O‘zbekiston respublikasi sog‘

Sut tarkibidagi begona aralashmalarni aniqlash
Sut tarkibidagi ichimlik sodasini aniqlash: Probirkaga 10 ml sut solinadi, unga 4-5 tomchi rozal kislotasining spirtli eritmasi solinadi. Agar sutda soda bo’lsa, pushti rang hosil bo’ladi va u ivib qolmaydi. Soda bo’lmasa, sariq rang hosil bo’ladi va probirka devorida kazein izlari qoladi.
Kraxmalni aniqlash: probirkaga 10 ml tekshiriluvchi sut solib, suvli hammomga 5 daqiqaga qo’yiladi. Sovitib unga 1ml yodning suvli eritmasi solinadi. Kraxmal bo’lsa, ko’k rang hosil bo’ladi, bo’lmasa rang hosil bo’lmaydi.
Sutni qalbakilashtirish

1. 
   Sutning yog’ini olganda - solishtirma og’irligi ortadi, yog’liligi pasayadi, rangi
   

o’zgaradi, sarg’ish tusga kiradi.

2. 
   Suv qo’shilganda - solishtirma og’irligi pasayadi, ko’kimtir rangga o’tadi, ta’mi suv ta’miga yaqinlashadi.
   
3. 
   Soda qo’shilganda - nordonligi pasayadi, rozol kislota pushti rang beradi.
   
4. 
   Kraxmal qo’shilganda - rangi oq-ko’kimtir, konsistensiyasi cho’ziluvchan, yod bilan ko’kimtir rang hosil qiladi.
   

Go’shtning gigiyenik ekspertizasi
Go’sht to’la qiymatli oqsillar manbaidir. Go’sht tarkibidagi oqsilning o’rtacha miqdori 13-15%, go’shtdagi yog’ning o’rtacha miqdori 3 -34% gacha. Go’sht tarkibida mineral tuzlar (kaliy, fosfor, natriy, temir), A va B guruhiga kiruvchi vitaminlar mavjud.
3-jadval
Go’shtning gigiyenik ekspertizasi

Ko’rsatkichlar	Tekshirish usullari	Ko’rsatkichlarni baholash
Organoleptik: -rangi -konsistentsiyasi -hidi	Ko’rish orqali Barmoq bilan bosish Qizitilgan pichoq namunasi	O’zgarishlar bo’lsa: Rangda- 2 dan ballgacha chegirish Konsistentsiyada - 2-5 ball hidida - 2-7 ball
Kimyoviy: -uchuvchi yog’ kislotala- rining borligi; -ammiaqli azot borligi	Mis sulfatli namuna Nessler reaktivi bilan reaktsiya	Ijobiy bo’lsa - 4 ball chegirish Ijobiy bo’lsa -2 ball chegirish
Mikrobiologik: Finna va trixinellalarning Borligi	Ezilgan preparatlarni mikroskopda ko’rish	Ijobiy bo’lsa - 2 ball chegirish

Go’shtning sifatliligini baholash quyidagi organoleptik ko’rsatkichlarni (rangi, hidi, konsistentsiyasi, sho’rvasining ta’mi), kimyoviy ko’rsatkichlarni (ammiak, vodorod-sulfid, o’t kislotalari), mikrobiologik (gelmintlarning borligi) ko’rsatkichlarni aniqlash orqali amalga oshiriladi. Bundan tashqari, yog’i, iligi, pay va bo’g’imlari, shuningdek, qaynatilgan sho’rvaning sifatiga baho beriladi. Go’shtning sifatlilik ko’rsatkichlari 25 balli tizim bo’yicha baholanadi, ya’ni ballar yig’indisi 21-25 ballni tashkil etsa, go’sht yangi, yig’indi ballar 10-20 ballni tashkil yetsa -ishonchli bo’lmagan yangi go’sht, eskirgan go’shtda esa - 10 balldan past bo’ladi.