İsmayil əLİyev

Tapmacaların böyük bir hissəsi böyüyən nəsildə əməyə münasibət, başqa­larının əməyinə hörmət, əmək alətlərinin insan əməyini yüngülləşdirmək vasitə­ləri olmasına həsr edilmişdir. Bu tapmacaların hər biri uşaqların əmək tərbiyəsi üçün çox qiymətli etnopedaqoji materialdır.

Məsələn,

• 
  Qanadı var uçmağa,
  

İynəsi var çancmağa.

Sevir işi, zəhməti

Odur ki, var hörməti.
Tapmacanın cavabı əməyə aid olmasa da göstərilən əlamətlərdən biri – arının işi və zəhməti sevməsi tapmacanın tərbiyəvi əhəmiyyətini xeyli artırır. Məhz bu keyfiyyətdən çıxış edən müəllim cəmiyyət daxilində də ancaq zəhmət­dən qorxmayıb, daim öz sevimli işində çalışan adamların yüksək hörmətə layiq olduqlarını əsaslandırır.

Eləcə də,

• 
  A kişi-kişi, dəmirdən dişi
  

Yeyər buğdanı, qalar küləşi

(oraq)

• 
  Bir atım var dərində,
  

Bağlamışam sərində.

Gecə-gündüz yol gedər,

Yerindədir yerində.

(dəyirman)

• 
  İki qıçı var çarpazı,
  

Sıxsan, parçalar atlazı.

(qayçı)
kimi bir çox tapmacalar da uşaqları əmək həyatı və təsərrüfat alətləri ilə tanış etməkdə, onlarda əməyə maraq doğurmaqda az rol oynamamışdır.

Beləliklə, tapmacaların etnopedaqoji material kimi təhlili göstərir ki, bu müdrik xalq incilərinin ən azı dörd mühüm pedaqoji imkanından istifadə edilə bilər.

1. Tapmacalar geniş öyrədici, bilikverici, təhsilləndirici əhəmiyyət daşıyır.