Açıqlama 23-26 15092022 nk

Dövlət borcu. 2022-ci ilin 1 iyul tarixində ümumi dövlət borcu 16928,5 milyon manat 
və ya ÜDM-nin 14,7 faizini, o cümlədən xarici dövlət borcu 7.882.3 milyon ABŞ dolları və ya 
ÜDM-in 11,7 faizini, daxili dövlət borcu isə 3.528,5 milyon manat və ya ÜDM-nin 3,0 faizini 
təşkil etmişdir. İlin birinci yarısının sonunda birbaşa dövlət borcu 14973,8 milyon manat və 
ya ÜDM-nin 13,0 faizi, o cümlədən birbaşa xarici dövlət borcu 7.167,1 milyon ABŞ dolları və 
ya ÜDM-nin 10,6 faizi, birbaşa daxili dövlət borcu 2789,7 milyon manat və ya ÜDM-nin 2,4 
faizi səviyyəsində olmuşdur. Daxili dövlət borcunun 79,1 faizini daxili maliyyə bazarlarında 
emissiya olunmuş dövlət istiqrazları təşkil etmişdir.
2022-ci ilin ilk beş ayının faktiki icra göstəriciləri, yenilənmiş makroiqtisadi proqnozlar, 
enerji daşıyıcılarının qiymətlərində qeyd edilən artımlar, həmçinin dövlətin müdafiə və 
təhlükəsizliyinin daha da gücləndirilməsi, işğaldan azad olunmuş ərazilərdə bərpa və 
yenidənqurma işlərinin sürətləndirilməsi, əhalinin sosial müdafiəsinin və ərzaq 
təhlükəsizliyinin təmin edilməsi istiqamətində bir sıra vacib tədbirlərin maliyyələşdirilməsi
zərurəti 2022-ci ilin dövlət büdcəsinə yenidən baxılmasını şərtləndirmiş və büdcəyə 
dəyişikliklər edilərək 2022-ci il 29 iyun tarixli 562-VIQD nömrəli Qanunla təsdiqlənmişdir. 

---

9 
3. Ortamüddətli dövr üçün makroiqtisadi hədəflər və proqnozlar 
Azərbaycan Respublikası Prezidentinin 2022-ci il 22 iyul tarixli 3378 nömrəli 
Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-
iqtisadi inkişaf Strategiyası”na əsasən keyfiyyətcə yeni strateji inkişaf mərhələsinə daxil olan 
ölkə iqtisadiyyatının qarşısında yeni nəsil struktur və institusional islahatlar vasitəsilə iqtisadi 
artımın müasir və dayanıqlı mənbələrinin hərəkətə gətirilməsi, milli iqtisadiyyatın innovasiya 
yönümlüyünün və maliyyə dayanıqlığının daha da gücləndirilməsi, ölkə iqtisadiyyatının 
qlobal dəyər zəncirinə səmərəli inteqrasiya olunması yolu ilə yüksək rifah cəmiyyətinin 
qurulması kimi hədəflər qoyulmuşdur. 
Sözügedən Strategiyada Dayanıqlı artan rəqabətqabiliyyətli iqtisadiyyat Milli 
Prioritetinin reallaşdırılması istiqamətində davamlı və yüksək iqtisadi artımın təmin 
edilməsi əsas strateji məqsədlərdən biri kimi qarşıya qoyulmuşdur. Ortamüddətli dövrdə 
iqtisadi artımın tamamilə yeni keyfiyyət amilləri bazasında formalaşdırılması nəzərdə tutulur 
ki, bu da xüsusilə prioritet sahələrdə artım templərinin sürətlənməsinə, məşğulluğun 
artmasına və iqtisadiyyatın dayanıqlığının daha da güclənməsinə imkan verəcəkdir.
Bu istiqamətdə 2021-ci illə müqayisədə 2026-cı ildə qeyri-neft ixracının həcminin 85,0 
faiz artmasına nail olunması, ölkə iqtisadiyyatının hər il orta hesabla 3,0-4,0 faiz, qeyri-neft-
qaz ÜDM-nin isə illik orta hesabla 5,0 faiz artırılması, eləcə də özəl sektorun iqtisadiyyatda 
payının 88,0 faizə çatdırılması hədəflənir. Bununla yanaşı, qeyri-neft sektoru üzrə birbaşa 
xarici investisiyaların (BXİ) həcminin illik 10,0-15,0 faiz artırılması, həmçinin dövlət 
şirkətlərində investisiya olunmuş kapitalın gəlirliyinin artırılması hədəflənir. Eyni zamanda 
2022-2026-cı illərdə orta illik artım tempinin kənd təsərrüfatı sektorunda 4,0 faiz, nəqliyyat 
sektorunda 5,0 faizdən çox, qeyri-neft-qaz sənayesində 8,3 faiz, informasiya və rabitə 
sektorunda 10 faizdən çox, tikinti sektorunda isə 3,0 faiz ətrafında olması, eləcə də 2026-cı 
ildə turistlərin yerləşdirilməsi və ictimai iaşə sektorunda yaradılacaq əlavə dəyərin 2019-cu 
illə müqayisədə 1,5 dəfə artması hədəflənir.
Strategiyada həmçinin illik inflyasiyanın 4±2 faiz intervalında qorunması, eyni 
zamanda fiskal dayanıqlığın təmin edilməsi üçün tənzimləmə çərçivəsinin gücləndirilməsi 
hədəflənir. 
Azərbaycan Respublikasının İqtisadiyyat Nazirliyi tərəfindən hazırlanmış 2023-cü il 
və sonrakı üç il üzrə baza ssenaridə (neftin bir barrelinin orta illik ixrac qiyməti 2023-2026-
cı illər üçün 50,0 ABŞ dolları fərz edilməklə) makroiqtisadi proqnoz göstəricilərinə əsasən 
cari ildə ölkədə ÜDM-nin real artımı 3,5 faiz olmaqla 117,3 milyard manat, o cümlədən