Deuterokanonik kitabları Yoxlama versiyası

Aleksandrın ölümü
1 Bu arada Misir padşahı dəniz sahilindəki
qum qədər çoxsaylı qoşun və çoxlu gəmi
topladı   və  Aleksandrın   padşahlığını   hiylə
ilə   nəzarət   altına   alıb   öz   padşahlığına
qatmaq   istədi.   2 O,   sülhsevər   sözlərlə
Suriyaya   yollandı.   Şəhərlərin   sakinləri
şəhər   qapılarını   onun   üzünə   açıb   onu
qarşılamağa çıxırdılar. Çünki Misir padşahı
qaynatası   olduğundan   padşah   Aleksandr
tərəfindən onu qarşılamaq əmri verilmişdi.
3 Amma Ptolemey şəhərlərə daxil olanda
hər   şəhərdə   keşıkçi   dəstəsi   qoyurdu.
4 Azota   yaxınlaşanda   ona   yandırılmış
Daqon   məbədini,   Azotu   və   ətrafının
xarabalıqlarını,   səpələnmiş   və   döyüş
zamanı   yandırılmış   cəsədləri   göstərdilər,
belə   ki   bunlar   onun   yolunun   üstündə
qalaqlanmışdı.   5 Yonatandan   şikayət
olunaraq onun etdikləri padşaha danışıldı.
Amma   padşah   susdu.   6 Yonatan   Yafoya
təntənəli   şəkildə   padşahı   qarşılamağa
çıxdı.   Onlar   bir-birlərini   salamladılar   və
orada   gecələdilər.   7 Yonatan   Elevtera
adlanan çaya qədər padşahla birlikdə getdi
və   sonra   Yerusəlimə   qayıtdı.   8 Padşah
Ptolemey   isə   Selevkiyaya   qədər   sahil
şəhərlərini   dəniz   tərəfdən   nəzarəti   altına
aldı və Aleksandrın əleyhinə pis niyyətlər
qurdu.   9 Padşah   Dimitrinin   yanına
qasidlərini   göndərib   dedi:   «Yanıma   gəl,
aramızda   müqavilə   bağlayaq.   İndi
Aleksandrda ərdə olan qızımı sənə verərəm
və sən də atanın padşahlığında hökmranlıq
edərsən. 10 Ona qızımı verdiyimə peşman
olmuşam, çünki o, məni öldürmək istədi».
11 O,   Aleksandra   bu   şəkildə   ittihamlar
yağdırdı,   çünki   onun   padşahlığında   gözü
var   idi.   12 Qızını   Aleksandrdan   alıb
Dimitriyə ərə verdi. Aleksandrla yad oldu
və   aralarında   açıq   düşmənçılik   başlandı.
13 Sonra   Ptolemey  Antakyaya   daxil   olub
başına Suriya tacını qoydu. Artıq başına iki
tac   –   Misir   və   Suriya   tacları   qoyurdu.
14 Həmin   vaxt   padşah   Aleksandr
Kilikiyada   idi,   ona   görə   ki   o   yerlərin
sakinləri   üsyan   qaldırmışdı.   15 Amma
Aleksandr   bu   barədə   eşidəndə   döyüşmək
üçün   Ptolomeyin   üzərinə   getdi.   Onda
Ptolemey   qoşun   çəkib   onu   güclü   hərbi
qüvvə ilə qarşıladı və qaçmağa vadar etdi.
16 Aleksandr   Ərəbistanda   sığınmaq   üçün
oraya qaçdı, padşah Ptolemey isə təntənə
etdi.   17 Ərəb   Zavdiel  Aleksandrın   başını
kəsib   Ptolemeyə   göndərdi.   18 Amma
bünün üçüncu günu padşah Ptolemey öldü
və qalaların sakinləri oralarda olan Misir
qoşununu   qırdılar.   19 Beləcə,   yüz   altmış
yeddinci ilində Dimitri padşah oldu.