Ayətullah Seyid Əli Xamenei
Məxfi siyasi-ideoloji təşkilat
Yüklə 1,43 Mb. Pdf görüntüsü
|
| Məxfi siyasi-ideoloji təşkilat
İmam Sadiq (ә), İmam Sәccad (ә) vә İmam Baqirin (ә), xüsusәn dә sonuncunun hәyatının son illәrindә aparılan geniş fәaliyyәtin kömәyi ilә bütün İslam dünyasında ideoloji, inqilabi, prinsipial, fәdakar vә tәhlükәyә hazır olan bir qrup mömin vә müsәlman yetişdi. Bunlar adi adamlar deyildilәr. Demәk istәmirәm ki, bunlar xüsusi tәbәqәlәrdәn olmuşlar. Xeyr! Elә tacir, qul vә bu kimi insanlar idilәr, amma mәnәvi baxımdan әsla adi insanlara bәnzәmirdilәr, hәyatlarını mәqsәd vә mәktәblәrinә hәsr etmişdilәr. Belә insanlardan hәr yerdә vardı. Maraqlı burasıdır ki, İmam Sadiqin (ә) dostları hәr yerdә vardı, yalnız Mәdinәdә deyildilәr. Kufәdә Mәdinәdәn çox idi, hәtta Şamın özündә dә vardı. Bunlar İmam Sadiqin (ә) möhtәşәm şәbәkәsini tәşkil edirdilәr. Əli (ә) tәşkilatı, Şiә tәşkilatı bunlardan ibarәt idi. Bunlar İmam Sadiqin (ә) hәyatının namәlum hissәlәrindәndir. Mәn bunun üzәrindә tәkidlә dayanıram ki, İmam Sadiq (ә) tәrәfindәn bütün İslam dünyasında böyük bir şәbәkә vә әmәlli-başlı bir partiya idarә olunurdu. Bu bir üstün cәhәt idi. 1 İbn Şәhr Aşub. "Mәnaqib", c. 4, sәh. 238 222 Bu şәbәkә İslam mәmlәkәtinin bir çox ucqar yerlәrindә, xüsusәn dә İraqın әrәblәr yaşayan hissәsindә vә Xorasanda üzәrinә imamәt mәsәlәsinә dair gözәçarpan vә sәmәrәli fәaliyyәtlәr götürmüşdü. Lakin bu, mәsәlәnin yalnız bir üzü vә kiçik hissәsidir. İmam Sadiqin (ә) vә hәmçinin digәr imamların siyasi hәyatında mәxfi tәşkilat amili onların macәra dolu hәyatlarının әn mühüm, әn qızğın vә eyni zamanda әn mәchul vә tanınmaz hissәlәrindәndir. Qeyd etdiyim kimi, belә bir tәşkilatın olmasını isbat etmәk üçün açıq-aşkar sәnәd gözlәmәk olmaz. İmamlardan, yaxud onların yaxın әtraflarından birindәn Şiә mәzhәbinin siyasi- ideoloji tәşkilatına dair açıq etiraf gözlәmәk düzgün deyil. Bu, deyilәsi bir şey deyildi. Normal gözlәnti budur ki, düşmәn imamın gizli tәşkilatının olduğunu anlayıb onun özündәn, yaxud yaxınlarının birindәn bu haqda soruşanda da belә bir şeyi tamamilә inkar etsin, bunu bir bәdgümanlıq vә ya iftira adlandırsın. Mәxfi işin xislәti belәdir. Tәbii ki, imamların tarixini tәdqiq edәnlәrdәn dә yetәrli әsas vә dәlil olmadan belә bir tәşkilatın varlığını qәbul etmәlәrini gözlәmәk olmaz. Faktları, mәlumatları, zahirәn sadә görünәn hadisәlәrin adi tamaşaçının diqqәtini cәlb etmәyәn, diqqәtlә baxanda isә çoxlu gizli mәsәlәlәrdәn xәbәr verәn mәğzini araşdırmaq lazımdır. İmamların 250 illik bütün hәyatına bu baxışla nәzәr salsaq, onların başçılıq etdiyi belә gizli tәşkilatın olduğuna tәxminәn әmin olarıq. (Sadiq rәhbәr, sәh. 96-97) |