37264. L-ONOR. JOE MIZZI staqsa lill-Ministru tal-Edukazzjoni u x-Xogħol: Tista’ l-Ministru tgħid x’inhuma l-pjanijiet tal-Ministeru dwar l-iskola sekondarja tal-Marsa la l-istudenti li kienu fiha ntbagħtu fl-iskola sekondarja ta’ Ħaż-Żebbuġ? Tista’ tgħid għaliex l-istudenti li kienu f’din l-iskola ntbagħtu fl-iskola sekondarja ta’ Ħaż-Żebbuġ?
ONOR. DOLORES CRISTINA: L-istudenti għandhom ambjent aħjar Ħaż-Żebbuġ biex ikomplu jirċievu edukazzjoni ta’ kwalità. Bħalissa l-Ministeru qed jistudja diversi proposti dwar l-użu tal-iskola tal-Marsa.
