***** ***** *****
İndi Orxan anlayırdı ki, Bakıda da ona bir rahatlıq
olmayacaq. Rahatsızlığının kökü yerdə, yurdda deyil,
rahatsızlıq onun öz içindədi, öz qəlbindədi. Rayonda onu
evləndirməyə çalışan dostlar-tanışlar, ata-ana, qohum-əqrəba
neyləmiş olsalar da onu rahatsız edən, onu qərarsız edib bir
yerdə bənd almağa qoymayan əsil səbəb deyildilər. Guya burda
onu rahatmı buraxacaqdılar? Gəldiyi heç iki ay deyil, Adil
otuzdəfə söhbət açıb, bu barədə, uzun öyüd-nəsihətlər eləyib,
ağıl qoymağa çalışıb başına. Hələ çalışacaq da! Başqa dostlar-
tanışlar da onun kimi. Neyləmək olar, bizləri də belə xəlq edib
edən. Bura nə Leninqrad deyil, nə Almaniya deyil. O yerlərdə
bütün ömrün boyu evlənməyə də bilərsən, bir kəs yanaşıb sənə
sormayacaq da ay
qardaş, ay dost, niyə belə tənha ömür
sürürsən, niyə bir babanın qızın alıb ev-eşik, oğul-uşaq sahibi
olmursan? Kimin nə işinə qalıb? Mütləq bir sakitlikdə
olacaqsan bu barədə. Hələ başqa bir ovundurucu həyat tərzi də
olar o yerlərdə Larisa, yaxud onun kimi başqa bir qızla, qadınla
mehr bağlayıb uzun müddət davam etdirə də bilərsən bu ülfəti,
dostluğu. Heç evlənmədən, rəsmi şəkildə kəbin kəsdirib
qeydiyyatdan keçmədən, ailə qurmadan. Sevib sevmədiyin
soruşulmadan. Istər sev, dərdindən öl öz ürəyində, istər heç
sevmə. Mədəni ol sadəcə, ədəb-ərkan bil, hörmətini, izzətini
bildir qıza. Sənin gözlərin-qaşların, nə bilim kişidə qadına xoş
gələn cəhətlərin təki xoş gəlsin qıza, ləzzət versin. Sizi
birləşdirən istər dərin bir sevgi olsun, istər bir qadın kişi çağrışı
olsun, fərq eləməz. Mütləq bir sakitlik şəraitində öz həyatını
sürdürür, elmi işlərin ardınca saplanırsan. Həftədə bir dəfə, iki
dəfə, nəsə görüşürsünüz, gözəl günlər, saatlar yaşayırsınız,
sonra yenə hərəniz öz işinizə qayıdırsınız. Sənin olacaq yerin
qızı yalnız ona görə maraqlandıracaq ki, bəlkə arada lazım
oldun ona, axtarası oldu səni, yoxsa heç ünvanını da götürməz.
256
Sən bilirsən onların evləri haradadır, iş yeri haradadır, bu
kifayətdir.
Lap Remark
ın qəhrəmanları kimi. Remark ki, sənin ən
çox sevd
iyin müasir avropalıdır. Necə tapışıb tanış olur onun
q
əhrəmanları? Maşınla ötüşdükləri yerdə, restoranda yemək
yedikləri yerdə, küçədə, yolda, evdə. Sonra da bir-birinə
qoşulub restoranlara, kafelərə, barlara gedirlər. Həftənin bir
günü, para günü bir yer
də olurlar, qalan altı gündə biri bilmir o
biri haradadır, neyləyir, necə gün keçirir? Amma sevirlər bir-
birini, darıxırlar bir-biri üçün, gözləyə-gözləyə qubarlanırlar da
qarşıdakı görüş anları üçün. Heç ağıllarına da gəlməz kəbin
söz-
söhbəti salalar, evlənmək barəsində danışalar. Hətta bir-
birlərini sevdikləri haqqında da bir kəlmə deyib danışmazlar.
Sevgilərini ürəklrində keçirərlər, hərəsi bir cürə, hərəsi öz
qandığı, öz anladığı kimi. Gözləri, baxışları, təbəssümləri deyib
danışar məhəbbətlərini, qırıq-quruq söylədikləri komplimentləri
ayar edər. Heç biri o birindən asılı deyil, heçbiri o birindən
təmənnalı deyil, iqtisadi fayda tələblərində bulunulmur. Adicə
bir çiçək hədiyyə aldığında qızın sevincinin, minnətdarlığının
həddi-hüdudu olmur, sevincindən bilmir neyləsin, gözləri
yaşarır, ürəyi atlanır! Ən təmiz, ən saf, ən ülvi bir duyğu
deyilmi bu, ən gözəl bir insan münasibəti deyilmi? Hər iki tərəf
tam müstəqil, tam sərbəst, tam özgür, bir asılılıq, bir təmənna,
bir fayda, zövq səfa mülahizəsi qarışmayıb aralığa, güdülməyib
ortalıqda. Lakin ora Almaniyadı, Bakı bəlkə yüz il geri qalıb bu
cəhətcə Almaniyadan. Bakıda hansı qız, hansı qadın razı olar
belə münasibətə? Nə qədər də olmasa atadan,anadan,
qardaşdan, bacıdan, qohum əqrəbadan bir adamı olmayacaqmı
bir qonum-
qonşusu, dostu tanıyanı olmayacaqmı desin kimdi
bu oğlan, ardınca bir belə gedib gəlir? Nə cavab verər onda
Bakılı qız? Saf məhəbbət? Ideal sevgi? Gülüb lağa qoyarlar
qızı, ələ salıb oynadarlar, itlərini fişlədərlər üstünə, rüsvay
edərlər qızı. Sataşarlar, pozğun hesab edərlər, tüpürərlər ona.
