Ta’lim jarayonida internet resurslaridan foydalanish Oʻquv jarayonlarida Web – saytlardan foydalanishning koʻpgina yutuqlari mavjud. Shu bois bunday saytlarni yaratish va mazmunan yangilab borish ta’lim muassasasi faoliyatida muhim ahamiyat kasb etadi. Shunday ekan oʻquv muassasalari uchun bag‘ishlangan saytlarni yaratish har bir ta’lim muassasasi oldida turgan birlamchi vazifalar qatoriga kiradi. Bunday saytlarni yararish uni oʻrganish mobaynida Internet tizimi bilan bog‘liq omillarni hisobga olish lozim.
Bunday omillar sifatida quyidagilarni koʻrsatish mumkin:
real vaqt masshtabida axborotlarga boʻlgan talablar;
muassasa va xususiy shaxslarning oʻzlari toʻg‘risidagi axborotlarni Internetga joylashtirishga intilishi
Bugungi kunda Internetga joylashtirilgan Web – saytlarning quyidagi turlari mavjud:
Reklama sayti – ixtiyoriy reklama singari Internet informatsion muhitidagi aniq mahsulot va xizmat yoki brendni reklama qilish uchun xizmat qiladi. Katta miqdordagi grafik element va multimedia vositalari (Flash) sahifalarida qoʻllanilishi bilan farqlanadi.
Informatsion sayt – mijozlarning virtual uyushmasini tuzish toʻg‘risidagi qarorni qabul qilishda “informatsion toʻsiq” ni olib tashlash uchun tashrif buyuruvchilarni mahsulot va xizmat turlari toʻg‘risidagi ma'lumotlar bilan toʻla-toʻkis boxabar etish uchun xizmat qiladi. Sahifalar tashqi koʻrinishining koʻrkamligi (ixchamligi) bilan ajratib turadi, chunki Web – saytdagi barcha elementlar kerakli axborotlarni tez va qulay usulda qidirib topish uchun xizmat qiladi.
Biznes-sayt – kompaniyaning alohida tashqi biznes – jarayonlarni tashkil qilish uchun xizmat qiladi. (masalan, ta'minotchi va dillerlarning ombordagi mahsulotlar; mahsulot yoki xizmatlarga ega boʻlishdagi buyurtmalari, xizmatchi va dillerlarni oʻqitish; suhbatlar olib borish jarayonlari toʻg‘risida). Biznes jarayonlarni tashkil etish uchun dasturiy modullar (Internet – ilova) mavjudligi bilan farqlanadi.
