Birnövlü əkinlərin üstünlükləri və çatışmazlıqları. Bitkiçilik inkişaf etdikcə insanlar ayrı-
ayrı bitkiləri seçərək onları təmiz halda əkməyə başladılır, ondan ötrü ki, faydalı bitkiləri digər
növlərin rəqabətindən azad etsinlər və ən çox məhsul əldə etmək üçün vahid sahədə bitki
yetişdirsinlər. Birnövlü bitki assossiasiyası bu cür meydana gəldi. Çörək bişirmək üçün təmiz
buğda, təmiz çovdar, təmiz arpa, təmiz qarğıdalı və s. almaq lazım idi. Dənli taxıl bitkilərini
birlikdə becərərkən, məsələn buğda və çovdar, buğda dəninin un üyütmə və çörək bişirmə
keyfiyyətini aşağı salır.
Bitkiçiliyin sonrakı tarixi kənd təsərrüfatı bitkilərinin təmiz əkinlərinin becərilmə
texnologiyasının təkmilləşdirilməsini özündə əks etdirir. Bu cəhətdən əl əməyindən
mexanikləşdirilmiş kənd təsərrüfatı maşınlarına keçilməsini ayrı-ayrı bitkilərin biologiya və
morfologiyasına uyğunlaşdırmaqdır. Dənli taxıl bitkilərinin, çuğundurun, pambığın və digər kənd
təsərrüfatı bitkilərinin yığımı üçün kombaynlar bu cür yaranmışdır.
Elmi əsaslandırılmış kənd təsərrüfatı bitkilərinin becərilmə texnologiyası, bitkiləri alaqlardan,
zərərverici və xəstəlik törədicilərindən mühafizə etmək üçün kimyəvi vasitələrin tətbiq
edilməsindən ibarətdir. Hesab olunur ki, pestisidlərin seçicilik qabiliyyəti nə qədər artıqdırsa, onun
aqronomik qiyməti o qədər yüksəkdir. Lakin tətbiq edilən herbisidlərin əksəriyyəti kifayət qədər
geniş növ diapazonlu zəhərli təsirə malikdirlər, onların qarışıq əkinlərdə istifadəsi ola bilsin ki,
qeyri mümkündür. Məsələn, treflan herbisidi soyanın təmiz əkinlərini alaq otlarından yaxşı
təmizləyir, ancaq onu qarğıdalı-soya qarışığına tətbiq etmək olmaz, belə ki o qarğıdalını boğur.
Beləliklə, təmiz əkinlərin (bir növlü) əsas üstünlüyü ondan ibarətdir ki, yüksək texnologiya
tətbiq etməklə, vahid sahədə mövcud növdən daha yüksək və keyfiyyətli məhsul yığımını təmin
etmək mümkündür.
Bir növlü əkinlərin çatışmayan cəhətinə, aşağı keyfiyyətli ayrı-ayrı yem bitkilərini, xüsusən
enli cərgəli əkilən bitkilərdə əkin sahəsinin tam istifadə edilməməyini aid etmək mümkündür.
