklərində və təkrarlanan işlər görən işçilərin gördüyü işləri incələyərək həyata keçirmişdir. İncələdiyi işlərin əksəriyyəti təkrarlanann işləri özündə ehtiva edirdi. Bunları nəzərə alaraq Taylor elmi idarəetmə prinsiplərini ortyaya qoymuşdur. Belə qənaətə gəlirik ki, məssisələrdə istehsal forması monotonluq yaradan əsas faktorlardan biridir və bu, çoxdan var olan və hələ də davam etməkdə olan bir problemdir. Buna misal olaraq iş bölgüsünü misal gətirmək olar. Taylor kimi A.Smithin də fikrincə müəssisədə müəyyən məhsulun istehsalı üçün lazım olan prosesi ola biləcəyi qədər bəsit hissələrə ayıraraq istehsalı artırmaq mümükündür. Öz təsdiqini tapan bu fikir işçilər üçün heç də ürək açan olmadı. Çünki iş bölgüsü adlandırdığımız bu proses işçilərdə monotonluğun artmasına , təkrarlanmamnın qaçınılmazlığına , işçilərin bacarıqlarının azalmasına, işlərin yalnız texniki hal almasına , nəhayət işçilərdə yorğunluq və bezginlik halına gətirib çıxardı. Həmçinin Taylorun prinsiplərini əsas götürərək fəaliyyət göstərən Ford şirkəti də bir müddət sonra işçilərin monotonlaşan, təkrarlanan işlərlə qarşılaşdığının şahidi olmuşdur. Bu hal, yəni standartlaşdırılmış işlərin təkrar təkrar edilməsi, əmirlərin alınması və ümumilikdə işçiılərin fikirlərinin alınmaması həm də işçilərin yaradıcılığına mənfi təsir ilə nəticələnmişdir.