Nur təFSİRİ

Nöqtələr

Həzrət Əli (ə) buyurur: “Əgər bir şəxsin əbədi qalmaq üçün yolu olsaydı, ölümdən qaça bilsəydi, həmin şəxs elə Süleyman olardı. Cin və ins ona ram olmuşdu, onun nübüvvət məqamı vardı, uca ilahi məqama malik idi.”¹

“Minsəət” dedikdə əsa nəzərdə tutulur. Rəvayətlərə əsasən, “əl əzabil-muhin” ifadəsi cinlərin məşğul olduğu ağır işlərə işarədir.²

Bildirişlər

1. Ölüm vaxtı Allahın əlindədir.

2. Ölüm hətta peyğəmbərik və səltənətə malik olanların sorağına gedir.

3. Heyvanlar Allahın əmrinə tabedir.

4. Cin qeybi bilmir. (Süleyman yerə yıxılanda həm cinlər anladılar ki, qeybi bilmirlər, həm insanlar başa düşdülər ki, cinlərin qeyblə bağlı iddiası əsassızdır.)

5. Cinlər üçün izzət və zillət var, onlar çətin işdən qaçırlar.

Heyvanlar Allahın əmrinə tabedir.

1. İnəyin bir parça əti ölünü dirildir və ölü ayağa qalxıb qatilini göstərir.³

2. hörümçək peyğəmbəri mağarada qoruyur.⁴

3. Qarğa bəşəriyyətə dərs verir.⁵

4. Hud-hud Süleymanın məktubunu Bəlqisə aparır.⁶

5. Əbabil filə süvar olanları məhv edir.⁷

6. Əcdaha Musanın haqqının sübutu üçün vasitə olur.⁸

7. Nəhəng su canlısı Yunisi tənbeh edir.⁹

8. Kiçik həşərat Süleymanın ölümündən xəbər tutur.¹

9. İtə əmr olunur ki, Kəhf səhabələrini qorusun.²

10. İbrahim dörd quş vasitəsi ilə yəqinlik tapır.³

11. Üzeyir ulaq vasitəsi ilə məada əmin olur.⁴

12. Dəvə, inək, qoyun həcc mərasimində dini mahiyyət kəsb edir.⁵

13. Heyvan allahşünaslıq üçün vasitə olur.⁶

14. Heyvan insanın sınağa çəkilməsi üçün vasitə olur.⁷

15. Heyvan ilahi bir möcüzədir.⁸

16. Heyvan ilahi qəzəb vasitəsi olur.⁹

Quranın bir neçə surəsi heyvan adı ilə adlandırılmışdır: “Bəqərə”, “Ənam”, “Nəhl”, “Nəml”, “Ənkəbut” və “Fil”.

Ayə 15: