III mətn
Sovet höküməti qurulanda bütün kətdəri, irayonnarı gəzermişdər. Deyillər, filan yerdə ojax var. Orya adam qoymax lazımdı, yığılan pul devlətə mədaxil olmalıdı. Deer, bizi orya aparın. Aparellar, Aldədəyə. Deyer, biz belə şeyə inanan adam döölüh. Biz hökümət adamıyıx. Nə eliyək ki, bunun bir möcüzəsin görəh, inanax. Burya adam qoyax, yığılan pulu devlətə mədaxil eliyəh. Fida olduğum özü ölmüyüpbüş, orda oturormuş bu hadisədə. Özü irəli duror, bulara deyer, baş üsdə. Nə möcüzə deyersiz, eliyim. Əmr verif, qırx metrə quyu qazdırıllar. Traxdır bir yannan, insan bir yannan. Bir maşın da quru odun gətirer, doldurollar içinə. Bir kanisdir də səlyarka tököllər başınnan. Bir paşqadan beş-altı pişqayı yandırellar, təpəsinnən tulluyullar. Alışır. Yaloy fələyə qalxer. Camahat geri çəkiler – bir kilometrdən artığa. Kişiyin də qucağına bir quzu verellər. O yaloy uxarı qalxanda kişiyi qaldırer, gurpadan ooun içinə tulleylər. Yeddi arxa dolananım onun oğlannarına da, özünə də fida olsun, torpağına da fida olsun. Camahat geri qaçer. Bu odun yaner, qutarer, köz olor qıfqırmızı. Onnan sora kişi özü piçağınnan əyax yeri qayırer. Çıxer. Camahat da geridə duror, hələ xavarı yoxdu heş nədən. Quzu qucağında qıfqırmızı elə pişif. Sakqalınnan da uzun-uzun kırışadan qış olanda buz sallner ha, sırsıralar, helə tökülör. Hər yerində buz donufdu – bədənində. Buzdan tərpənəmmer. Camahat bir də örör kişi çıxdı. Yüyröşöllər hammı: yerri camahat nədi, gələnnər nədi. Gələndə öröllər kişinin qucağında quzu qıfqırmızı qızarıf. Deer, bir gətirin onu, isdolun üsdə qoon, yiyəh. Kişinin buzun arıtdadellər. Camahat da deer, incitmiyin kişiyi. Onun buzdarın salxım-salxım qoparder, yığellər. Onnan sora orya adam qoydu hökümət. İndi erməninin əlindədi. Aparıf qurbanımızı kəsə bilmerih. Bəridə körpü var, Sultan körpüsü deerih. Hidayət anası ölmüş, keçən il apardı, körpünün üsdəjə kəsdi. Aparanın hamısı orda kəser. Körpüdə kəsmiyəndə, ermənilər o dəyqə gülləliyir.
MURĞUZ OCAĞI
Murğuzda var, Azərbaycan ojağı. Mənim atam Murğuz ojağına yeddi qurvan aparıf. İkisini özümün böyüh qardaşım olanda aparıf, yəni niyət eliyif aparıf. Mən gözümnən gördüyüm möcüzəni danışım. Mən ona kimi Murğuzu da görməmişdim. Getdih Başkəndin əyağına – Murğuzun ətəyinə. Başkətdən çıxannan sora bizim binələr Murğuzun ətəyində dayanerdı o vaxt. Murğuzun o üzü də Çənbərəkdi dana. Çənbərəkdən keşdih. Murğuzun ətəyində Xatınnı binələrinə iras gəldih. Xatınnı binələrinnən qağam at götüdü. Beş-altı at yühləndi. Erkəh də tüşdü bu atın dalına. Gethaget, bir günün günortasınatan, gün əyilənətən yol getdih – dağın başına. Bax, bir belə daşdı, daşın üzünnən elə bil yağ damer. Onun ətəyi bulaxdı. Bulağın dörd tərəfi daş olmuş qoyun-quzudu. Keçi də daşdı, it də daşdı, çovanın köynəyi orda daşdı, çomağı burda daşdı. Kişinin özü də daşdı. Mən qağama sual verdim, ağsakqallara – binədən qoşulannara ki, bu nə möcüzədi. Deer ki, bu gördüyün çovanın sürüsü, həm özü burda susuzdan batermiş. Bu çovan qanına bələmmiş də köynəyi isdidən soyunuf. Hərrəner, fırraner, axdarer su yoxdu. Deer, fida olum səə, məəm özümün də, bu dilsiz-ağızsız heyvannarın da susunnan dili ağzında bater, yaner. Bax bu