Açıqlama 23-26 15092022 nk

4.4 . 2023-cü il üzrə xərclər üzrə siyasətin əsas istiqamətləri 
“Azərbaycan 2030: sosial-iqtisadi inkişafa dair Milli Prioritetlər”də və bu prioritetlərə 
söykənən “Azərbaycan Respublikasının 2022-2026-cı illərdə sosial-iqtisadi inkişaf 
Strategiyası”, həmçinin mövcud reallıqlar və çağırışlar nəzərə alınmaqla, 2023-cü il üzrə 
xərc siyasəti aşağıdakı istiqamətləri önə çəkir: 
Ø
İşğaldan azad edilmiş ərazilər üzrə bərpa və yenidənqurma işlərinin, böyük qayıdış 
planının təmin edilməsi, ərazilərdə müasir infrastrukturların, o cümlədən hərbi 
infrastrukturların tikintisi; 
Ø
Ölkənin müdafiə qabiliyyətinin və milli təhlükəsizliyinin daha da gücləndirilməsi; 
Ø
Əməyin ödənişi, sosial müdafiə və sosial təminat üzrə islahatların davam etdirilməsi, 
inflyasiya təzyiqi nəzərə alınmaqla sosial dəstək tədbirlərinin həyata keçirilməsi; 
Ø
Səhiyyə xərclərinin, o cümlədən əhalinin dövlət büdcəsinin vəsaiti hesabına icbari 
tibbi sığortalanması, səhiyyə sahəsində bir sıra dövlət proqramlarının və tədbirlərin, 
yoluxucu xəstəliklərin, o cümlədən COVID-19 pandemiyasının yayılmasına qarşı 
mübarizə və profilaktik tədbirlərin maliyyə təminatı; 
Ø
Təhsil xərclərinin, o cümlədən dövlət sifarişi ilə ali təhsil alanların, təqaüd kvotasının 
artırılmasının və tələbə kreditinin maliyyə təminatı, təhsil müəssisələrində informasiya 
kommunikasiya texnologiyalarının tətbiqi üzrə artan təlabatın qarşılanması; 
Ø
Ölkənin ərzaq təhlükəsizliyinin təmin edilməsi üçün aqrar sektorun stimullaşdırılması, 
kənd təsərrüfatının aparıcı sahələrinin, prioritet şəkildə buğda istehsalının inkişaf 
etdirilməsi üçün maliyyə dəstəyi və subsidiyaların ayrılmasının artırılması; 
Ø
Ölkənin tranzit potensialının daha dolğun istifadəsi, Transxəzər dəhlizi üzrə 
daşınmaların nəqliyyat logistika infrastrukturunun təkmilləşdirilməsi üzrə layihələrin 
dəstəklənməsi; 

---

19 
Ø
Əməyin ödənişi, sosial müavinət, təqaüd və pensiyalar, dövlət borcuna xidmətlə bağlı 
xərclərin (büdcə qanunvericiliyinə əsasən müdafiə olunan xərclər) prioritet maliyyə 
təminatı; 
Ø
Dövlət büdcəsinin vəsaiti hesabına həyata keçirilməsi nəzərdə tutulmuş dövlət 
proqramlarının və tədbirlərinin maliyyə təminatı; 
Ø
Dövlət büdcəsindən iqtisadiyyata dövlət öhdəliklərinin, o cümlədən dövlət sifarişi üzrə 
öhdəliklərin qarşılanması, həmçinin subsidiya, subvensiya, dotasiya və qrant 
formasında maliyyə dəstəyinin davam etdirilməsi; 
Ø
Bir sıra zəruri məhsul və xidmətlərin qiymət artımının (inflyasiyanın) sosial təyinatlı 
tədbirlərə, büdcədən maliyyələşən və maliyyə yardımı alan təşkilatlara təsirinin 
qarşılanması;