Göstərən Zərdab rayon Mərkəzləşdirilmiş Kitabxana Sistemi Mərkəzi kitabxananın Metodika və biblioqrafiya şöbəsi 2017- ci il “ İslam Həmrəyliyi İli “dir



Yüklə 46,02 Kb.
tarix15.01.2019
ölçüsü46,02 Kb.
#97086

Ağdaş Regional Mədəniyyət və Turizm İdarəsi nəzdində fəaliyyət

göstərən Zərdab rayon Mərkəzləşdirilmiş Kitabxana Sistemi

Mərkəzi kitabxananın Metodika və biblioqrafiya şöbəsi

2017- ci il “ İslam Həmrəyliyi İli “dir

Metodik məktub

Zərdab- 2017

2017-ci ilin Azərbaycan Respublikasında “İslam Həmrəyliyi İli” elan edilməsi haqqında Azərbaycan Respublikası Prezidentinin Sərəncamı

Azərbaycan uzun əsrlərdən bəri İslam sivilizasiyasının əsas mərkəzlərindən biri olmuşdur. O, İslam dininin yayılmasında və eyni zamanda Müsəlman İntibahının bərqərar olmasında mühüm rol oynamışdır. Bütün bunlar Azərbaycan ərazisində ilk vaxtlardan İslam dininin maddi və qeyri-maddi irsinin formalaşmasına zəmin yaratmışdır. 743-cü ildə tikilən Şamaxı Cümə məscidi və ölkəmizin muzeylərində saxlanılan qədim əlyazmalar bunun bariz nümunəsidir. 

Dinlə bağlı sərt qadağaların mövcud olduğu sovet dövrü Azərbaycanında cəmi 17 məscid fəaliyyət göstərdiyi halda, hazırda onların sayı 2000-i ötüb keçmişdir. Həmin məscidlərin 300-dən çoxu tarixi-mədəni abidə kimi qorunur. Azərbaycan dövlətinin İslam dini dəyərlərinə qayğısı sayəsində son illər ərzində İslam mədəniyyətinin qiymətli abidələrindən Bibiheybət, Təzəpir, Əjdərbəy, Şamaxı Cümə məscidləri və Gəncə şəhərindəki “İmamzadə” kompleksi əsaslı şəkildə yenidən qurularaq təmir olunmuş, ölkəmizin paytaxtında Cənubi Qafqazın ən möhtəşəm məbədi Heydər məscidi inşa edilmişdir.

Azərbaycan Respublikası İslam Əməkdaşlıq Təşkilatının, İSESKO-nun, həmçinin müsəlman ölkələrini birləşdirən digər mötəbər qurumların üzvü seçilərək İslam aləmi ilə qarşılıqlı faydalı münasibətlər qurmuş, qlobal əhəmiyyətli bir sıra mühüm mədəni forumların təşkilatçısı kimi çıxış etmişdir.

Azərbaycan tolerantlıq mühitinin təşəkkül tapmasına, multikulturalizmin, mədəniyyətlərarası və sivilizasiyalararası dialoqun qurulmasına, islam dəyərlərinin dünyada təbliğinə böyük töhfələr vermişdir. Azərbaycanın İslam aləmində qazandığı nüfuz 2009-cu ildə Bakı və 2018-ci ildə Naxçıvan şəhərlərinin İslam mədəniyyətinin paytaxtı elan olunmasında öz ifadəsini tapmışdır. IV İslam Həmrəyliyi Oyunlarının 2017-ci ildə Bakı şəhərində keçirilməsi ilə bağlı qərar isə ölkəmizin İslam həmrəylinin möhkəmləndirilməsi sahəsində növbəti əməli addımlar atması üçün əlverişli şərait yaradır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, İslam həmrəyliyinin bərqərar olmasında Azərbaycanın özünəməxsus mövqeyinin möhkəmləndirilməsini təmin etmək məqsədi ilə qərara alıram:

1. 2017-ci il Azərbaycan Respublikasında “İslam Həmrəyliyi İli” elan edilsin.

2. Azərbaycan Respublikasının Nazirlər Kabineti 2017-ci ilin Azərbaycan Respublikasında “İslam Həmrəyliyi İli” elan edilməsinə dair tədbirlər planını bir ay müddətində hazırlayıb Azərbaycan Respublikasının Prezidentinə təqdim etsin.

İlham Əliyev

Azərbaycan Respublikasının Prezidenti

Bakı şəhəri, 10 yanvar 2017-ci il.