sürünün içinnən bir erkəh kəseyjəm. Möcüzəni gösdər, burdan bir bulax çıxsın. Ya Rəbbim, ya Allahım! Daşın divinnən – o ki çovanın daş olduğu yerdən, bax çovancığaz daşın üsdəjə çömbəlif oturuf, su da gejə-günüz pık-pık pıkqıldıyır orda. Su qaynıyır. İt də içer, qoyun-keçi də. Çovan da yuyunur, sağ olmasın çovanı. Oturor, başdıyer bu köynəyindəki pitdəri qırmağa. Hə, əvvəlcə deyer, bir ağ qoç, bir qara qoç burda qurvan kəsəjəm. Bu – tikə-tikə olmuş, bir ağ pit taper, bir qara pit. Köynəhdən çıxer, doludu. Çovan adam, dağın başında. Bulları öldürəndə deer, biri ağ qoçdu, biri qara qoç. Fida olum, Allah, saa! Sürü də daşdı, özü də daşdı, iti də. Bu, möcüzədi. Sürü də eləsi var, baş-başadı, eləsi var, ayrı-ayrıdı. Hamısı daşdı. Heç olmasa, beş yüz heyvan daş oluf. Biz heyvanı kəsənnən sora orya – həmin ojağa ermənilər gəldi. Ermənilər töyux-cücə, xoruz-beçə gətdi. Xoruzu kəsdilər. Mən dedim, bə bu nə olan şeydi? Bu, bizim ojaxdı. Dedilər, bu el ojağıdı. Fida olduğumun tərəfinnən suyu erməni də içer, müsəlman da. Ordan biz tüşdüh aşağı. İnan, Murğuz dağının düz başındadı ojax. Biz altıda – ala toranda yola çıxdıx. İkinin yarsında çatdıx ojağa. Aşağı Çənbərəyə tüşəndə, binədən aralı gördüh dolu yer-yurdu dağıdıf. Ağacı da aparıf, şiferi də qırıf, ama Murğuzun başına yağmamışdı. Möcüzəydi.
RƏVAYƏTLƏR
Cəza
Biri ziyaratgaha geder, orda ziyarat eliyif dolanannan soora bir qav su dolduror – ziyarat suyu. Götürör gətiməyə. Yolda bir nəfər munnan qavaxlaşer. Deer ki, o ziyaratgah suyuunnan mana da ver. Bu verməy isdəmer, tamahlaner. Yüz bahanə gətirer – azdırer. Suyu vermer, gətirer evə. Qavın ağırrığı eynicə yerindədi. Qav doludu, bu da bunun ağzın açmer. Öyə çatıf rahatdaner, qavın ağzın açanda görör ki, damcı da içində su yoxdu. Qav həmən ağırrıxdadı. Dilinnən isdədiyi adama o ziyarətgahın suyunnan vermədiyinə görə o yükü ona daşıtdırer Allah, ama qismət eləmer.
İki bəndə
Fida olduğumun yaratdığı iki məzlum bəndə olor. Biri ibadət eləmiş, başını möhürə aparan, biri də meşədə hərrənən dəli. Cənab Cəbrayıl deer ki, ya Həzrət Abbas, bir söz soruşum, bunun hansı cənnətdihdi? Deer, çox güman ki, o kişinin başını möhür aparıf. Əyilif qalxmaxdan dizi də yiyilif. Deer, yox, səhfsiz. Deer, niyə? Deer, get, oların hərəkətinə fikir ver, gələndə maa deərsən. Gedir fida olduğum. İki dənə qızıl piyalada bu mööminin qabağına mələhlər tərəfinnən yeməh gətirilir. Xörəh gətirilif qoyulanda bu, ibadətdən qalxır. Xörəyin birini yiyir, yidiyi qabı o birsinin ağzına çöürür. Gələndə deer, gördünmü? Deer, gördüm. Deer, indi get o meşədə hərrənən dəlinin yanına. Mələhlər vidini dəyişer, gəler o oğlanın yanına. İki qabda yemək gəler. Bu halatda böyrünnən zülümnən bir insan gəler, sürünə-sürünə – odunçu. Deer, burdan gəl. Birini mən yeerəm, birini də sən ye, yazıxsan. Yeənnən sora bu başdıyır, piyalanı hissə-hissə qırmağa. Belə tulluyur. Mələyin biri soruşur ki, niyə belə eliyersən? Deer, burdan keçənnərin əksəryəti kasıflardı. Qoy gələndə oların hərəsinə bəlkə bu qabdan qismət ola, kasıflığın daşın ata. Mələh qayıdır gəler. Deer ki, siz deyin, ya mələhlər, bunun cənnətdih hasıdı? Əlbətdə, meşədəki. O birisi də cəhənnəmdə kürənin qırağındadı yeri.