Avropada ancaq kimin nə işinə qalıb? Lap Leninqradın özündə
257
də. Belə olduğu halda niyə də qayıdıb getməsin Leninqrada,
İqorla qoşalaşıb davam etdirməsin də elmi axtarışlarını?
Lakin ülvi bir məhəbbət hesab edib bunca sevdiyi Remark
qəhrəmanlarının o yaşayış tərzi daxilən onu çəkib aparırmı,
dartırmı özünə? Yaşaya bilərmi Orxan bu həyatı, keçirə bilərmi
o ideal sevgi kimi anlayıb başa düşdüyünü? Bir gün də keçirə
bilməz Orxan bu hissi, bir an da yaşaya bilməz! Əvvələn, lap nə
qədər təmiz bir münasibətdə, ülfətdə ola bilsə də bir qadınla,
onun qəlbində bir daha məhəbbət alovu alışmayacaq. Alışıb
sönüb qəlbi, keçib kül olub qəlb ocağı. Ikincisi, lap tutalım
sevdi də birisini, alışdı da qəlbi, həmin həyat tərzinə, həmin
aşiq-məşuq münasibətlərinə uyuşa bilərmi heç? Həftənin altı
gününü öz elmi axtarışları ardınca düşüb öz sevdiyi qadının
neylədiyiylə, nə işlə məşğul olduğuyla maraqlanmaya bilərmi
heç? Dözəmi bilər o bu vəziyyətə, dayanamı bilər? Fərqinə
varmayamı bilər? Qoyarmı heç gözdən onu? Dolaşıq məsələdir.
Görünür, məsələ geridə qalmaqda, irəli getməkdə deyil. Yüz il
sonranın Orxanı başqa cürmü olacaq? Beş yüz il sonranın
Orxanı maraqlanmayacaqmı Sürəyyasının qalan altı gündə
neylədiklərilə? Gözündən itirib bir də o vüsal gününün gəlib
çatmasını dinc bir ürəklə, soyuq bir başla gözləyə biləcəkdimi?
Minbeşyüz il sonranın Orxanı edə biləcəkmi bunu? Minbeşyüz
il sonranın Orxanı beləcə ayrı-ayrılıqda yaşaya biləcəkdimi
yerini-
yurdunu bilib bir şəhərdə yaşadığı öz Sürəyyasıyla? Ya
elə bir ideal məhəbbət duyğusu doğulişdan yaddır Orxan adlı
adama?
Sürəyya ilə onun arasındakı münasibətdə bir ideallıq
yoxdumu? Hansı asılılıq, təmənna, fayda güdmək düşüncəsi
vardı onların arasında? Ya bir mülahizə, zövq-səfa duyğuları
qarışmışdı münasibətlərinə? Ideal hesab edilə bilməyən hansı
nöqtə vardı onların sevgisində? Demək onda geri qalmaq, irəli
getmək axmaq sözmüş. Demək məsələ ondaymış ki, kim
kimdir, kim necə yanaşır, necə baxır məsələyə. Hər xalqın öz
ideal məhəbbət duyğusu var, hər örf bir cür yanaşır bu
258
məsələyə, hər kəs öz arşınıyla, öz ölçüsüylə yanaşır, öz
örkəniylə ölçür. Intəhası elə bir nöqtə də vardır bütün xalqların
ideal məhəbbət haqqındakı təfəkkürləri birləşir bu nöqtədə,
tapışır bu nöqtədə: təmənnasız olsun gərək, asılılıqsız olsun
ideal məhəbbət, fayda güdülməyən, zövq-səfa duyğuları
qarışılmayan, mülahizəsiz bir duyğu olsun, təmiz, saf, şəffaf bir
istək olsun. Yada düşməsin bunlar, ortaya çəkilməsin, gözə
görünməsin. Hər iki aşiqə bəlkə lap faydalı da olsun, əlverişli
bir şərait də yaratmış olsun, hələ zövq-səfa da verəcək olsun,
lakin bütün bunlar sevən ürəklərin duyğusuna, düşüncəsinə
gəlməsin gərək, eyninə-fikrinə düşməsin gərək.