İslam dini sülh və həmrəylik dinidir

Hər bir xalqın ən qiymətli sərvəti onun tarixinin süzgəcindən keçmiş milli-mənəvi dəyərləridir. O dəyərlər ki, xalqın mədəniyyətinin, milli xüsusiyyətinin formalaşmasında mühüm rol oynayır və cəmiyyətin qarşılaşdığı maneələr qarşısında daha güclü olmasına gətirib çıxarırir. Bu dəyərlərin təməlində isə tarix, dil, din, adət-ənənələr, milli mentalitet, mədəniyyət və s. dayanır. 
Demək olar ki, bu keyfiyyətlər müxtəlif formalarda bütün xalqlarda mövcuddur. Lakin biz azərbaycanlıları əksər xalqlardan fərqləndirən, özünəməxsus edən digər mədəniyyətlərə hörmətlə yanaşmaq, dözümlü, sülhpərvər, həmrəy olmaq düşüncəsini bütün varlığımızla mənimsəməklə yanaşı, dünyada sülhün və rifahın təmini naminə onun ideyalarının təbliğini həyat fəlsəfəmizə çevirməyimiz və harmonik formada öz həyatımızda tətbiq etməyimizdir. Şübhəsiz, bəşəriyyətin ehtiyac duyduğu bu gözəl dəyərlərin ruhumuza, qanımıza hopmasında yaşadığımız ərazinin Şərqlə Qərb arasında həm mədəni, həm də coğrafi baxımdan körpü rolu oynamasının, xalqımızın İslam dinini düzgün anlamasının və onun humanist dəyərlərini mənimsəməsinin böyük rolu vardır.


Tarixə nəzər salsaq görərik ki, Azərbaycan ərazisində müxtəlif dinlərin, dillərin, mədəniyyətlərin nümayəndələri rahat şəkildə yaşaya bilmiş və heç zaman dini-etnik zəmində münaqişə baş verməmişdir. Bütün bunlar bir daha sübut edir ki, xalqımız dünyanın ehtiyac duyduğu və əldə etməkdə çətinlik çəkdiyi birgəyaşayışı, həmrəy olmağı dədə-babalarımızdan miras kimi qəbul edərək günümüzədək qoruyub saxlamışlar.
Bu gün biz dünyada baş verən neqativ hadisələrin fonunda bu dəyərlərin nə qədər önəm daşıdığının şahidi oluruq.

Bu gün ölkələr arasında iqtisadi, siyasi, hərbi sahələrlə yanaşı, sivilizasiya və din rəqabəti də gedir. Təəssüf ki, bu rəqabət sağlam şəkildə deyil, günahsız insanların həyatı bahasına başa gəlir. Biz bunu Yaxın Şərqdə, Suriyada və digər müsəlman ölkələrində açıq şəkildə görürük. İslam dini adı altında fəaliyyət göstərən terror təşkilatlarını dəstəkləyən qrupların dünyada islamofobiya meyillərinin artmasına rəvac verdikləri də danılmaz faktdır. Təəssüf ki, Avropa ictimai rəyini diqqətlə izləsək, bütün terrorların İslam dini ilə əlaqələndirildiyini görərik.. Ona görə də bu gün müsəlman dünyasında din amilindən istifadə edərək yaradılan qarşıdurmaların qarşısını almaq üçün alternativ yollar arayıb tapmağa hər zamankından daha çox ehtiyac var. Bu yol isə dini tolerantlığın, birgəyaşayışın, multikultural dəyərlərin, eyni zamanda, müsəlmanlar arasında həmrəylik ideyasının təbliğ və təşviq olunmasından keçir. Bu cür xoşagəlməz halların qarşısını almaq üçün dünyaya İslamın sülh dini olduğunu və müsəlmanların terrorçu deyil, dinindən, irqindən, sosial mənsubiyyətindən asılı olmayaraq hər kəsə dözümlü, bərabər yanaşan toplumlar olduğunu çatdırmağa ehtiyac duyulur. Necə ki, xalqımızın sahib olduğu bu dəyərlər artıq ölkəmizdə həyat tərzinə çevrilib və biz bununla dünyaya “bu yolun alternativi yoxdur” mesajını verməkdəyik. 
Dövlət başçısı İlham Əliyevin 2016-cı ili “Multikulturalizm ili”, onun məntiqi davamı kimi bu ili “İslam həmrəyliyi ili” elan etməsi bütün dünyaya “Bir-birimizə qarşı dözümlü olaq, hörmətlə yanaşaq, həmrəy olmağı, dinlər və məzhəblər arasında dialoq qurmağı bacaraq” çağırışıdır.


