Azərbaycan texnologiya universiteti Tələbə-Eldarlı Özal

Psixoloji səbəblər: Ünsiyyət zamanı insanlar arasında belə çətinliklər iki halda ortaya çıxır:

• 
  Müsahiblər müəyyən fərdi xüsusiyyətlərə malik olduqda. Məsələn, müsahiblərdən birinin həddindən artıq utancaq, digərinin qapalı və ya “qaradinməz” olması ünsiyyət problemi yaradır;
  
• 
  Müsahiblər arasında xüsusi növlü psixoloji münasibətlər əmələ gəldikdə. Məsələn, bir-birinə qarşı qərəz, ədavət, düşmənçilik, inamsızlıq və s.–in olması ünsiyyəti xeyli çətinləşdirir, hətta bir çox hallarda mümkünsüz edir.
  

Ünsiyyət probleminin həlli yolları: Ünsiyyət prosesində yaranan problemləri aradan qaldırmaq üçün psixoloqlar iki vacib amili qeyd edirlər:

• 
  Adamların ünsiyyət mədəniyyətini artırmaq;
  
• 
  Adamlara ünsiyyət vərdişləri aşılamaq.
  

Müasir dövrdə ünsiyyət vərdişləri aşılamaq üçün ən təsirli vasitə kimi sosial-psixoloji treninqdən (ingiliscə “”training” – öyrənmək, hazırlamaq, məşq etmək deməkdir) istifadə olunur. Sosial-psixoloji treninqdə özünüdərketmə, ünsiyyət və qarşılıqlı təsir vərdişlərinin formalaşdırılması sahəsində qrup metodları işlənilir və tətbiq olunur. Bu zaman başlıca vasitə kimi iki üsuldan geniş istifadə olunur:

• 
  Müxtəlif modifikasiyalarda tətbiq olunan qrup müzakirələri;
  
• 
  Müxtəlif rollu oyunlar.
  

Sosial treninqin köməyi ilə aşağıdakı nəticələr əldə edilir:

• 
  Ünsiyyət sahəsində həyatı çətinliklərlə rastlaşmış adamlarda kommunikativ vərdişlər formalaşdırılır;
  
• 
  Ünsiyyət problemi yaşayan adamlarda ümumi ünsiyyət hazırlığı təkmilləşdirilir;
  
• 
  Adamlarla bağlı olan peşə sahiblərində - rəhbər işçilərdə, pedaqoqlarda, tibb işçilərində, idman məşqçilərində və b. xüsusi ünsiyyət vərdişləri yaradılır.
  

•