24.09.2014, saat 16:20
Yadulla
Çıxıbdır qınından, bəyənmir qını,
Unudub millətə yalvardığını.
Umurdu millətdən kömək Yadulla,
İndi gör zalımın hayqırmağını,
Qudurub deputat, köpək Yadulla.
13.01.2015, saat 20:55
Kimə söyləyim
Çaşıb əqlim, çaşıb başım, bilmirəm,
Kimə kimnən, hansı dərdi söyləyim?
Hər cizgidə dərdli kədər görürəm,
Hansı dərdi, hansı qəmə söyləyim?
İçim yanır, zülüm-zillət çəkirəm,
Bir dörd divar, bir də zinrik, bir də mən.
Ürəyimə dərd-vərəmi əkirəm,
Duyan varmı, dərdi kimə söyləyim?
Bir aşağı, bir yuxarı baxıram,
Döşəmə, dam arasında axıram.
Bir sürü mal, mən də ora naxıram,
Daş-divara hansı dərdi söyləyim?
Nə ölkəm var, nə diyarım, qəmxəyal,
Kimlər kafi qəbul etsə kəmxəyal.
Kimlər müsbət olacaqsa mənxəyal,
Görən, kimə dərdlərimi söyləyim?
Sabir Binnət qərib eldə qəribdir,
Ədalətə sipər, sinə gəribdir.
Haqq yolunda nahaqq zərbə dəribdir,
Görən, kimə bu dərdimi söyləyim?
Dostları ilə paylaş: |
