1)Biogenə qədərki mərhələ-Yerin inkişafında paleozoya qədərki dövrü əhatə edir. Arxeydə və proterozoyda dəniz suyunun duzluluğu çox da yüksək olmamış, atmosferdə oksigen az, karbon qazının miqdarı çox olmuşdur. Çökmə süxur çox az qalınlığa malik idi. Biogenə qədərki mərhələnin axırında quruda yalnız bakteriyalar və su bitkiləri yaşamışdır. P.Vinoqradov 1967-ci ildə göstərmişdir ki, arxey erasında geniş yayılmış vulkan prosesləri ilkin yer qabığını, atmosferi və okeanı yaratmışdır. Lakin bu zaman atmosferin tərkibində sərbəst oksigen olmamışdır. Ən qədim çöküntü süxurları Qrenlandiyanın cənub – qərb hissəsində tapılmış və onun yaşı 3,8 mlrd. il təyin edilmişdir.
