| Birinchi, 19- asr oxiri- 20-asr boshlarida ko`p ijodkorlarning asarlari mazmunan bir-biriga yaqinligi bilan ajralib turadi. Jadid shoirlar ijodida maktab va maorif masalasi alohida o`rin tutadi. 20- asr avvalida millat ziyolilari diqqat markazida bo`lgan maktab masalasi xususida bu davrning ilg`or ma’rifatparvar adiblar ijodida ko`plab asarlar yaratilgan. Xususan, maktab, maorif, ilm olishga da’vat etish masalalariga yakdillik bilan yondashdilar.
Sidqiyning shu davr ijodkori ekanligiga inobatga oladigan bo`lsak, uning ijodida ijtimoiy mavzudagi she’rlar, diniy va didaktik mavzudagi asarlarlar alohida o`rin egallaydi. Ijtimoiy mavzudagi she’rlari orqali jamiyatdagi mavjud illatlarni qoralaydi. Diniy asarlarida esa o`zigacha bo`lgan ijodkorlarning asarlaridan foydalangan holda, o`z davrida mazmunan nisbatan mukammal asarlarni yaratgan.
Ikkinchi, Birinchi jahon urushi, mardikorlikka olish va Qo`qon muxtoriyatining qonga botirilishi munosabati bilan yozilgan asarlarida Sidqiyning millat va Vatan taqdiri uchun xavotiri sezilib turadi.
Uchinchi, Sidqiy Xondayliqiy g`azaliyotida nazirachilik sodda va xalqona uslubda yozish an’anasi yetakchilik qiladi. Shoirning lirik she’rlarida mumtoz adabiyotimizdagi hayotiy, insoniy muhabbat, odamiylik singari eng yaxshi an’analar davom ettiriladi.
Dostları ilə paylaş: |
