| 157. O kəslər ki, əllərindəki Tövratda və İncildə (adını, vəsfini və əlamətlərini) yazılmış gördükləri rəsula–ümmi (heç kəsin yanında oxuyub elm öyrənməmiş və ya məkkəli) peyğəmbərə tabe olurlar. (O Peyğəmbər) onlara yaxşı işlər görməyi buyurar, pis işləri qadağan edər, təmiz (pak) nemətləri halal, murdar (napak) şeyləri haram edər, onların ağır yükünü yüngülləşdirər və üstlərindəki buxovları açar (şəriətin çətin hökmlərini götürər). Ona (o Peyğəmbərə) iman gətirən, yardım göstərən və onunla (Quranın) ardınca gedənlər məhz onlar nicat tapanlardır!” (əl-Əraf: 157).
Muhəmməd ibn İshaq Peyğəmbərin bəzi səhabələrinin belə dediyini deyir: "Ey Allahın elçisi! Bizə özün haqqında xəbər ver. Peyğəmbər dedi: "(Haqqımda) atam İbrahimin duası, İsanın müjdəsi (vardır). Anam məni dünyaya gətirərkən bətnindən nur çıxıb Şam torpaqlarındakı Bəsrə qəsrlərini işıqlandırdığını görmüşdü."543
İrbad ibn Səriyə544 və Əbu Umamə545 eyni məzmunlu hədisi Peyğəmbərdən rəvayət edirlər. "(Haqqımda) atam İbrahimin duası, İsanın müjdəsi (vardır)."
İbrahim Kəbəni inşa edərkən belə dua etmişdi: «“Ey Rəbbimiz! Onların (nəslimizin) içərisindən özlərinə bir peyğəmbər göndər...» (əl-Bəqərə: 129). İsrail oğullarının peyğəmbərliyi İsa ilə yekunlaşanda o qalxıb insanlara vəz etdi və onların nəslindən peyğəmbərliyin sona çatdığını bildirdi. Bundan sonra peyğəmbərliyin ərəblərdən olan yazmaq və oxumaq bilməyən (ümmi) peyğəmbərdə olacağını bildirdi. Onun bütün peyğəmbərlərin sonuncusu olacağını xatırlatdı. Əhməd, Haşimin oğlu Əbdülmüttalibin oğlu Abdullahın oğlu Muhəmməddir. O, İbrahim Xəlilin oğlu İsmailin nəslindəndir.
Uca Allah buyurur: «Sonra onlara açıq-aşkar möcüzələr gətirdikdə onlar: “Bu, açıq-aydın sehrdir!” – dedilər.» (əs-Saff: 6). Ayədəki şəxs əvəzliyinin İsaya yaxud Muhəmmədə aid edilməsi ehtimal olunur.
Sonrakı ayələrdə Uca Allah mömin bəndələrini İslama və müsəlmanlara, eləcə də dini təbliğ etmək işində peyğəmbərinə kömək etməyə çağırır və deyir: «14. Ey iman gətirənlər! Allahın (dininin və peyğəmbərinin) köməkçiləri olun! Necə ki, Məryəm oğlu İsa həvarilərə: “Allah yolunda mənim köməkçilərim kimdir?” – demişdi.» Allaha dəvət yolunda kim mənə kömək edə bilər? «Həvarilər də: “Allahın köməkçiləri bizik!” – deyə cavab vermişdilər.» Bu hadisə "ən-Nasirə" şəhərində baş vermişdi. Ona görə onlara "Nəsrani" adı verilmişdir. Uca Allah buyurur: «Nəhayət, İsrail oğullarından bir tayfa iman gətirdi, bir tayfa isə kafir oldu.» Məryəm oğlu İsa İsrail oğullarını və digər tayfaları Allaha dəvət edəndə bəziləri iman gətirdi, bəziləri isə küfr etdi. Bir çox tarixçilərin və təfsir alimlərinin dediklərinə görə Antakiya546 əhalisi hamılıqla ona iman gətirmişdilər. İsa onlara üç nəfər nümayəndə göndərmişdi. Biri Səman əs-Səfa idi. Onlar dəvəti qəbul edib iman gətirdilər. Yasin surəsində haqqında danışılan tayfa bu tayfa deyil. Şəhər əhalisi haqqında danışılan hekayədə (Yasin qövmünün hekayəsində) bu barədə açıqlama vermişdik. İsrail oğullarının bir hissəsi iman gətirdi, əksəriyyəti ona küfr etdi. İsaya iman gətirənlər ona küfr edənlərə qalib gəldilər və açıq-aşkar üstünlük əldə etdilər. Uca Allah bu haqda belə buyurur: «55. O vaxt Allah buyurdu: “Ey İsa, həqiqətən, Mən sənin ömrünü tamam edib Öz dərgahıma qaldırıram, səni kafirlərdən pak edərəm (tərtəmiz ayıraram). Sənə iman gətirənləri Qiyamət gününə qədər kafirlərə qalib edərəm...» (Ali İmran: 55).
İsaya yaxın olan hər kəs başqalarına qalib gəlirdi. Müsəlmanların onun haqqında dedikləri "O Allahın qulu və elçisidir!" sözləri şübhəsiz haqq olduğu üçün nəsranilərə qalib gəldilər. Nəsranilər İsa barəsində ifratçılıq edir, onu Allahın verdiyi məqamdan üstün tuturlar. Lakin nəsranilər ümumilikdə bu işdə yəhudilərdən öndə olduqları üçün İslam dini gələnə qədər daim onları əzib-əzişdiriblər. Daha doğrusunu Allah bilir.
Dostları ilə paylaş: |