2017-ci ilin Prezident İlham Əliyev tərəfindən “İslam həmrəyliyi ili” elan olunması vaxtında qəbul olunmuş və zamanın çağırışlarına cavab verən addımdır. “İslam həmrəyliyi ili” yalnız din amilini deyil, eyni zamanda müsəlman ölkələrinin həm iqtisadi, həm mədəniyyət, həm də mənəviyyat sahəsində bir-birinə dəstək olması, həmrəy olması məsələsini özündə əks etdirir və onlar arasında nifaq salmaq istəyənlərə bir cavabdır.

Bununla əlaqədar Azərbaycan Respublikası Prezidenti 10 yanvar 2017- ci il tarixli sərəncam imzalamışdır. Milli - mənəvi dəyərlərimizin tərkib hissəsi olan dinimizin qorunub saxlanması , daha da inkişaf etdirilməsi və geniş təbliğ olunması ilə əlaqədar kitabxanalar qarşısında müəyyən vəzifə durur.Ölkəmizin və xalqımızın sahib olduğu multikultural dəyərlərin, tolerantlıq əlaqələrinin qorunmasında və təbliğində kitabxanalar fəal iştirak etməliditlər.

Kitabxanalarda “ İslam Həmrəylik İli”nə həsr olunmuş tədbirlər planı tərtib olunmalıdır. Tədbirlər planında əyani və şifahi təbliğatın bütun formalarından : foto sərgi, kitab sərgisi, dəyirmi masa , məruzə , kitab müzakirəsi, kitab təqdimatı,ədəbi - bədii gecə, oxucu konfransı, məlumat həftəsi , ucadan oxu, , kitab bayramı və sair kimi formalarından önəmli şəkildə istifadə edilməlidir. Tədbirləri aşağıdakı başlıqlar altında keçirmək olar: “İslam Həmrəyliyinə nail olaq “, “ 2017- ci il İslam Həmrərliyi ilidir”,” Heydər Əliyev və Nilli -mənəvi dəyərlər “, “ İslam dini , islam tarixi, islami dəyərlər ,”Müsəlman dünyasının yeni intibah dalğası Bakıdan başlayacaq”,” İslam dünyasının nəbzi Bakida vuracaq”, “ Dinimiz , mənəviyyatımız”, “ İslam dini sülh və həmrəylik dinidir ”, “İslam dəyərləri və müasirlik“ ,” İslamda Vətən və dovlət sevgisi “, “İslamın ailəyə verdiyi dəyər “və sair .

Kitabxanalar 2017-ci ildə Azərbaycan dövlətinin yürütdüyü siyasətdə yaxından iştirak etməli, öz zəngin kitab fondları ilə milli -mənəvi dəyərlərimizi

geniş təbliğ etməli, ölkəmizdə yaşayan və böyüməkdə olan nəsillərin əsl Azərbaycan vətəndaşı kimi tərbiyə olunmasına çalışmalıdırlar. Dünyanın ən sakit və sülhsevər xidmətini-kitabla xidməti həyata keçirən kitabxanalarımızın ölkəmizdə sülhün və sakitliyin mövcud olmasında, iqtisadi, mədəni və elmi inkişafın həyata keçirilməsində yaxından iştirak etməsi çox vacibdir. Tədbirlərin təşkilinə kömək məqsədilə metodiki məktuba ədəbiyyat siyahısı da əlavə edirik.

ƏDƏBİYYAT:


  • Qurani - Kərim (ərəb dilindən tərcümə etənlər : Z. M. Bünyadov v. V.M. Məmmədəliyev).- Bakı:Qismət, 2006.

  • Paşazadə ,A.Ş.Qafqazda İslam.-Bakı :Azərnəşr,1991.-224 s.

  • Cavanşir Məzahiroğlu. Hikmət xəzinəsi.-Bakı: ”Bilik “nəşriyyatı,2012.-1167s

  • İslam Əxlaqı.-Bakı: “ İpəkyolu Nəşriyyatı”,2010.-208 s.

  • Bünyadov, Ziya.Dinlər ,təriqətlər, məzhəblər.- Bakı:

  • 101 hədis.- Bakı:Gənclik,1990.-32 s.

