To`rtinchi, adib nasriy merosining salmoqli qismini diniy-axloqiy asarlar tashkil etadi.
Beshinchi, Sidqiy Xondayliqiy ijodida musammat turkumining muxammas va musaddas turlari ko`proq. Murabba va musammanlar qisman tarqalgan. U yaratgan muxammas va musaddaslar o`zining soddaligi, xalqonaligi, musiqiyligi bilan ajralib turadi.
Oltinchi, Sidqiy Xondayliqiy nasriy asarlarining mavzular ko`lami keng va rang- barangdir. Yuksak axloq mezonlari va ilm- ma’rifatga da’vat Sidqiyning she’riyatidagi kabi nasrida ham o`zak g`oyalardan hisoblanadi. Ilm va ilm sohiblarini e’zozlash kerakligini Sidqiy asarlarida takror va takror uqtiradi. Shu bilan birga adib o`z risolalarida insoniy fazilatlar aql va bilim egasi bo`lgan go`zal xulqli va odobli ayol siymosini chizishga harakat qiladi.
Sidqiyning asarlari yaratilganidan buyon olimlar, tarixchilar, adiblar va jamoatchilikning e’tiborini o`ziga tortib kelgan. Tarbiyaviy qadriyatlar haqida fikr yuritar ekanmiz, Sidqiyning nasriy asarlari barcha davrlarda ham ta’lim- tarbiya sohasida namuna bo`lib qoladi.
Dostları ilə paylaş: |
