Meyoz (yunanca mejosis-azalma) və ya reduksion bölünmədə xromosomların sayı iki dəfə azalır və bu proses cinsi hüceyrələrə aiddir. Cinsi hüceyrələr reduksion bölünmə nəticəsində 23 xromosoma malik olurlar. Yalnız mayalanma prosesindən sonra xromosomlar cütlüyü tam bərpa olunur, genetik xüsusiyyətə malik olur.
Amitoz və ya sadəbölünməyə nisbətən az rast gəlinir. Amitoz bölünmə zamanı xromosomların sintezi və DNT-nin miqdarının artması müşahidə olunur. Sadəcə olaraq hüceyrə və onun nüvəsi bərabər və ya qeyri bərabər iki hissəyə bölünür. Amitoz bölünməyə birhüceyrəli orqanizmlərdə (məsələn, infuzorların böyük nüvəsi bu üsulla bölünür), bəzi yüksək dərəcədə ixtisaslaşmış txuma hüceyrələrində iltihab və regenerasiya proseslərində, həmçinin xəstə və qoca hüceyrələrdə rast gəlinir. Amitozu kartofun inkşaf edən kartof yumrusunda, endospermdə, dişiciyin yumurtalıq divarında, yarpaq sapağının prenxim hüceyrələrində, qaraciyər, dalaq, gözün boynuz qişası və döl qişası hüceyrələrində müşahidə edilir.
İrsi məlumatların (əlamətlərin) ana hüceyrələrdən qız hüceyrələrə ötürülməsi mitoz bölünmə yolu ilə baş verir. Müxtəlif qan xəstəlikləri, anadan gəlmə lal-karlıq, şizofreniya və s. irsi xəstəliklər hesab olunur.