  • Qaraoğlu ,Fazil.Peyğəmbərimiz Həzrəti Məhəmmədin həyatı.-Bakı: 2006.-333 s.

  • Dini etiqad azadlığı haqqında Azərbaycan Respublikasının Qanunu.- Bakı: 2009.



  • Naxçıvan şəhərinin 2018-ci il üçün İslam Mədəniyyətinin paytaxtı elan edilməsi ilə əlaqədar təşkilat Komitəsinin yaradılması haqqında Azərbaycan Respublikası Prezidentinin Sərəncamı : 2 iyun 2016-cı il //Xalq qəzeti .- 3 iyun.-2016.-s1.

  • 2017- ci il Azərbaycanda “ İslam Həmrəyliyi ili”dir //Səs.-2017.- 12yanvar.-S.8

  • Soltan,Rüfət.” İslam Həmrəylik ili” İslam dünyasına baxış bucağını dəyişməyə çağırışdır //Ədalət.-2017.-13-14 yanvar.-S.2

  • Nurəddinoğlu, R .Azərbaycanın qlobal siyasət meydanında rolu artır //Azad Azərbaycan.- 2017.-17 yanvar.-S .3

  • Qurbanlı, Mübariz. Azərbaycan İslam həmrəyliyinin ideya və real fəaliyyət mərkəzinə çevrilir // Azərbaycan.-2017.-18 yanvar.-S.1-4

  • Natiq.2017-ci ilin” İslam həmrəyliyi ili” elan edilməsi təsadüfi deyil // Azad Azərbaycan.-2017.-13 yanvar.-S.3

  • Hüseynli,Qabil .Azərbaycan bu il İslam həmrəyliyinin möhkəmləndirilməsi sahəsində əməli addımlar atacaq //Paliyra.-2017.-13 yanvar.- S.6

  • Çərkəzoğlu,Əli .Qurban bayramı:gerçək mahiyyəti və qazandırdıqları //Mədəniyyət .-2010.-12 noyabr.-S.15.

  • İsmayılov, Rafik .Bir millət,iki dövlət.Azərbaycan-Türkiyə reğionda sülhün,tərəqqinin təmin olunmasına xidmət edir // Kaspi .-2017.- 17 yanvar.- S.4

  • Jan Fransua Mansel :İslam dini sülh və Prezident İlham Əliyevin qeyd etdiyi kimi,həmrəylik dinidir //Səs.-2017.-17 yanvar.-S.7

  • Məmmədov,Zamin.Hüquq dövlət və din // Dölət və Din jurnalı.-2009.-№5.- S.52-57

  • Ourbanlı,Mübariz .Azərbaycanın nümunəvi din siyasəti: uğurlarımız və perspektivlər // Dövlət və Din jurnalı.-2009.-№5.-S.14-23


Tərtib etdi : Metodika və biblioqrafiya şöbəsinin müdiri - G. Qasımova
Redaktor: şöbənin baş biblioqrafı-B. Fətəliyeva
Kataloq: front -> files -> libraries -> 2708 -> documents
libraries -> Şəmkir rayon Mərkəzləşdirilmiş Kitabxana Sistemi Metodika və biblioqrafiya şöbəsi
libraries -> Nəriman Həsənzadə 85
libraries -> Metodiki vəsait Qax-2016
libraries -> Azərbaycanda Multikulturalizm
libraries -> 18 İyun-İnsan hüquqları günüdür
libraries -> Qubadlı rayon mks-nin 2016-cı IL üçün iş plani
libraries -> Mərkəzləşdirilmiş Kitabxana Sistemi 9 noyabr Dövlət Bayrağı Günüdür
libraries -> AZƏrbaycan respublikasi məDƏNİYYƏt və turizm naziRLİYİ salyan rayon məDƏNİYYƏt və turizm şÖBƏSİ salyan rayon məRKƏZLƏŞDİRİLMİŞ Kİtabxana sistemi
libraries -> Biləsuvar rayon Mədəniyyət və Turizm şöbəsi Mərkəzləşdirilmiş Kitabxana Sisteminin Metodika və Məlumat biblioqrafiya şöbəsi xocali – qan yaddaşimizdir
documents -> Təqvim 2016 Zərdab- 2016

Yüklə 46,02 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©muhaz.org 2022
rəhbərliyinə müraciət

    Ana səhifə