Kimyoviy tarkibi: O„simlik o„tida ursulin kislotasi, staxidrin, flavonoidlar, shu jumladan, rutin, giperozid, fenolkarboksil kislotalar, alkaloidlar, taninlar, organik kislotalar, saponin mavjud. Tibbiyotda qo‘llanilishi: Xalq tabobatida suv-spirtli ekstrakti va damlamasi ham yurak kasalliklarini davolashda tinchlantiruvchi vosita sifatida ishlatiladi. Alqoro’ti -Mediasia macrophylla (Regel et Schmalh.) Pimenov
(Медиазия крупнолистная) O‘simlik tavsifi: Alqoro„ti Apiaceae oilasiga mansub ko„p yillik o„simlik. Poyalarining yuqori qismlari 50-80 sm gacha uzunlikda, barglar va to„pgullarga ega. Poyalari yumaloq, keskin burishgan, kam tuklangan, o„rta qismida keng ro„vakga shoxlangan. Barglari qalin, ikkala tomonidan tomirlar bo„ylab kalta, mayin tuklar bilan qoplangan, ildizbo„g„zi barglari kalta bandlarda. Barg bandlari yumaloq, kulrang mayin tukli, plastinka cho„zinchoq uchburchak shaklida, ikki karra uch bo„lakka bo„lingan. Birinchi tartibdagi bo„limlar kalta bandlarda joylashgan, uchkisi o„troq, tuxumsimon, yon tomonlari teng emas, asosida yuraksimon, yoki yumaloqlangan, o„tkir tishsimon; poya barglari bir nechta yumaloq bo„laklardan iborat bo„lib, ulardan yuqori qismidagilari kalta va tor qinlargacha qisqargan. Soyabonlari uchki, uzun oyoqchalarda, nurlari ingichka, o„rama barglari tuklangan, erkin chiziqli bigizsimon, o„tkirlashgan, egilgan kulrang barglardan iborat. Gullari teng bo„lmagan gulbandlarda, gullashdan keyin tarvaqaylagan, kulrang tuklangan. Barglari tashqaridan zich tuklangan, tuxumsimon, uchki qismi qayrilgan. O‘sish joyi va tarqalishi: Toshli qiyaliklarda, tog„larning o„rta mintaqa to„kilmalarida o„sadi. U Toshkent, Qashqadaryo va Surxondaryo viloyatlarida uchraydi.
