Açıqlama 23-26 15092022 nk

5. Dövlət maliyyəsinin idarə edilməsində şəffaflığın və hesabatlılığın 
artırılması. Son illər ərzində büdcə şəffaflığı və hesabatlılığının təkmilləşdirilməsi 
istiqamətində Maliyyə Nazirliyi tərəfindən həyata keçirilmiş tədbirlər nəticəsində “Açıq 
Büdcə Sorğusu-2021” hesabatında Azərbaycan 100 mümkün baldan 57 bal toplamaqla 
120 ölkə arasında mövqeyini 81-ci yerdən 44-cü yerə yüksəltmişdir. Son dərc olunan Açıq 
Büdcə İndeksində Azərbaycanın nəticələri öncəki sorğuya nəzərən 22 bal artaraq dünya 
üzrə orta göstəricidən (45 bal) 12 bal yuxarıda qərarlaşmışdır. Eyni zamanda, Azərbaycan 
Açıq Büdcə İndeksi reytinqi üzrə ən çox irəliləyən ölkələr sırasındadır (39 pillə irəliləyiş). 
Növbəti mərhələdə əsas hədəfimiz “Açıq Büdcə İndeksi”ndə 61 baldan yuxarı nəticə 
əldə etməklə büdcə məlumatları “kifayət qədər açıq” ölkələr qrupuna daxil olmaqdır. 
Büdcə prosesinin hər bir mərhələsində şəffaflığın və hesabatlılığın təmin edilməsi 
istiqamətində işlər davam etdiriləcəkdir ki, bu da büdcə prosesinin mütərəqqi beynəlxalq 
standartlara uyğun daha da təkmilləşdirilməsinə, ictimaiyyətin və vətəndaş cəmiyyəti 
institutlarının büdcə proseslərində iştirakının genişləndirilməsinə töhfə verəcəkdir. 
Həmçinin, 2023-cü ildən iri maliyyə tutumuna malik olan İcbari Tibbi Sığorta Fondunun 
büdcəsi icmal büdcəyə daxil ediləcəkdir ki, bu da büdcə şəffaflığının və hesabatlılığının 
təkmilləşdirilməsi məqsədinə xidmət edir. 
 
 
 4.3 2023-cü il üzrə gəlirlər üzrə siyasətin əsas istiqamətləri 
 
Növbəti ildə gəlir siyasətinin aşağıdakı istiqamətlərdə həyata keçirilməsi nəzərdə 
tutulur: 
Ø
İşğaldan azad edilmiş ərazinin rezidentlərinə münasibətdə vergi güzəştlərinin 
müəyyən edilməsi; 
Ø
Kənd təsərrüfatı məhsullarının istehsalçıları üzrə əlavə vergi güzəştlərinin müəyyən 
edilməsi; 
Ø
Əhali qrupuna daxil olan aktiv istehlakçının bərpa olunan enerji mənbələri hesabına 
150 kVt (150 kVt daxil olmaqla) güc həddinədək istehsal etdiyi elektrik enerjisinin 
elektrik təchizatı şəbəkəsinə ötürülməsindən əldə olunan gəlirin vergidən azad 
olunması; 
Ø
Yaşayış sahələrini satmaq öhdəliyi ilə kirayəyə vermə sahəsində fəaliyyət göstərən 
orqan (qurum) tərəfindən yaşayış sahələrinin kirayəçilərə təqdim edilməsinin ƏDV-
dən azad olunması; 
Ø
İstehsal tarixi 3 ildən və mühərrikinin həcmi 2500 kubsantimetrdən çox olmayan hibrid 
avtomobillərin idxalı və satışı üzrə ƏDV-dən azad olmanın əlavə 1 il artırılması; 
Ø
Dövlət əmlakının özəlləşdirilməsinin dövlət proqramlarına uyğun olaraq 01.01.2023-
cü ildən sonra özəlləşdirilməsi barədə qərar qəbul edilən dövlətə məxsus hüquqi 
şəxslər özəlləşdirilmə prosesi müddətində, lakin 3 ildən çox olmayaraq əmlak və 
torpaq vergilərindən azad olunması; 
Ø
Müəssisənin nizamnamə fonduna (kapitalına) pay şəklində əsas vəsaitin 
qoyulmasının (əsas vəsaitin pay şəklində qoyuluşu, onun müqabilində bilavasitə 
digər əmlakın əldə edilməsi ilə əlaqədar olmadıqda) ƏDV-yə sıfır (0) faiz dərəcə ilə 
cəlb edilməsi, digər əmlak üzrə isə ƏDV-dən azadolma rejiminin tətbiqi; 

---

18 
Ø
20 Yanvar şəhidlərinin övladlarına əmək haqqı gəliri ilə bağlı güzəştlərin verilməsi;
Ø
Nağdsız ödənişlərin əhatə dairəsinin genişləndirilməsi məqsədilə fiziki şəxs olan 
istehlakçılar tərəfindən ölkə ərazisində alınan mallara görə ödənilmiş ƏDV-nin 
qaytarılan hissəsinə yenidən baxılması;
Ø
Şəhid statusu verilmiş şəxsin valideynlərinin, dul arvadlarının (ərlərinin) və 
övladlarının hər hansı muzdlu işdən vergi tutulmalı olan aylıq gəlirinin 800 manat 
məbləğində azaldılması; 
Ø
Vergi ödəyicisinin bank əməliyyatları aparan şəxslərdə hesab açmaq üçün vergi 
orqanından şəhadətnamə-dublikat alması tələbinin ləğv edilməsi və hesabların vergi 
ödəyicisinin birbaşa bank əməliyyatları aparan şəxslərə müraciəti əsasında açılması; 
Ø
Nəzarət-kassa aparatının çeklərində göstərilən məlumatların dəqiqləşdirilməsi;  
Ø
ƏDV məbləğinin alınmış malların (iş və xidmətlərin) dəyəri ödənilən gün ödənilməsi 
barədə tələbin yumşaldılması; 
Ø
Vergi ödəyiciləri tərəfindən vergi hesabatlarının təqdim edilməsi mexanizminin 
təkmilləşdirilməsi.