İNANCLAR
Bir də görörsən, biri deer, soğan əhmerəm. Maa tüşmöör.
Köhnə atın nalını dala çöörüf, asellar onu. Yəni munnan hər şey dala qayıtsın.
Dağdağanı qola bağlıyıllar. Dağdağanda müsbət enerji var. İşdi, göz yetirən olsa, dağdağan onu əks eliyer.
Mən çox qoyun kəsmişəm. Onun döşündə ximirçəh olor, onu kəser tulloyurux. Ödü kəser, tulloyullar.
Keşmişdə fırıldax adamlar da çox oluf. İslam dininnən də isdifadə ediflər. Qoyunda kürəyi soyordular, çıxarderdılar. Çapacağın burnunnan vuror, qırerdılar. O qırılmamışdan qavax götürördülər ki, fala baxeyjam. Ona görə də qəssaf kürəyi çıxardanda çapacaxnan qırer. Deer, munnan əməl eləməsinnər.
Qoyunda – baş-əyaxda, çənənin dalında bir şey olor. Haçalı olanda deerdilər, qız oajax. Pramoy olanda deerdilər, oğlan.
Deellər, gejə vaxdı qoz ağacının altda yatmazdar. Cin vurar. Altında yatan adam dəli olar da.
Mənim qaynatamın dədəsigil atdanellar, yığılellar Kalvayıya gedellər. Yaxşı qızıl, pul götüröllər, yuannıx götüröllər yaxşı atdarnan. Geder, Maşadı Necəfə çatanda kişi xəsdələner – mənim qaynatamın atası. Deer, mən ölüjəm burda. Məni elə bu Kalvayı Necəfdə basdır. Atımı sat, qızılım da budu ha. Bu camahata ehsan ver. Kişiyi basdırellər, ehsan verellər, üş gün də qalellər, gedellər Kalvayıya. Hərrəner, gəlellər. Zavvar gəler qavaxca – xavar verməyə, muşduluxlamağa yiyələrini. Biri deer, hamı gəler, Kalvayı – kişinin elə uşaxlıxdan adı Kalvayıymış, yolda öldü. Dəəndə mənim qaynatamın bajısı Şamba arvad varıdı, o deerdi, Allah, Kalvayısın isdəmerih, özciyəzi gəleydi.
Uşaxlıxdan Kalvayı deerdilər, orda da öldü.
ETNOQRAFİK MƏTNLƏR
Yer-yurd adları və nəsillər
I mətn
Mənim atamgilin özü bura Marnauldan – Borçalıdan gəlifdi. Ordan gələn bavamən adı Asdan oluf. Asdannan da Avdı törüyüf, Avdıdan da Qasım törüyüf, Qasımnan da Məsdan, Allahverdi törüyüf. Dərdin alem sənin, Rusdam törüyüf, Alı törüyüf, daa uje artıf dana. Orda bavam – Asdan kişi qnyazı öldürüf. O, qnyazı öldürənnən sora görüf ki, taa burda yaşamağa qoymujaxlar dana. Ordan sürüsünü çəkif Ceyrançölünnən gəlif. Bozalğannı Kürün qırağında olormuş. Birinci dəfə orya gəliflər. Onnan sorasına ora da xoşuna əlmiyif, bu kənt də yenicə qurulormuş. Gəlif burya. Qaldı bu kəndin quruluşu da, bəylərə qullux eləmiyiflər, gediflər, bu Ağdam yolunda sözdəri çəpdəşif. Deyif, a belə fılan, niyə mənim qadınım sana qulluğ eləsin, özüm də sənin malına qulluğ eliyim. Burda dalaşıflar, diddəşiflər. Təzdənnən indi buları köçə qoymadılar. Bular da ağzını tutuf gəlif, bax bu Cırdaxanın altda məsgən salıfdı. Olar dağdan gələndə tökülüf buları qualiyiflar kı, çıxın bizim torpaxdan. Bizim bavamız da ordan pryamoy burya əlif. Beş qardaş Məsdannan oluf, ikisi də Allahverdidən oluf. Buların heş birinin bajısı olmuyuf. Buların qabağına çöp salan olmuyuf. Çünkü bular birdən-birə qalxıf haa. Bir evdən yeddi oğul qalxmax nə deməhdi? O vaxdı çomax davasıydı, tüfəh davasıydı. Bu kətdə