Sürəyya ilə arasındakı münasibət məhz belə münasibət
idi, belə duyğu idi, onunçun da bütün ömrü boyu, bütün həyatı
uzunu unuda bilməyəcəkdi Sürəyyanı, onu qoyub bir başqasına
mehr sala bilməyəcəkdi qəlbi. Harda olur olsun, harda yaşayır
yaşasın unuda bilməyəcəldi öz Sürəyyasını. Leninqradda da
olsa, lap Almaniyada da olsa, harda olsa dünya ona bir
darıxqanlıq məkanı, bir iztirab məskəni olacaqdı, heç yerdə
qərar tuta bilməyəcək, heç yerdə bir kül töküb otura
bilməyəcəkdi, dönüb bir Remark qəhrəmanı ola bilməyəcəkdi
Orxan.
Remark qəhrəmanlarının bir-birinə olan təmənnasız mə-
həbbətləri, sədaqətləri misilsizdir, əvəzsizdir, sonsuzdur, müt-
ləqdir. Onları sevməmək, alqışlamamaq, onlara vurulmamaq
heç olarmı? Bakıda ideal məhəbbət ancaq o şəkildə heç cürə
mümkün deyil, olası deyil. Bakının öz adamları, öz həyat tərzi
var. Baknın öz məhəbbət idealları var. Bakı onun üçün bir
Vətəndir. Vətən təkcə elə bir itirilmiş məhəbbət ha deyil? Onun
“sabahın xeyir”dən başlamış, “gecən xeyrə qalsın”adək sürüb
gedən minbir işdəkləri, olayları, sorğu-sualları var. Yaxşısı,
pisi, görüb sinən qabaranı, bilib qəlbin bulananı var. Radiosu,
televiziyası, küçəsi, çayxanası var. Dürlü-dürlü istəklənən,
arzulananları var. Acılı- şirinli əhvalatları, söz-söhbətləri var.
Adill
əri, Natellaları var Vətənin!
259
Yox, Bak
ıdan heç yana getməyəcək! Nə qədər də olsa
doğma mühitdə iş qabiliyyətini artıran bir ana nəfəsi duyur
insan. Bu nəfəs gücünü, qüdrətini, işləmə qabiliyyətini, beynini,
zəkanı cana gətirir, həvəsə gətirir, ovqata mindirir. Öz əzabını
çəkə-çəkə, öz oduna yana-yana elə burda qalacaq, burda
yaşayıb yaradacaq. Bir kədər tıxcanağı qəlbinə dolub onu
boğmaq istəyəndə də bax beləcə bir paçka siqaretlə, bir “Qız
qalası” alışqanıyla, bir topa da qəzet alıb əlinə gəlib beləcə
çayxanada əyləşəcək, siqaret çəkə-çəkə limonlu çay içə-içə
özünə, öz aləminə qapılacaq. Əgər bir zaman onun bu
iztirablarına bir son veriləcəksə, o da yalnız bu doğma mühitdə
baş verə bilər! Axı onun Sürəyyası hardasa bu doğma mühitdə,
bu vətən torpağındadı. Bəkə elə rastlaşacaqlar bir gün, qovuşub
xoşbəxt olacaqlar elə? Hər yerdə mümkündü rastlaşmaları,
küçədə, yolda, avtobusda, qatarda, şəhərdə, kənddə. Radioda,
televiziya ekrannda hətta. Gec-tez tapışa, rastlaşa bilərlər. Təki
tapsın Orxan onu, təki rastlaşsın onunla. Lap ərə getmiş olsun
Sürəyya, ailə, ev-eşik yiyəsi kimi tapsın Sürəyyanı, təki tapsın
ancaq. Bilsin necə dolanır, necə yaşayır. Ən başlıcası da görsün
unutmayıb onu, yadırqamayıb? Zehnindən, hafizəsindən çıxarıb
atmayıb? Tanıyacaqmı görəndə, titrəyib əsəcəkmi, bir həyəcan
keçirəcəkmi onu görəndə? Bunu biləndən sonra bu içini sarmış
səbatsızlıq da, bu atmirçəyi darıxmaqlıq da yox olub gedəcək
ondan. Əlbəttə heç vaxt pozmaz Orxan, pozmaq istəməz
Sürəyyanın ailə rahatlığını, səadətini. Özü də lap ürəklə evlənər
onda. Hələ Sürəyyanı toyuna da çağırar, oynayar da onunla
toyunda. Amma heç üzə vurmaz, heç özünü o yerə qoymaz. Öz
elmi axtarəşları ardaınca da dəli bir ehtirasla qoşar, əsil bir kişi
iradəsiylə atılar. Nə qədər uca mərtəbələrə qalxarsa Sürəyyası
da bir o qədər dərindən sevər onu, ürəkdən alqışlayar onu.
Sevgi cüt yaşamaq ehtirası deyil, sevgi görə-gprə yaşamaq
həvəsidir. Görmək-görünməkdi insan sevgisində baş olan
hədəf, toxunmaq, dəymək, təmasda olmaq deyil. Cüt yaşamaq
260
yox, bir eldə, bir oymaqda yaşamaqdı məhəbbətin cövhəri,
kökü, bünyəsi!
Bu düşüncələr içində çabalayarkən bir gün rayondan bir
teleqram aldı:” Atan ağır yatır, tə”cili kəndə gəl!”
D
ərhal qatara bilet alıb kəndə yola düşdü.
Dostları ilə paylaş: |