Orijinal adı: «Education Glossary»

Seçmə fənn (Elective subject) - Proqramda tələb olunmasa da, kredit üçün qəbul edilmiş təlim 
kursunun xüsusi qrupu daxilindən seçilən fənn. 
Seçim (Selection) - Ayrı-ayrı şəxslərin seçilməsi və gələcəkdə onlara təhsil almaq, yaxud iş 
imkanları məhdud olduğu təqdirdə işə düzəlmək imkanının yaradılması məqsədilə imtahan 
nəticələrindən istifadə. İnkişaf etməkdə olan bir çox ölkələrdə şagirdlərin növbəti təhsil pilləsi üçün 
seçilməsində də imtahan nəticələrindən istifadə olunur. 
Semantik xəritələşdirmə (Semantik mapping) - Mənaca bir-birinə bağlı sözlər silsiləsinin 
qrafik nümayişi. Lüğət ehtiyatının yaradılması mərhələsində xüsusi əhəmiyyəti olan semantik xəritə 
məntiqi təfəkkür elementlərini, oxu və yazı bacarıqlarını inkişaf etdirir.
 
Semestr (Semester) - Ali və orta ixtisas təhsili müəssisələrində akademik tədris ilinin hər biri 
15-18 həftədən ibarət olmaqla iki hissəyə bölünməsi. 
 
Sertifikat/ Şəhadətnamə (Certification) - İmtahan nəticələri əsasında tədris kursunun məzununa 
təqdim edilən və onun təhsil nailiyyətlərini təsdiqləyən rəsmi sənəd.
Səbəb-nəticə əlaqəsi (Cause-effect relationship) - Biri digərinin yaranma şərti olan və yaxud 
olması ehtimal edilən hadisələrin zəruri genetik əlaqəsi, bəzən səbəbiyyət (kazuallıq) də adlandırılır. 
Bu əlaqələr universal əhəmiyyətə malik olsa da, aralarındakı qarşılıqlı asılılıq həmişə səbəb-nəticə 
əlaqəsini nəzərdə tutmur.  
 

---

- 40 - 
Səhmdar / Payçı / Tərəfdaş (Stakeholder) - Müəyyən sektor və ya sistem üzrə iqtisadi, sosial 
və s. maraqları olan fiziki və ya hüquqi şəxs, müəssisə, təşkilat və ya qruplar. 
 
Səmərəlilik (Efficiency) - Konkret bir sahədə müəyyən məqsədə nail olmaq üçün bacarıq, 
qabiliyyət və səriştə kimi müvafiq vasitələrin tətbiqi ilə keyfiyyətli nəticə əldə edilməsinə yönələn 
imkanlar.