Umumiy pedagogika

Novatsiya
Innovatsiya
1) amaldagi nazariya doirasida qoʻllaniladi; 2) koʻlam va vaqt boʻyicha chegaralanadi; 3) metodlar yangilanadi; 4) natija avvalgi tizimni takomillashtiradi	1) tizimli, yaxlit va davomli boʻladi; 2) ma’lum amaliyotda yangi faoliyat tizimini loyihalaydi; 3) sub’yektlarning faoliyati toʻla yangilanadi; 4) yangi texnologiyalar yaratiladi; 5) faoliyatda yangi sifat natijalariga erishiladi; 6) amaliyotning oʻzi ham yangilanadi

I.P.Podlasiyning fikriga koʻra, ta’lim innovatsiyalari quyidagi oʻzgarishlarga olib keladi:
- pedagogik tizimning tamomila oʻzgarishi;
- oʻquv jarayonining oʻzgarishi;
- pedagogik nazariyaning oʻzgarishi;
- oʻqituvchi faoliyatining oʻzgarishi;
- talaba faoliyatining yangilanishi;
- pedagogik texnologiyaning oʻzgarishi;
- ta’lim mazmunining yangilanishi;
- oʻqitish shakl, metod va vositalarining oʻzgarishi;
- ta’lim tizimi boshqaruvning oʻzgarishi;
- ta’lim maqsadi va natijalarning oʻzgarishi.
Bu oʻrinda M.M.Potashnik tomonidan e’tirof etilgan innovatsion jarayonlar mohiyatini ifodalovchi talqin alohida ahamiyatli ekanligini koʻrsatib oʻtish maqsadga muvofiqdir. Mazkur talqinga koʻra innovatsion jarayon quyidagi tuzilmalarga ega:

Innovatsion faoliyat mazmuni. Pedagogning innovatsion faoliyati.
Zamonaviy ta’limga xos muhim jihatlardan biri – pedagog faoliyatining innovatsion xarakter kasb etishiga erishish sanaladi. Rivojlangan xorijiy mamlakatlarda pedagog faoliyatining innovatsion xarakter kasb etishiga erishish masalasi oʻtgan asrning 60-yillaridan boshlab jiddiy oʻrganila boshlagan. Xususan, X.Barnet, J.Basset, D.Gamilton, N.Gross, R.Karlson, M. Maylz, A.Xeyvlok, D.Chen, R.Edem, F.N. Gonobolin, S.M. Godnin, V.I.Zagvyazinskiy, V.A.Kan-Kalik, N.V.Kuzmina hamda V.A.Slastenin kabi tadqiqotchilar tomonidan olib borilgan ishlarda innovatsion faoliyat, pedagogik faoliyatga innovatsion yondashish, innovatsion g‘oyalarni asoslash va ularni amaliyotga samarali tatbiq etish, xorijiy mamlakatlar hamda respublikada yaratilgan pedagogik innovatsiyalardan xabardor boʻlish orqali pedagogik jarayonda ulardan faol foydalanish borasidagi amaliy harakatlar mazmunini yoritilgan.

V.A.Slastenin innovatsiyani yangilik yaratish, keng yoyish va foydalanishga qaratilgan maqsadga muvofiq, yo‘naltirilgan jarayonlar majmui deb biladi. Muallifning fikriga ko‘ra har qanday innovatsiya yangi vositalar yordamida ijtimoiy sub'yektlarning ehtiyojini qondirish va intilishlarini rag‘batlantirish maqsadini ko‘zlaydi.

Har qanday innovatsiyada “yangi”, “yangilik” tushunchalari muhim ahamiyatga ega. Turli munosabat va jarayonlarga kiritilayotgan yangilik mazmunan xususiy, sub’yektiv, mahalliy va shartli g‘oyalar tarzida namoyon boʻladi.