bir tiriyə Fərzallar deyillər, bir tiriyə Məsdannı deyillər, bir tiriyə Qasımlı deyillər, onnan sorasına bax birinə Nöyütdü deyillər. Nöyütdü Zəyəm Cırdaxannan gəlif. Cırdaxandadı yarsı, yarsı da burdadı. Mənim atam tacir oluf, molla oluf. Atam mollalığı Molla Əhməd varıydı burda, ooun atası Mehralı kişiydi. Mehralı kişi, deməli, anası irəhmətə eder, uşax qalıfdı ortada. Bunu isdiyiflər ki, öldürsünnər dana. 20-30 öy varıydı onda. Bunu da götürüf deyiflər, əə, Tamam arvadın döşündə uşax var. Atam da onun əlindeymiş. Aparax görək saxlıyar saxlasın, saxlamaz aparax basırax getsin. Elə deənda arvad qucaxlıyıf görüm yuaş-yuaş içermi? Allah verivsə, oğuldu dana. Mehralı kişi də atamı buraxmıyıf haa! Sora da siğə yazdırıflar. Anabir süd qardaşdılar. Sora buların ikisini də ordan onun atalığı məytəvə qoyuf, burdan da bunun. Bunnan sorasına atamı bu kişi fağır hesav eliyirmiş dəə, cələf uşağimiş. Əə, Qara kişi, get sən bir atımızı alaxla, a Qara kişi, get atımızı təmizdə... Bu da cavan oğlandı, sığışdırmer özünə. Özü söylədiklərini deyirəm haa, canın üçü (üzünü mənə tutur – top.). Bir gərməşoy ağacını hamarrıyır düzəlder, gizdəder. Öyə edən kimi gənə buna deyillər, dur get ata bax gəl. Deyir, Əhməd, gə məni itdən qurtar, gə məni itdan qutar... düz ağacın yanına aparer. Ağacın yanına aparannan sora əlin uzader ağaca, döyüf öldürör orya tulluyur. Onnan sora deyir, atam ölə, anam ölə, isteyersən nə olor olsun, mən o kişinin yanına məytəvə getmərəm. Mehralı kişi də ordan getmer. Deyer, Qara getmersə, mən də getmerəm. Burdan buların ikisini də götüröllər Hajı kişi varıymış, aperer ona təəfil verellər. Təəfil verənnən sorasına buların iksi də bu kişinin evində oxuyollar. Gəncədə də başdarı sarıner, onnan gəlellər. Gələnnən sora da Mehralı kişi də Hajının qızını aler.
II mətn
Bavam Hasanalı, onnan qavaxkı bavam Nəcəfalı. Patavalılar nəslinnənəm. Keşmişdə kişilər bizim kimi balağı açığ gəzmerdilər, irmi santı enniliyində yer xanasında arvatdar toxuyordu, göy xanasında da toxuyordular. Onu çovannar qıçasına bağlıyerdı, qoluna bağlıyerdı ki, kəlin aparmasın, yooşan aparmasın qılçalarının paltarını. Bax ona patava deerdilər. Biz indi, vayennidə də olur, dolax deerih.
III mətn
Bizim kətdə ziyarat Məmmədalı bəy varıdı. Onu elə bilirdilər ki, imamdı. Onun əsil kökü Yekəallardanıdı – Ağdam kəndinnən. Buranın Ağdam kəndindəkilər Ağdam irayonunun Seyitdər kəndinnən gəliflər bura. Burda nə Ağdam varıdı, nə də seyit. Bütün Xatınnı camaatı ona hörmətnən yanaşerdı. Sora Meyti ağa varıydı. Sora Cahan xanım varıydı – Məmmədalı bəyin yoldaşıydı. Camahatımız ona hörmətnən yanaşırdı. Olların bir axundu varıydı.
IV mətn
Ora elə bir yerdi, qar bərk olanda qoyun ot tapbağa yer yoxdu. Orda həm qoyun çox oluf, həm də adam öldürüflər. Ona görə ora Qannı Qovu deellər.
Boşanax deerih, Ceyran çölünnən bəri, Kürün uxarsına qalxanda – boş torpaxdı, əyağı düzdü, geder düz Ağ yala çıxer.
