3. Eşitmə aqnoziyası zamanı xəstə uşaqlar müəyyən cisimləri onlar üçün səciyyəvi olan xüsusiyyətlərə görə (məsələn, saatın taqqıltısı, quzunun mələməsi, itin hürməsi) tanıyırlar. Lakin cəc gələn tərəfi müəyyən edə bilmirlər. Aqnoziyanın bu forması baş beynin gicgah sahələrinin zədələnməsi zamanı baş verir.
4.Ehtizaz aqnoziyası zamanı xəstə həssaslığının itirilməsinə baxmayaraq, gözü yumulu vəziyyətdə, əllə yoxlamaqla ona tanış olan cisimləri tanımaqda çətinlik çəkir. Lakin gözünü açan kimi o həmin cismi tanıyır. Aqnoziyanın bu formasına beynin əmgək hissəsinin zədələnməsi zamanı təsadüf edilir. Aqnoziya zamanı bəzən elə hallar da baş verir ki, xəstə hətta öz bədən üzvlərini belə tanımaqda çətinlik çəkir, yuxarı və aşağı ətrafların yoxluğu haqda onlarda yanlış təsəvvür yaranır. Aqnoziya zamanı qavrayışda əmələ gələn qüsurları və xəstəliyin müalicəsini təlimin xüsusi üsullarından istifadə etməklə aradan qaldırmaq olar.