Xususiy yangilik munosabat, ob’yekt yoki jarayonga tegishli elementlardan birini oʻzgartirish, yangilashni nazarida tutadi.
Sub’yektiv yangilik ma’lum ob’yektning oʻzini yangilash zaruriyatini ifodalaydi.
Mahalliy yangilik alohida olingan ob’yekt uchun kiritilayotgan yangilikning amaliy ahamiyatini tavsiflash uchun xizmat qiladi.
SHartli yangilik esa munosabat, ob’yekt yoki jarayonda murakkab, progressiv yangilanishning sodir etilishini ta’minlovchi ma’lum elementlarning yig‘indisini yoritishga xizmat qiladi.
Rossiyalik olimlar – A.I.Prigojin, B.V.Sazonov, V.S.Tolstoy, N.P.Stepanov va boshqalar esa innovatsion jarayon hamda uning tarkibiy qismlarini oʻrganishga e’tiborni qaratgan. Bu oʻrinda ular innovatsion jarayonning tashkil etilishiga nisbatan quyidagi ikki xil yondashuv mavjud ekanligini e’tirof etishadi:
1) yangilikning individual mikro darajasi (unga koʻra qandaydir yangi g‘oya amaliyotga joriy etiladi);
2) alohida-alohida kiritilgan yangiliklarning oʻzaro ta’sirini ifodalovchi makro daraja (bu oʻrinda alohida-alohida kiritilgan yangiliklarning oʻzaro ta’sirlanishi, birligi, raqobati va birining oʻrnini ikkinchisi tomonidan egallanishi ahamiyatli sanaladi).
A.I.Prigojin, B.V.Sazonov va V.S.Tolstoylar oʻz tadqiqotlarida yangilik kiritishning tizimli konsepsiyani asoslashga uringan. Bu oʻrinda mualliflar innovatsion jarayonlarning quyidagi muhim bosqichlarini bir-biridan ajratib koʻrsatishadi:
1. Yangilik sifatida namoyon boʻladigan g‘oyalarni ishlab chiqish (masalan: korxona, tashkilot tomonidan muayyan turdagi mahsulotni ishlab chiqishning rejalashtirilishi).
2. Yangilik (muayyan mahsulot)ni keng koʻlamda ishlab chiqish.
«Innovatsion faoliyat – bu yangi ijtimoiy talablar bilan an’anaviy me’yorlarning mos kelmasligi, yoxud amaliyotning yangi shakllanayotgan me’yorining mavjud me’yor bilan toʻqnashuvi natijasida vujudga kelgan muammolarni yyechishga qaratilgan faoliyatdir»,- deb ta’kidlaydi V.I.Slobadchikov⁶⁴.
Inson faoliyati oʻz oldiga qoʻygan maqsadlariga koʻra bir-biridan farq qiladi. Masalan, ijodiy faoliyat, ilmiy faoliyat, pedagogik faoliyat, tadbirkorlik faoliyati, oʻquv-bilish faoliyati, boshqaruv faoliyati va innovatsion faoliyat kabilar. Faoliyatning mazmuni, shart-sharoitlari, vositalari oʻzgarib borishi natijasida insonning axloqiy madaniyati takomillashib boradi.
Bugungi kunda pedagogika sohasida yangi ilmiy yoʻnalish - pedagogik innovatsiya va ta’lim jarayonini yangilash g‘oyalarining paydo boʻlishi natijasida oʻqituvchining pedagogik faoliyatida ham yangi yoʻnalish «oʻqituvchining innovatsion faoliyati» tushunchasi paydo boʻldi.
Ta’lim tizimidagi innovatsiyalar, ularni amaliyotga kiritish, innovatsion jarayonlarni boshqarishni tahlil qilish orqali innovatsion faoliyat tushunchasini ta’riflash imkoniyati paydo boʻldi. Innovatsion faoliyat - pedagogik jamoani harakatga keltiruvchi, olg‘a boshlovchi, taraqqiy ettiruvchi kuchdir. Innovatsion faoliyat bu amaliyot va nazariyaning muhim qismi boʻlib, ijtimoiy-madaniy ob’yekt sifatlarini yaxshilashga qaratilgan ijtimoiy sub’yektlarning harakat tizimi boʻlib, u ma’lum doiradagi muammolarni yechish qobiliyatigina emas, balki har qanday vaziyatdagi muammolarni yechish uchun motivatsion tayyorgarlikka ega boʻlishdir. Oʻqituvchi innovatsion faoliyatining markaziy masalasi oʻquv jarayonini samarali tashkil etishdan iborat. “Barcha amaliyotdagi oʻqituvchilar bilganidek, oʻqituvchining eng asosiy vazifasi oʻquvchilarning oʻqishga boʻlgan ishtiyoqi pasayganda uni koʻtarish va mavjud boʻlgan motivatsiyani oʻqitishning oʻzi orqali (masalan, tanqidiy qarash oʻqituvchi tomonidan beriladigan vazifa va materiallarga) zaiflashtirmaslik yoki buzmaslikdan iborat”⁶⁵.
Innovatsion faoliyatni ma’lum bir ijtimoiy amaliyot maydonida koʻrib chiqish zarur. Bu amaliyotning konkret sub’yekt nuqtayi nazaridan, amaldagi an’anaga nisbatan jiddiy oʻzgarishlarga olib keladigan yangi faoliyatni innovatsion deb hisoblash mumkin.
Innovatsion faoliyatning infratuzilmasini uni amalga oshirish uchun zarur boʻlgan xizmatlarni innovatsion faoliyat sub’yektlariga taklif etuvchi tuzilmalar tashkil etadi. Demak, malaka oshirish va qayta tayyorlash institutlari, tuman (shahar) metodika kengashlari, maktab metod birlashmalari oʻqituvchilar innovatsion faoliyat yuritishlari uchun zarur boʻladigan xizmatlarni tashkil etishlari kerak.
Shunga koʻra «innovatsion oʻzgarishlarni sezish, anglash har qanday oʻqituvchiga ham xos boʻlavermaydi,-deb yozadi U.Nishonaliyev,- bu yerda eng asosiysi oʻqituvchining oʻzi yangilikni sezishga psixologik jihatdan tayyor boʻlishidir».
Innovatsion faoliyat -uzluksiz ravishda yangiliklar asosida ishlash boʻlib, u uzoq vaqt davomida shakllanadi va takomillashib boradi.
Oʻqituvchining innovatsion faoliyati xususiyatlarini oʻrganib chiqqan pedagog olimlar fikrlariga tayangan holda, quyidagilarni innovatsion faoliyatning asosiy belgilari deb hisoblash mumkin:

Oʻqituvchilarni innovatsion faoliyatga tayyorlash muammosiga murojaat etish jamiyatda innovatsion jarayonlar dinamikasining oʻsib borayotganligini tushunish natijasida vujudga keldi. Uning tahlili faqat fan va texnika erishgan zamonaviy yutuqlardan foydalanishni oʻz ichiga olmasdan, balki yangiliklarni izlash, yaratish, moslashtirish, tatbiq etish va olingan natijalarni qayta tekshirish kabi jarayonlarni ham qamrab oladi.

Innovatsion faoliyatning tuzilishini oʻrganib chiqqan olimlardan biri V.Slastenin uni quyidagicha tuzilishga ega deb koʻrsatib oʻtadi: «Innovatsion faoliyatning tuzilishi-ijodiy yondashuv, ijodiy faollik, yangilikni kiritishga texnologik va metodologik tayyorgarlik, yangicha fikrlash, muomala madaniyati. Innovatsion faoliyatning darajalari: reproduktiv, evristik, kreativ boʻlishi mumkin».
Innovatsion faoliyat yangi g‘oyani izlashdan boshlanadi. Pedagogik innovatsiya ta’lim-tarbiya jarayonidagi muhim va murakkab masala yechilmiga yoʻnalitirilganligi sababli oʻqituvchidan yangicha yondashuvni talab qiladi.
Oʻqituvchini innovatsion faoliyatga tayyorlashda bir qator psixologik toʻsiqlar mavjud. Bularning birinchisi oʻqituvchining oʻzi koʻnikkan faoliyat chegarasidan tashqariga chiqishi juda qiyinligi, ya’ni oʻqituvchilarda ijodkorlikning yyetarli emasligi boʻlsa, yana bir sabab yangi va noma’lum narsalar har doim odamlarda choʻchish va xavfsirashni keltirib chiqarishidir.
A.M. Xon oʻqituvchilarda innovatsion faoliyatni shakllantirishda uchraydigan psixologik toʻsiqlarning ikki turini ajratadi: kognitiv psixologik toʻsiqlar va muntazam paydo boʻladigan toʻsiqlar. Kognitiv psixologik toʻsiqlar yangilik haqidagi bilimlarning yetishmasligi, yangilikni his qilmaslik va nofaol xatti-harakatlar hisoblansa, muntazam psixologik toʻsiqlar yangilikka nisbatan ishonchsizlik, rahbariyatga ishonmaslik, tashabbuskorlarni qoʻllab-quvvatlamaslik va odatda yangilik kirituvchilarga qarshi kurashish kabi koʻrinishlarda namoyon boʻladi.