Çovan dağı var.
Gödəh qaş var. Gəler, qaş gödəhdi, kəsiler.
Gürcüsdannan bizim aramızda Qanqrı deyilən yer var. Öz-özünə arxası üsdündə qalxıf. Dalı çaydı. Qavağı elədi ki, orya heç çıxılası döy. Qanrılma sözünnəndi.
Ayrım – keşmişdə dağ-aran əlaqəsi yoxuydu, maşın yoxuydu. Uzun müddət əlaqəsi olmordu. Olların biznən əlaqəsi olmadığına görə olara ayrım deerdilər. Bəzən də olara ay urum deerdilər. Güya Urumnan gəliflər. Ayrım ona körə deerdilər ki, dağ yerində yaşıyan adam çox kobud olordu.
Azaflı – Əzaflı sözünnəndi – kəndin adı. O vaxdı millət azıydı, ağrın alem, elə əzafnan, zulumnan yaşıyerdı. Azaflıdakılar gəlmədi. Elə bu kətdərin hamısında bir tirə gəlif yaşıyıf, artıf. O vaxdı Kürün qıraanda çox yaşıyerdılar.
Aşağı Ayıflı kəndi deerih, Eyyufludu.
Bozalqanlı – al qırmızı deməhdi. Boz türkün bozlar tayfasınnandı, yəni bozlar qırmızı qannıdılar.
Soora Qırıxlı kəndi var. Kürün qıraanda yaşıyıllar. Qırıxlı dööl, Qıraxlıdı – Kürün qırağında yaşamağa örə deeflər.
Qovlyar – Bakıda Qobusdan varmı? O hardan meydana gəlif? Bax bu Qovlyarın üç yanında dərə var. Dərənin əyağı gəler düzə çıxer. Dərənin əyağı düzə çıxanda ona qovu deellər. Bizdə var: Gen Qovu, Torpax Qala deellər, orda Sümühlü Qovu, Qasım Qovusu. Quşcunun o tayında var: Quru Qovu. İndi qovulular oluf Qovlyar.
Xatınlı kəndi – O camahat davakür, xatalı oluflar. Savet dööründə qoyuflar Xatınnı.
ÇİLLƏ ÇIXARMAQ
Niyət eliyirsən ki, ay Allah, uand gətisin işdərim, çillə çıxardeyjəm. Çillə çıxardan da savağatan yatmer. Qohumu, qonşunu çağıreyjax, dan yeri söküləndə də soyux suda çimeyjəh. Bu çillə gejəsidi. Kəhrizdə gəldi çimdi anam yazıx. Oğlu olmağa çilə demişdi. Yoxsa helə-belə çilə çıxartmersən.
Balinsədən ki gətidilərmi, körpəni, ananı, ilənməsin deə su tökörsən yumurtaan üsdünə qoyursan qapının qavağına. Onnan sora kim gəler, gəlsin. İrəhli paltar gəter, qələm geter. Əmbə qəsnən kimsə əyağını yerə döə-döə şey gətirersə o uşağın üsdünə, apareram hökmnən, o uşağın başına bir iş gəlsin, getməlidi o uşağ. Onu çox sınaxdan çıxardıflar. Əmbə qəsnən gəlmersə, qapının qavağına zəncir qoyulufsa, kim gəlersə, tükü də inciyən döy.
BƏDNƏZƏR
Bu stadionun yuxarısında bir Mansır kişi varıydı, Əlinin dədəsi. Gözüdəyən Mansır deerdilər. Mən uşağıydım, qağamnan oduna edirdim, qaz ha yoxuydu. Stadyon da vapşe yoxuydu, aradan çıxerdıx Əsriyə getməy üçün. Stadyonun baravarında Mansır kişiynən qardaşım qarşılaşdı. Qağam dedi ki, öymüz yıxıldı. Nəysə, bu kişiynən qorxa-qorxa etdi. Qağam məni haravanın yanında qoydu getdi. Meşədən odun yığdı, qayıtdı gəldi. Qağam atnan getdi, odunu yühlədi, bir-bir aşağı töhdü. Gətdih haravıyı yühlədi qağam. Əsriyin başında at yolu beləjə getdiyi yerdə yolu qoydu düz qayanın təpəsinə çıxdı. Mən də haravanın üsdəyəm. Qağam da haravanın qolunun üsdədi. Böyür qayadı. Hamımız batasıyıx. Qağam dedi, tərpəmmə. Görəh ötüşörühmü? Beləjə, gözü göy, tişi seyrəh adamlarda nəfs, nəfəs bəd olor. Onun qarğışı tez həyata keçer. Qayanın başınnan at nə fason çıxmışdısa, o fason da dal təkərnən sürünçə-sürünçə əldih çıxdıx.
