| İşçinin sağlamlığı və təhlükəsizliyi funksiyası. Müəssisədə işçilərin fiziki və zehni sağlamlıqları onların bilik, bacarıq və qabiliyyətlərindən istifadə etmələrinə təsir göstərə bilər. Sağlamlıq və təhlükəsizliklə təmin olunma düşüncəsi işçilərin iş əzmini gücləndirir. Təşkilatlar iş mühitinin sağlamlıqla bağlı olan risklərdən qorunması üçün bütün işçilərin ehtiyaclarını qarşılayacaq uyğun sağlamlıq xidmətləri təşkil etməli, işçilərin bioloji, kimyəvi və fiziki təhlükələrə qarşı qorunması üçün sağlamlıq meyarları formalaşdırmalı, işlə bağlı olan risk faktorlarını azaltmaq üçün texniki və təhsillə bağlı olan qabaqlayıcı tədbirlər təşkil etməli və xüsusən də təhlükəyə daha yaxın olan işçi qruplarının təhlükəsizliyini təmin etməyə diqqət yetirməlidir.
Təşkilatlar işçilərin sağlamlığına lazımi önəmi verməli və müxtəlif sağlamlıq siyasətləri və proqramları formalaşdırmalıdır. Bu yolla işçilər təşkilati fəaliyyətlərlə bağlı olan sağlamlıq problemlərinə qarşı qoruna bilərlər. İş təhlükəsizliyinin artması iş qəzalarını azaldır və bu da işçiləri daha xoşbəxt edir. Bu yolla işə qəbul olunan, ona ödəniş edilən işçilərin fiziki gücü və bacarıq səviyyəsi ilk gün ki, kimi qoruna bilər.
Dostları ilə paylaş: |
