Nur təFSİRİ

Bildirişlər 
 
1. Allah vəhyi hifz edir. Kimsədə vəhyi dəyişmək gücü yoxdur. 
2. Peyğəmbər özü də başqaları kimi vəhyi hifz etməlidir. 
3. Bütün insanlar, hətta peyğəmbərlər Allahın qanunları qarşısında eyni dərəcədə 
cavabdehdirlər. 
4. Quran nəinki şair və kahin sözü deyil, hətta Peyğəmbərin (s) də onda şərikliyi 
yoxdur. 
5. Allahın qanun və buyuruğunda dəyişiklik qadağandır. 
6. Qətiyyətli rəftar başqalarını təcavüz fikrindən daşındırır. 
7. Quranın təhlükəsizliyi tam təmin olunmuşdur. 
8. Haqqın müdafiəsi şəxsin müdafiəsindən mühümdür. Vəhyi qorumaq üçün hətta 
insanların canı alına bilər. 
9. Quranın toxunulmazlığının təmini üçün qətiyyətlə danışmaq lazımdır. 
10. Böyük günahların böyük cəzası olur. 
11. Daha çox dəyəri olan şeylər daha ciddi qorunmalıdır. 
12. Allah Onun vəhyinə əl uzadanları məhv edir. 
13. Kimsədə Allahın qəzəbinə dözüm yoxdur. 
14. Quran təqvalı insanlara güclü təsir göstərir. 
15. Öyüdün qəbulu üçün təqva ruhiyyəsi lazımdır. 
16. Təqvalılarla yanaşı təkzibçilər də var. 
17. Təbliğatçı bütün xalqın boyun əyməsini ummamalıdır. 
18. Təkzibçilər Allahın nəzarəti altında olduqlarını unutmasınlar. 
19. Təkzibçilərin hücumları qarşısında Allaha sığınıb yolunu davam et! 
20. Allaha təsbih insanın tərbiyəsi üçündür. 

---

110 
“MƏARİC” SURƏSİ 
 
(70-Cİ SURƏ; 44 AYƏ) 
 
İYİRMİ DOQQUZUNCU CÜZ 
 
“MƏARİC” SURƏSİNİN SİMASI 
 
Bu surə 44 ayədən ibarətdir və Məkkə surələrindən sayılır. Amma onun ilk ayələri 
Mədinədə nazil olmuşdur. 
Surənin adı onun 3-cü ayəsindən götürülmüşdür. “Məaric” dedikdə mələklərin 
qalxdığı məhəl nəzərdə tutulur. 
Digər Məkkə surələrində olduğu kimi “Məaric” surəsində də ayələrin əsas mövzusu 
məad, müşriklərin və müxaliflərin qorxudulmasıdır. Kafirlərin qiyamət halı, behişt və 
cəhənnəm əhlinin sifətləri bu surədə açıqlanan mövzulardandır. 
Surənin ilk ayələri Əli-ibn Əbu-Talibin (ə) vilayətini inkar edənlərdən birinin dünya 
əzabı haqqındadır.