TİLSİM DUALARI
I mətn
Cijimin atası ölör. Nənəmi bir kişi aler. Munun üç oğlu oluf. Mən də məytəvə geder, gəlerəm. Kişi molloydu – bavam. Deer, ay Feyzə, Zəhrəyi saxlıyıf yekələndirəjih, Avdıləliyə aleyjiyıx.
Bir dəfə oynadığım yerdə gördüm oğlan geder, cijim muna “qardaş” deyer. Məni çağırdı. Dedi, get yaxca paltarını gey, burya gəl. Gedəh şiklimizi çəhdirəh. Getdih. Orda əyağımın altda isdol qoydular.
Öydə də söz olanda cijim dedi, ədə, dəymə! Nenijəhsiniz? Uşaxdı, gəliv aparıf, çəhdirif.
İslam əmimin yekə zontiki vardı, qara. Yuxuda örördüm, duroram ki, bu bööh arxın qırağınnan anrı edəm. Gedəndə bu zontiki aşağa çəkerdilər, qarannıxda qalerdim. Heç yana çıxammerdim. Yuxumda ağlıyerdim. Qoymurdular adam çaarmağa məni. Bir belə, beş belə... Bir gün dedim, ay ana, mana bir zontik sazdıyıflar. Gözümə yuxu edən kimi, o zontiki çəkellər, qarannığın içində qalerəm. Mən bilmerəm, niyə belə oloram? Qağam Mənsur da su gətirerdi. Kişiyə yol-yuannıx qayırer. Deer, munu aparıf kişiyə verərsən, bir Zəhraya baxar. Gəler kişinin yol-yuannığını kalxoz idarəsinə verer, öyə əler. Deer, a Mürsəl qağa, bax Zəhra belə yater, belə günə tüşör. Munnan bizi bir agah elə, görəh, bu niyə belə olor? Kişi gülör, deer, elə o vaxdan o şikili tilisimə salmışam, Zəhra tilisimdədi, qıfıldadı. Çəmədanını gətirder, aşer, içinnən qıfılı çıxarder, balaca qıfıldı. Əllərim qurusun, deer, o vaxdan ki munu qıfıla salmışam, göröm, Avdıləli gəlermi? Hardadı, ə, Avdıləli? Soruşanda deer, a Mürsəl qaa, dərdin alem, aman günüdü, qız dəli olar. Qızı açginən. Qıfılı belə açer, deer, al civinə qoy, Kürdən keçəndə suya tulla. Dua da yazer. Deer, da arxeyin ol, qızı açdım. İndi gör, elçilərin qabaanda dura bileyjsəmmi? Qız tilisimnən çıxdı. Yoxsa qız ölənətən tilisimdə qalajıydı. Yaxşı ki o vəyağıyı görüf.
II mətn
Geder, molluya söylöyüllər ki, a kişi, bax bu gəlin belə qaçer, durmor. Deer, o gəlinə bir dua yazeyjam ki! Elə eliyjəm ki, əynindəki paltarı da soyunuv anahüryən öyə ələjəh. Qorxmuyun! Bir də öröllər ki, Allahsız, gəlin təmiz soyundu, öyə əlir. Ağız, niyə belə oldun? Ordan qopan ərinin öyünə əlir. Orda paltarınnan geyiner, deer, mən da qaçmıyjam.
Gəlini helə tilisimnən çıxardellar.
TOY ADƏTLƏRİ
I mətn
Bir adam uşaanı öyləndirəndə elçi gedərdi. Ordan “hə” sözünü alardı. “Hə”sini alannan sora orya bir heyvan göndərərdi, beş adamnan. Anrıdan, bəridən göndərərdi. Onnan sorasına toylarımız yaxşı şən keçərdi. Bavam Mədətə Allah rəhmət eləsin, onun zurnasını Azərbaycanda çalan görməmişəm hələ. Bu nəmət haqqı (əlini qəndə uzadır – top.), Albəyimin yerinin yanında mal otarerdıx, uşağ idik. Keçəl Vəli varıydı Cırdaxanda. Deməli, yağışdı gündə heyvanı orya gətimişdi, bizim yanımıza. Zurnaan səsinə hardan-harya oynuyardıx.
