Karbohidratlar insanların qidasında əsas yer tutur və doyma his-sinin yaranmasında böyük rolu vardır. Karbohidratlar bitki mənşəli məh-sullarda olur. İnsanın həyat fəaliyyətinə təsirinə görə onlar 2 böyük qrupa bölünür: həzmolunan (mənimsənilən) və həzmolunmayan (mənimsənil-məyən) karbohidratlar. Həzmolunan karbohidratlara şəkərlər və nişasta, həzmolunmayanlara sellüloz, hemisellüloz və pektin maddələri aiddir.
Ortayaşlı adam gündə 400-600 q, yaşlılar isə 300-400 q karbohid-rat qəbul etməlidir. Bunun 50-100 q-ı təmiz şəkərdən, 300-500 q-ı isə nişastadan ibarət olmalıdır. Karbohidratlar orqanizmdə 100% mənimsə-nildikdə 1 q-ı 3,75 kkal (15,7 kCoul) enerji verir. Həzmolunan karbohid-ratlarla yanaşı orqanizmin 2-5 q miqdarında həzmolunmayan karbohidrat-lara (sellüloz, hemisellüloz, pektin) da ehtiyacı vardır. Bunlar orqanizmdə müəyyən fizioloji rol oynayırlar.
