Dövlət və bələdiyyə idarəetməsinin müasir problemləri
Yüklə 1,61 Mb. Pdf görüntüsü
|
- Bu səhifədəki naviqasiya:
- 3-cü variant
| 1-ci variant: Bilavasitə əhali tərəfindən seçilmiş nümayəndələrin
səlahiyyətləri nümayəndəli orqanın və seçkili ali vəzifəli şəxsin səlahiyyətləri daxilində müxtəlif proporsiyalarda həyata keçirilir; 2-ci variant: Bilavasitə əhali tərəfindən seçilmiş nümayəndələrin bütün səlahiyyətləri nümayəndəli orqanın səlahiyyətləri daxilində həyata keçirilir; 3-cü variant: Bilavasitə əhali tərəfindən seçilmiş nümayəndələrin bütün səlahiyyətləri seçkili ali vəzivəli şəxsin səlahiyyətləri daxilində həyata keçirilir. Səlahiyyətlərin verilməsinin bu və ya digər variantının tətbiqi , bələdiyyə qurumunun əhalisinin sayından və ərazisinin ölçüsündən, həlli tələb olunan məsələlərin mürəkkəbliyindən və həcmindən, sosial-siyasi vəziyyətdən və digər çoxlu amillərdən asılıdır. Yerli özünüidarəni həyatə keçirən orqan kimi bələdiyyələr yerli əhəmiyyətli məsələləri öz üzərinə götürərək müstəqil şəkildə həll etməli və nəticədə yerli əhaliyə xidmət göstərən və onların etimadını qazanan real yerli hakimiyyətə çevrilməlidirlər. Bələdiyyələr tərəfindən bu vəzifələrin yerinə yetirilməsi üçün onların normal fəaliyyətini təmin edən idarəetmə proseslərinin səmərəli təşkili mühüm əhəmiyyət kəsb edir. İdarəetmə proseslərinin düzgün təşkil edilməsi isə ilk növbədə idarəetmə üslubunun və strukturunun düzgün 131 secilməsindən asılıdır. Bələdiyyə rəhbərliyi idaretmə strukturunu elə qurmalıdır ki, idarəetmə qərarlarının hazırlanması və qəbulu proseslərini vaxtında həyata kecirtmək mümkün olsun , qəbul edilmiş qərarların icrası qarşiya qoyulmuş əsas məqsədlərə xidmət etsin və eyni zamanda həmin qərarların icrasına mükəmməl nəzarət sistemi yaradılsın. Yuxarıda qeyd olunan məsələlərin düzgün və səmərəli təşkili ücün idarətmə sahəsində kifayət qədər təcrübəsi olan, yüksək ixtisaslı peşəkar mütəxəssislərin olması tələb olunur. Aparılan tədqiqat işlərin nəticəsi göstərir ki, hal-hazırda ölkəmizdə bələdiyyə üzvləri və qulluqcuların tam əksəriyyəti nəinki bələdiyyə idarəciliyi sahəsində təhsili və təcrübəsi olmayan şəxslərdir, ümumiyyətlə idarəetmə sahəsində təhsilə və təcrübəyə malik olmayanlardır. Əslində, qüvvədə olan milli qamumvericilik bələdiyyə üzvlərinə seckilər zamanı belə bir məhdudiyyət də müəyyənləşdirməmişdir. Belə ki, təhsilindən və iş təcrübəsindən asılı olmayaraq bələdiyyə ərazisində yaşayan və Secki Məcəlləsi ilə müəyyənləşdirilən tələblərə cavab verən , Azərbaycan Respublikasının istənilən vətəndaşı həmin inzibati ərazinin bələdiyyəsinə üzv secilə bilər. Bü hüquq- ölkənin hər bir vətəndaşının Konstitusiya ilə onlara verilmiş seckili orqanlara secilmək hüququdur. Qeyd olunanları nəzərə alaraq secilmiş bələdiyyə üzvləri idarətməni düzgün və səmərəli təşkil etmək məqsədilə bələdiyyə idarəciliyini bilən və bu sahədə kifayət qədər təcrübəsi olan mütəxəssisləri işə cəlb etməlidirlər. Bu zaman idarəetmə strukturu ölkənin mövcud qanunvericiliyinə uyğun olaraq elə müəyyən etməlidir ki, yerli tələbatlara cavab verə bilən səmərəli idarəetməni təmin edə bilsin. Respublikada fəaliyyət göstərən bələdiyyələrin idarəetmə sisteminin əsas üç elementini artıq müəyyənləşdirmiş olduq: Yüklə 1,61 Mb. Dostları ilə paylaş:
|