Toyda dirədöymə oyunu da oynanerdı. Dirədöymədə də kəndir idi, çatı. Oon ujun düyünnüyürdün. Sora da on iki adam bir tərəfdə, on iki adam da bir tərəfdə. Çatı da on ikisinə olordu, on ikisinə olmordu. Olar diziin üsdə durordu. Bu burdan gəlerdi, bu biri burdan. O direyi hası götürsə, işdi onu təpihnən təpə bildi, döyülmüjəh. Yox, təpəmmədi, götüdü qaşdısa, qayıdıf onu döyməyə ixdiyarı var. Olların hamısın döyjəhlər. Taadım onu təpənə qədər.
Toyun günü özünnən asılıydı, bir də gördün dört gün. O biri kətdərdə gündə bir tireyi çağırerdılar. Bizim kətdə yox. Parçapiçini olordu. Qadınnar gəlerdi. Hərə də pay gətirerdi. Savaxsı gün yuxa salannar gəlerdi. Yuxa pulu vererdilər. Aşığın, zurnaçıın pulun verer, onnan da bəri keçillərdi. Bir dəfə Aşığ Əsədi burda oxutdular, Sultan Mahmutduda – qız öyündə. Beləcə siniyi hərrerdilər. Kimisi qəzet qoydu, kimisi kağız. Axırda baxdılıar, pul yoxdu, hamısı kağız-kuğuzdu. Aşığ Əsət kirimişcə getdi. Tafdıx kişi getdi, Qaraxannıdan Əhbəri, bir də Aşıx Rzıyı gətidi, Əlimərdannıdan. Ollar gəldi, qəşəh toy çaldı. Pul başdan töküldü.
II mətn
O vaxdı toylarda nə əzerdi, belə çalğı alətdəri? Yoxuydu. Aşıx olardı, bir də sazı. Zurnaçı da, balaman da bizdə Kürdəmirdən bəri yayıldı. Sora Şirvan aşıxlarınnan yayıldı. Bizim camahat köçəri formasında yaşıyıf burda. May ayında yaylaxda oluflar – Gözəldərədə. Toyu da yaylaxda eliyiflər. Varrı adamlar yeddi gün toy eliyif. Zurnaçı da çalerdi döşdə, dəyələrin qavaanda. Orda oynuyan, gülən. O vaxdı nəsil nəsili axdarerdi. Fılan nəsildəndi, fılankəsin evladıdı. Onu təyin eliyənnən soora adam göndərerdilər üsdüörtülü, gessin. Onnarın nəsili, kökü bir-birinə uyğun gələndə adam gederdi. Deerdi, mən elçi gəlmişəm. Ollar da deerdilər, yaxşı örgənərik görəh, sən kimsən, oğlun kimdi. Uylaşarıxsa, razılaşarıx. Bəzən də görördün, bir yerə elçi gedəndə daş qoullarmış ora. Daşın üsdündə geder, oturordu. Deerdilər, elçi daşının üsdündə adam oturuf. Yəqin burya elçi gəlif adam. Mumu qoordular. Hər tirə özü üçün bir daş qourdu yaylaxda dəyənin kənarına. Bizim camahat sentiyabır ayınnan soora yaylaxdan gəlerdi. Ceyran çölündə kolda olordular. Türk nəsilinnən qalma kimi qorxmaz, qoçax. Heş gəsi yaxınına buraxmıyan bir nəsil iydi.
YAS ADƏTLƏRİ
I mətn
Ölü apranda baş tərəf getməlidi. Gedəndə də, yerə qoanda da yönü qivləyə qoyulmalıdı. Qıvla Məkgədi – Məkgə də cənufdadı. İnsan yatanda yönü qıvlaya yatmalıdı. Qavırsannıxda da qıvlıyı təyin eliyillər. Qavırsannığa edəndə qapıyı kim açıfsa, o da örtör. Ölü bir gejə öyündə qonax qalanda ömrün uzun yaşamış hesav olunor. Yasda verilən yeməh ölü yerinə gələn adamlara hörmət üçündü. Onun ölüyə nə xeyri var, ölü quru ağaşdı.
Kətdə bir gündə iki ölü tüşüfsə, ikisi də bir gündə basdırılmer. Biri savaxsı dəfn olunor. Ölünün 40-ı başqa yerrərdəki kimi torpağa qoyulannan yox, ölən günnən hesaflaner. Touzda indi-indi cənazə namazı qılıner. Qavaxlar qılımmerdi.
