Nöqtələr
Bu və bundan öncəki ayələrdə dörd təbirlə rastlaşılıb: “Yətəfəkkərunə” (düşünürlər), “lil alimin” (alimlər üçün), “yəsməunə” (eşidirlər), “yəqilun” (ağılları kəsir). Bu dörd təbirin həyata keçməsi üçün dörd təbii mərhələ bəyan olunur: İnsan başlanğıcda düşünür; sonra anlayır və alim olur, agah olan şəxs deyilənləri diqqətlə dinləyib qiymətləndirir; dərindən dinlədikdən sonra ağılı kəsir.
Bildirişlər
1. Ümid və qorxu yanaşı olduqda səmərə verir.
2. Şimşək, yağıntı, torpağın yaşıl örtüyə bürünməsi təsadüfi deyil, dəqiq bir proqrama əsaslanır.
3. Kainatın nizamı səbəb və vasitələr prinsipi əsasında qurulmuşdur.
4. Payız və yağıntı, bahar və otların cücərməsi Allahın qüdrət nişanələrindəndir.
5. Allahşünaslıq elm, düşüncə və ağıla əsaslanmalıdır.
Ayə 25:
﴿وَمِنْ آيَاتِهِ أَن تَقُومَ السَّمَاء وَالْأَرْضُ بِأَمْرِهِ ثُمَّ إِذَا دَعَاكُمْ دَعْوَةً مِّنَ الْأَرْضِ إِذَا أَنتُمْ تَخْرُجُونَ﴾
“Göy və yerin Allahın əmri ilə bərpa olması ilahi nişanələrdəndir. Nə vaxt sizi torpaqdan çıxmağa çağırsa, dərhal (qəbirdən) xaric olarsınız (Qiyamət səhnəsinə çıxarsınız).”
Dostları ilə paylaş: |
