Azərbaycanın Milli Qəhrəmanının xüsusi fərqlənmə nişanı. 25 mart 1992-ci ildə «Azərbaycanın Milli Qəhrəmanı» fəxri adı təsis edilmişdir. Bu Respublikamızın ən yüksək fərqlənmə dərəcəsidir. Fəxri adın xüsusi fərqlənmə nişanı «Qızıl Ulduz» medalıdır. Azərbaycan Respublikasının müstəqilliyi və tərəqqisi naminə xalq qarşısında müstəsna xidmətlərə və rəşadətə görə verilir. «Qızıl Ulduz» medalı döşün sol tərəfinə, digər orden və medallardan yuxarı taxılır.
Ordenlər. «Heydər Əliyev» ordeni.Azərbaycan xalqının ümummilli lideri, müstəqil Azərbaycan dövlətinin memarı və qurucusu Heydər Əliyevin Azərbaycan xalqı və dövləti qarşısında müstəsna tarixi xidmətlərini nəzərə alaraq və onun xatirəsini əbədiləşdirmək məqsədilə «Heydər Əliyev» ordeni təsis edilmişdir. «Heydər Əliyev» ordeni Azərbaycan Respublikası vətəndaşlarına aşağıdakı hallarda verilir:
Azərbaycan Respublikasının milli dövlət quruculuğu işlərində xüsusi xidmətlərinə görə.
«Şah İsmayıl» ordeni. Azərbaycan Respublikasının ali hərbi ordenidir. «Şah İsmayıl» ordeni Azərbaycan Respub- likası Silahlı Qüvvələrinin ali zabitləri, hərbi hissələrin və birləşmələrin komandirləri təltif edilirlər. «Şah İsmayıl» ordeni aşağıdakı xidmətlərə görə verilir:
Azərbaycan Respublikası Silahlı Qüvvələrinin təşkilində və möhkəmləndirilməsində xüsusi xidmətlərinə görə;
Azərbaycan Respublikasının ərazi bütövlüyünün və təhlükəsizliyinin təmin edilməsində xüsusi xidmətlərinə görə;