II mətn
Ölünün üsdünə salınan ipəyə güzgü, qayçı, ya piçax, pişqa qoyulor. Ölü yüyülən yerdə çıra yaner. Üş günətən paltarrarı, barxanası yüyülməlidi. Yüyülməsə, ölü narahat olor, yuxuya girer. Qırxına kimi paltarrar paylaner. Kişidisə, papağı öyün damına tulluyullar. Üş gün öy süpürməzdər.
SÖYLƏYİCİLƏR
Mahizər İsrafil qızı Məstanova, 1953-cü il təvəllüdlü, müəllim. Bozalqanlı kəndində doğulub, Abulbəyli kəndinə ərə gəlib.
Həsənova Qaratel Hümbət qızı, 1926-cı təvəllüdlü, təqaüdçü. Abulbəyli kəndinə Xatınlı kəndindən gəlib.
Əliyeva Həmayə Vəli qızı, 1946-cı il təvəllüdlü. Cırdaxan kəndində doğulub, Abulbəyli kəndinə ərə gəlib.
Məmmədova Zəhra Mansır qızı, 1931-ci il təvəllüdlü, orta təhsilli, təqaüdçü. Bozalqanlı kəndi.
Qasımov Nəsir Qara oğlu, 1930-cu il təvəllüdlü, orta təhsilli, təqaüdçü. Cəlilli kəndi.
Həsənov Əsgər Nəcəf oğlu, 1926-cı il təvəllüdlü, orta təhsillidir. İki illik arıçılıq oxumuşdur. Bozalqanlı kəndi.
Ümumtürk folklorundan örnəklər
Altay diyarı Qərbi Sibirin cənub-şərqində yerləşir. Altaylılarda belə bir təsəvvür mövcud olmuşdur ki, dünya iki allahın hökm etdiyi xeyir və şər qüvvələr tərəfindən idarə olunur. Altaylılar elliklə dua etməyə çox böyük əhəmiyyət verir, səmaya, suya, dağlara, müqəddəs qayınağacına sitayiş edirdilər.
Altay folklorunda ən mühüm və geniş yayılmış janr qəhrəmanlıq dastanlarıdır. Dastan nağıl, bahadırlıq nağılları, qəhrəmanlıq nağılları, qəhrəmanlıq poemaları və s. kimi də adlandırılır. Hazırda xalq arasında bu ad “kay çörçök”, yəni “boğaz mahnıları ilə ifa olunan nağıl” termini ilə yaşadılır. İlkin dövrlərdə qəhrəmanlıq dastanları “ov dastanları” kimi yayılmışdır.
Altay ovçuları arasında belə bir adət vardı: onlar ovqabağı və ov zamanı nağıl danışırdılar. Bunun üçün onlar özləri ilə xüsusi nağılçı götürürdülər. Həmin nağılçı-söyləyici üçün ümumi qənimətdən pay ayrılırdı. Nağıl danışmaqda fövqəladə bacarığa, eləcə də nağıl mətnlərindən ibarət ayrıca repertuara malik olan bu nağılçı-söyləyicilər vəhşi heyvanlara, quşlara və onların hamisi olan ruh sahiblərinə müəyyən mənada təsir edə bilirdilər. Ovçuluqla bağlı rəvayətlərdə, bir tərəfdən ruhların nağıl və dastanlar dinləməyi sevdikləri və bunun müqabilində ovçuların uğurlu ova “icazə” aldıqları, digər tərəfdən isə onların bu ifanı necə qəbul etdikləri və buna əsasən özlərini necə apardıqları söylənilir. Bununla belə, ruhları yalnız bəsirəti açıq olan nağılçılar görə bilirdilər. Belə söyləyiciyə “eelə kayçı”, yəni ruhlarla əlaqə qura bilən nağılçı deyirdilər.
Altay qəhrəmanlıq dastanları “Altay Buçıy”, “Ain-Şain-Şiqşirqe”, “Altın Mize” və b. dastanlarla təmsil olunur. Burada N.Y.Nikiforovun toplayıcılığı Q.N. Potaninin şərhləri ilə 1915-ci ildə rus dilində nəşr olunmuş “Anos toplusu”ndan “Maaday Kara” dastanının tərcüməsini təqdim edirik.
Səkinə Qaybalıyeva
Fil.ü.f.d.
Dostları ilə paylaş: |