Orijinal adı: «Education Glossary»

Təhsilin dayaqları (Pillars of education) - Avropa Komissiyasının keçmiş Prezidenti Jak Delors 
1996-cı ilin aprelində UNESCO-ya XXI əsr üçün Beynəlxalq Komissiyanın Təhsil üzrə məruzəsini 
təqdim edərkən təhsilin 4 dayağını diqqətə çatdırmışdır: 
1)Bilmək üçün öyrənmək; 2) Qurub-yaratmaq üçün öyrənmək; 3)Birgə dinc yanaşı yaşamaq üçün 
öyrənmək; 4) Yaşamaq üçün öyrənmək.
İnsan həyatinın bu dörd dayağa söykənməsi üçün insanın təhsil mühitində olması məqsədilə 
müxtəlif dövr və sahələrin bir-birini tamamlaması və onların qarşılıqlı əlaqəsi labüddür.
Təhsil fəlsəfəsi (Educational philosophy) - Təhsil və fəlsəfənin vəhdəti olub, təhsil sisteminin 
tədris proqramlarının əsas istiqaməti (yəni onun mahiyyəti, inkişafı, məqsəd və vasitələri) üzərində 
qurulması.
 
Təhsil idarəçiliyi (Educational management) – Təhsillə bağlı qarşıda duran məqsədlərdən asılı 
olaraq, bütün işlərin koordinasiyası, pedaqoji heyətə mümkün səhvlər barədə xəbərdarlıq etmək və 
onlara lazımi köməyi göstərmək.
Təhsil idarəçiliyinin prinsipləri: xəbərdaredici xarakter, planauyğunluq, əsaslılıq, hərtərəflilik, 
nəzəri və metodoloji hazırlıq, məktəbdə təlim-tədris prosesinin hərtərəfli tədqiqi və analizi.
Təhsil idarəçiliyinin obyektləri: tədris prosesi, tərbiyə prosesi, metodiki iş, elmi və təcrübi 
fəaliyyət, uşaq və pedaqoji kollektivin psixoloji vəziyyəti, təlim-tədris prosesinin zəruri şərtlərlə təmin 
edilməsi.
Təhsil idarəçiliyinin növləri: nəzarəti həyata keçirənin əlamətləri (kollektiv, qarşılıqlı idarə, 
özünüidarəetmə, planlı və planlaşmamış inzibati idarəetmə.
İdarə edilən obyektlərin əhatəsi: sinif ümumiləşdirici – eyni sinifdə oxuyan şagird və 
müəllimlərin işinin təhlili, ümumi – bütün istiqamətlər üzrə işlərin ümumi vəziyyətinin dərin tədqiqi 
və analizi, tematik – təlim-tədris prosesinin konkret istiqamət üzrə öyrənilməsi, şəxsi – ayrı-ayrı 
müəllimlərin fəaliyyətinin hərtərəfli tədqiqi, icmal – məktəbdəki vəziyyətin dərin tədqiq edilmədən 
təhlili.
Təhsil idarəçiliyinin metodları: dərs və təlim məşğələlərinə gəlmək və onları təhlil etmək, məktəb 
sənədlərinin və şagirdlərin işlərinin təhlili, müəllim, şagird və valideynlərlə söhbət, inzibati yoxlama 
tədbirlərinin və sorğularının aparılması; anketləşdirmə, testləşdirmə, xronometraj və s.