Sharof rashidov nomidagi samarqand davlat universiteti huzuridagi ilmiy darajalar beruvchi ds
Yüklə 1,45 Mb. Pdf görüntüsü
|
| birinchidan,
jamiyatning siyosiy tizimi, fuqarolik jamiyati va demokratiyaning rivojlanganlik, yetuklik darajasi, fuqarolik jamiyati institutlarining chinakam real maqomga egaligi, inson huquqlarining ta’minlanganlik darajasi, iqtisodiy tizim xarakterini mustahkamlanib borayotganligini ko‘rsatsa, ikkinchidan , aholining siyosiy faolligi va huquqiy madaniyati oshishi natijasida tegishli huquqiy asos va uning samarali mexanizmlari takomillashib, xalq manfaatlariga moslashib borayotganligini ko‘rsatadi[20; 129-b.]. Jamoatchilik nazoratini ta’minlashga qaratilgan har qanday fuqarolik jamiyati institutlarining harakatlanish mexanizmida umumiy tamoyillar o‘rtasidagi funksional integratsiyalashuv bo‘lishi zarur[104]. Chunki, samarali jamoatchilik nazoratini yo‘lga qo‘yishning bundanda konstruktiv yo‘li yo‘q. Shu sababli, barcha jamoatchilik institutlari umum e’tirof etilgan quyidagi tamoyillarga qat’iy rioya etilishi talab etiladi: 101 Birinchisi, “Xalq hokimiyatchiligi” − xalqning to‘la hokimiyatga egaligi, ya’ni xalqning jamiyat va davlat ishlarini boshqarishda haqiqiy ishtirok etishi uchun ijtimoiy-iqtisodiy va siyosiy vositalarning mavjudligi[104]. Ma’lumot o‘rnida: xalq hokimiyati – xalqning o‘z xohish-irodasini amalga oshirish usulidir. Demokratik mamlakatlarda, jumladan, O‘zbekistonda hokimiyatning yagona manbai xalqdir. Xalq o‘z hokimiyatini, o‘zi saylab qo‘ygan yoki tuzadigan organlar orqali ro‘yobga chiqaradi. Xalq hokimiyati davlat hokimiyati orqali siyosiy jarayonga aylanadi. Agar hokimiyat biron-bir narsaga ega bo‘lish, ta’sir o‘tkazish, hatto majburlash imkoniyatiga ega bo‘lsa, shu imkoniyatni xalq davlat hokimiyati orqali amalga oshiradi. Xalq hokimiyati – saylov, referendum, muhokamalarda ishtirok etish, o‘zini o‘zi boshqarish organlari kabi tushunchalardan vujudga keladi. Xalq hokimiyati − xalq suverenitetining ifodasidir[86]. Demak, jamoatchilik nazoratida xalq tomonidan tanlangan subyektlar o‘z faoliyatini xalq nomidan olib borganidek, xalq manfaatlariga qat’iy amal qilishi ham talab etiladi. Agarda ushbu tamoyilga barcha jamoatchilik institutlari faoliyati davomida og‘ishmay amal qilsa, nafaqat jamoatchilik nazoratida samaradorligi oshadi, balki, ularga nisbatan pozitiv jamoatchilik fikri ham shakllanadi. Yüklə 1,45 Mb. Dostları ilə paylaş:
|