Qoidalari I. Asosiy qoidalar

III. Xodimning asosiy burchlari
17. Xodim o‘z mehnat vazifalarini halol, vijdonan bajarishi:
- mehnat intizomiga rioya qilishi;

• 
  ish beruvchining qonuniy farmoyishlarini o‘z vaqtida va aniq bajarishi;
  
• 
  texnologiya intizomiga, mehnat muhofazasi, xavfsizlik texnikasi va ishlab chiqarish sanitariyasi talablariga rioya qilishi;
  

• 
  ish beruvchining mol-mulkini avaylab asrashi;
  

• 
  rejaga asoslangan topshiriqlarni va belgilangan ishlab chiqa­rish me’yorlarini bajarishi;
  
• 
  ishlarni me’yorida bajarilishiga to‘sqinlik qiluvchi yoki qiyinlik tug‘diruvchi sabab va shartlarni (bekor turish, avariya, rejim talablariga rioya qilmaslik) zudlik bilan bartaraf etish choralarini ko‘rishi va ish beruvchiga zudlik bilan bu haqda xabar berish;
  
• 
  moddiy boyliklar va hujjatlar, ruxsatnomalar, shaxsiy guvohnomalar va boshqa xizmat, shuningdek, maxfiy tusdagi ma’lumotga ega bo‘lgan hujjatlarni asrashning belgilangan tartiblariga rioya qilish. Ularni yo‘qotgan taqdirda zudlik bilan ish beruvchini bu haqda xabardor qilish;
  

• 
  davlat, xizmat va tijorat sirlarini saqlash;
  

• 
  ish jarayonida muloqotda bo‘ladigan mehnat jamoasi a’zolari, korxona mijozlari va boshqa shaxslar bilan xushmuomala bo‘lish;
  
• 
  ishga olib boradigan va ishdan olib qaytadigan korxona transportida jamoa tartibiga rioya qilishi shart.
  

18. 
    Har bir xodim o‘z mutaxassisligi, malakasi va lavozimiga do­ir vijdonan bajarishi lozim bo‘lgan vazifalari (ishlari) doirasi belgilangan tartibda tasdiqlangan tarif-malaka ma’lumotlari, tex­nik qoidalar, lavozim yo‘riqnomalari bilan belgilanadi.
    
19. 
    Har bir xodim unga yuklangan mehnat vazifalari doirasi bilan bo‘linma, bo‘lim, sex, uchastka rahbari tomonidan lavozim (ishchi) yo‘riqnomasi yoki bo‘linma to‘g‘risidagi Nizom asosida oldindan, shaxsiy imzosi orqali tanishtirilishi lozim.
    
20. 
    Xodim mehnat muhofazasi normalariga, qoida va yo‘riqnomalariga, shuningdek, ma’muriyatning ishni bexatar olib borish haqi-dagi farmoyishlariga rioya qilishi, olingan individual himoya vosita-laridan foydalanishi, insonlar hayoti va sog‘ligiga bevosita xavf soladigan har qanday holat haqida, shuningdek, ish jarayonida yoki u bilan bog‘liq holda sodir bo‘lgan har qanday baxtsiz hodisa haqida o‘zining bevosita rahbarini (brigadiri, ustasi, uchastka boshlig‘i va boshqalarni) darhol xabardor qilishi shart (O‘zR MK 212-mod.).
    
21. 
    Xodim O‘zbekiston Respublikasi Mehnat Kodeksining 214-moddasida ko‘rsatilgan talablarga asosan, mehnat shartnomasi tuzish chog‘ida dastlabki tarzda va keyinchalik (ish davomida) vaqti-vaqti bilan tibbiy ko‘rikdan o‘tishi shart.
    
22. 
    Ish beruvchiga etkazilgan zarar uchun xodimga O‘zbekiston Respublikasi Mehnat Kodeksida belgilangan tartib va miqdorlar asosida to‘liq moddiy javobgarlik yuklatiladi.