İstehlakçıya səmtlənmiş təşkilati struktur. Bəzi müəssisələr böyük çeşidlə məhsul, yaxud xidmətlər istehsal edirlər, hansı ki, bir neçə istehlakçı qrupun (bazarların) sifarişlərinə cavab verirlər. Əgər iki və daha çox müştəri müəssisə üçün xüsusilə vacib olarsa, onda istehlakçıya səmtlənmiş təşkilati strukturdan istifadə edilə bilər.
Matris strukturu. Təşkilati strukturların əksəriyyətinin ən başlıca nöqsanı xarici mühitin dəyişilməsinə kifayət qədər uyğunlaşa bilməmələridir. Hətta xətti-funksional strukturlar sxemi xarici növünə görə statikdir, struktur vahidləri öz aralarında möhkəm əlaqəlidirlər, amma onların vaxtında modernləşmə mexanizmləri yoxdur. Əgər belə təşkilati strukturun hər hansı hissəsi xarici mühitin dəyişilməsi, yaxud daxili proseslərin təsiri nəticəsində istehsal prosesindən çıxarsa, o, qətiyyən işləyə bilməz. Müasir bazar münasibətləri, xüsusilə istehsalçı-istehlakçı, yaxud istehsalçı- rəqiblər, həmçinin istehsalçı-sosial institutlar arasında münasibətlər daim dəyişikliyə məruz qalır, hansı ki, müəssisə giriş və çıxış elementləri arasında balansı qoruyub saxlamaq üçün hökmən reaksiya verməlidir.
