Dərs vəsaiti kimi tövsiyyə edilib. 3-cü nəşr Moskva: Akademik Layihə

HERMAFRODİTİZM — kişi və qadın cinsinin əlamətlərinin eyni fərddə mövcudluğudur. TRANSSEKSUALİZM— öz bioloji cinsinin "yanlışlığında" əminlik və əks cinsə aid olmaq arzusu ilə xarakterizə olunur. Transseksualizm cərrahiyə yolu ilə cins dəyişikliyinə cəhdlə müşayiət olunur.
TRANSVESTİZM—başqa cinsin geyimini geyinməklə cinsi məmnunluğun təmin olunmasıdır.


Psixoloji paradiqma homoseksuallığı şərtlənmiş davranış kimi yeniyetməlikdənöncəki və yeniyetmə yaşı böhranı dövründə formalaşmış cinsi maraq kimi qiymətləndirir. Davranış, bioloji amillər əsasında İ. Kon seksual oriyentasiyanın formalaşmasının növbəti müqayisəli sxemini təklif edir:

	Etioloji model	Psixolojimodel
Ümumi hesab sistemi	Cinsi patologiya	İnkişaf psixologiyası
Tədqiqat sahəsi	İnversiya, nəzərdə tutulan normadan kənarlaşma	Normal psixo-cinsi inkişaf prosesi
Tədqiqat predmeti	Homoseksuallıqperversiya, deviasiya, parafiliya kimi	Cinsi orientasiya
Əsas psixi proses	Öz yaxud əks cins identifikasiyası	Özünün cinsi istəklərinin dərk edilməsi və formalaşması
Kritik dövr	Erkən uşaqlıq	Yeniyetməlikdən öncəki və pubertat dövr
Ən əhəmiyyətli başqaları	Valideynlər	Yaşıdlar
Mümkun biloji amillər	Prenatal hormonal pozuntular, bədənin cinsi stereotiplərə uyğunsuzluğu	Fiziki, cinsi və sosial inkişşafın anormal uyğunsuzluğu
Nevrotik davranış amilləri	Cins-rol gözləmələrinə uyğun olmayan davranış	Homo və heteroseksuallığın nisbəti, ünsiyyətin xarakteri və əhatə etdiyi insanlar

İctimai mifologiya və homoseksualizm
Homoseksualizmin ictimai mifologiyası homofobiya konseptləri və eynicinsli cinsi əlaqələrə nifrət münasibəti ilə əlaqəlidir.
Mif № 1. İnsanlar heteroseksuallara və homoseksuallara bölünürlər. Belə təsnifat kifayət qədər şərtidir, çünki bu iki fenomenin əsasını nəyin təşkil etdiyi barədə obyektiv məlumat yoxdur. A. Kinsey bu haqda yazır: ". dünya qoyunlara və keçilərə bölünməmişdir... yalnız insan ağlı kateqoriyaları ixtira edir və faktları rəflər üzrə "yerləşdirməyə" cəhd edir. Canlı dünya —hər bir təzahüründə kontinuumdur. Nə qədər tez biz bunu cinsiyyət davranışına nəzərən dərk edəcəyik, o qədər tez biz cinsi reallıqda fərqlərin anlanmasına nail olacağıq".
№ 2 mifi. Homoseksualizm dünyanın bütün mədəniyyətlərində ittiham edilir. Bir hal olaraq homoseksualizmə dünyanın bir çox mədəniyyətlərində rast gəlmək olar. Yunanıstanda və Romada bu hadisə ittiham edilmirdi və Roma imperiyası dövründə kişilər və ya qadınlar arasında bağlanmış nikahlar qanuni hesab edilirdilər. Tədqiqatçılar hesab edir ki, Şərqdə Hindistanda, Çində, Babilistanda, Misirdə homoseksual əlaqələr mədəni stereotiplərlə, qadınları ictimai həyatdan təcrid etməklə bağlı idi. Şərq hərəmlərində qadınlar tənha qalırdılar, hökmdar tərəfindən tez-tez unudulurdular və bu da onları homoseksual münasibətlərə təhrik edirdi. Praktik olaraq dünyanın bütün mədəniyyətlərində biz qədim dövrdən indiki dövrə kimi homoseksual münasibətlərin nümunələrini tapa bilərik.
№ 3 mifi. Homoseksuallar "xəstədir" və şəxsi xarakteristikalarına görə onlar heteroseksuallardan fərqlənirlər. Y.Hookerin tədqiqatları sübut edir ki, homoseksualların və heteroseksualların arasında şəxsi və psixoloji xarakteristikalarda fərqlər mövcud deyil, fərqlər yalnız cinsi oriyentasiyalarda var.
№ 4 mifi. Homoseksuallar "aktivlərə" maskulin rolu icra edən və femin rollar icra edən "passivlərə" ayrılırlar. Belə rol bölgüsü mövcud deyil. Homoseksuallar rol münasibətlərin, əlaqələrin bütün növlərindən istifadə edirlər.
№ 5 mifi. QİÇS — homoseksuallığa görə cəzadır. 80-ci illərin ortalarından homoseksuallar risk qruplarını təşkil etmirlər. Qərb ölkələrində bu onunla bağlı idi ki, dövlət böyük diqqəti əhalinin QİÇS-in yayılması və müdafiə vasitələri haqqında məlumatlandırılmasına ayırdı. Bu qrup arasında QİÇS-ə yoluxma tezliyi heteroseksuallarda olandan yuxarı deyil. O Afrika qitəsinin heteroseksual kişi əhalisinin göstəricisindən əhəmiyyətli dərəcədə azdır.