Açıqlama 23-26 15092022 nk

---

1 
 

 
 

---

2 
 
M Ü N D Ə R İ C A T 
 
Giriş 
3 
1. Xarici və daxili makroiqtisadi mühit 
4 
2. 2022-ci ilin birinci yarısı üzrə fiskal göstəricilər 
7 
3. Ortamüddətli dövr üçün makroiqtisadi hədəflər və proqnozlar 
9 
4. Növbəti il və sonrakı üç il üzrə büdcə siyasəti 
12 
4.1. Əsas strateji çağırışlar və qlobal mühit faktorları 
12 
4.2. Əsas məqsəd, istiqamət və hədəflər 
14 
4.3. 2023-cü il üzrə gəlirlər üzrə siyasətin əsas istiqamətləri 
17 
4.4. 2023-cü il üzrə xərclər üzrə siyasətin əsas istiqamətləri
18 
5. 2023-cü il üzrə dövlət və icmal büdcələrin proqnozu 
20 
 
 

---

3 
Giriş 
Qlobal pandemiya şəraitində 2020-ci ildə ölkə iqtisadiyyatında müşahidə olunan 
iqtisadi geriləmə ötən ildən başlayaraq iqtisadiyyatın sürətli bərpa prosesi ilə əvəzlənmişdir. 
Bu müsbət artım dinamikası 2022-ci ildə də davam etməkdədir. Makroiqtisadi göstəricilərdə 
müşahidə edilən pozitiv meyillər dövlət və icmal büdcələrinin icrasında da özünü göstərir.
Bununla belə, pandemiya ilə bağlı qeyri-müəyyənliklərin hələ də davam etdiyi bir 
şəraitdə Rusiya-Ukrayna münaqişəsinin təsiri ilə geosiyasi gərginliyin artması və inflyasiya 
təzyiqlərinin, deqloballaşma və fraqmentasiya meyillərinin daha da güclənməsi Azərbaycan 
iqtisadiyyatı qarşısında da bir sıra yeni çağırışlar formalaşdırmış, ölkədə inflyasiya səviyyəsi 
yüksəlmişdir. 
Qeyd olunan qlobal iqtisadi reallıqlar və çağırışlar fonunda keyfiyyətcə yeni strateji 
inkişaf mərhələsinə daxil olan Azərbaycan Respublikasının qarşısında duran prioritetlər, 
məqsəd və hədəflər Azərbaycan Respublikası Prezidentinin müvafiq olaraq 2021-ci il 2 
fevral tarixli 2469 və 2022-ci il 22 iyul tarixli 3378 nömrəli Sərəncamları ilə təsdiq edilmiş 
“Azərbaycan 2030: sosial-iqtisadi inkişafa dair Milli Prioritetlər” və bu prioritetlərə söykənən 
“Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda öz 
əksini tapmışdır. 
Bu strateji məqsəd və hədəflərin, xüsusilə də sözügedən Strategiyanın işğaldan azad 
olunmuş ərazilərdə dayanıqlı məskunlaşma və iqtisadi fəaliyyətə reinteqrasiyasiya, eləcə də 
əhalinin sosial müdafiəsi və təminatının gücləndirilməsi ilə bağlı məqsədlərinin 
reallaşdırılması üçün böyük məbləğdə maliyyə resursları tələb olunur ki, bu resursların da 
büdcə qaydasına əsaslanan yeni makro-fiskal çərçivə və Ortamüddətli Resurs Zərfi ilə 
uzlaşdırılması və makro-fiskal dayanıqlığa xələl gətirmədən səmərəli mobilizasiyası 
ortamüddətli dövr üzrə büdcə siyasəti qarşısında duran əsas çağırışlardan biridir.
2023-cü il və sonrakı üç ilin icmal və dövlət büdcələrinin layihələri qeyd olunan 
çağırışlar, eləcə də Azərbaycan Respublikası İqtisadiyyat Nazirliyinin təqdim etdiyi 
ortamüddətli dövr üzrə makroiqtisadi proqnoz göstərciləri və fərziyyələr nəzərə alınmaqla 
hazırlanmışdır. Növbəti ilin dövlət büdcəsinin tərtibi zamanı “2022-2026-cı illərdə sosial-
iqtisadi inkişaf Strategiyası”nın həyata keçirilməsi üçün zəruri maliyyə təminatının 
yaradılması ilə yanaşı, ölkənin müdafiə və təhlükəsizlik qabiliyyətinin daha da 
gücləndirilməsi, dövlət borcuna xidmət və dövlətin digər əsas funksiyalarının yerinə 
yetirilməsi də də diqqət mərkəzində saxlanılmışdır.
“2023-cü ilin dövlət və icmal büdcələrinin ilkin göstəricilərinə dair Açıqlama” sənədi 
Azərbaycan Respublikası Prezidentinin 27 fevral 2020-ci il tarixli 1859 nömrəli Sərəncamı 
ilə təsdiq olunmuş “Açıq hökumətin təşviqinə dair 2020-2022-ci illər üçün Milli Fəaliyyət 
Planı”nı əsasında ”Açıq Büdcə Sorğusu” və digər beynəlxalq fiskal diaqnostika alətlərinə 
uyğun olaraq hazırlanmışdır. Sənəd növbəti il və ortamüddətli dövr üzrə makroiqtisadi hədəf 
və proqnozları, büdcə siyasətinin əsas istiqamət və hədəflərini, prioritet xərc istiqamətlərini, 
büdcə qaydasına əsaslanan yeni makro-fiskal çərçivəyə uyğun olaraq icmal və dövlət 
büdcələrinin layihələrini əhatə edir. İcmal və dövlət büdcələrinin layihələri ilkin
parametrlərdən ibarətdir və büdcə prosesinin növbəti mərhələlərində qeyd edilən 
parametrlərə dəyişikliklərin edilməsi mümkündür. 

---

4