Hamidulla Hasanov (1919-1985). O‘zbekistonda geografiya fanining rivojiga katta hissa qo‘shgan va halqiga tanilgan zabardast olimlarning biri “O‘zbekistonda xizmat ko‘rsatgan fan arbobi”, geografiya fanlari doktori, sayyoh olim H.Hasanov hisoblanadi. Olimning “O‘rta Osiyolik geograf sayyohlar”,“Sayyoh olimlar”,“Bobur sayyoh va tabiatshunos”,“Mahmud Qoshg‘ariy” kabi yirik asarlari chet el geografiyasida ham tan olingan. U Osiyo, Yevropa, Shimoliy Amerika va Afrika davlatlariga ko‘plab sayohatlar qilgan va bu sayohatlar ta’surotlarini doimo talabalarga o‘rgatgan jonkuyar ustoz sifatida tariximizda qoldi.
H.Hasanov birinchilardan bo‘lib o‘zbek televideniyasida “Olamga sayohat” ko‘rsatuvini tashkil qilib uzoq yillar davomida o‘zi boshlovchilik qilgan. Taniqli olimdan qolgan yana bir yodgorlik- U yasagan “Toshkent globusi” dir.
U Permlik geograflar bilan 5 yillik hamkorlikda er sharining 7 million marta kichraytirilgan shaklini yasadi.Globusning balandligi 2,5 metr, og‘irligi 500 kg, aylanasining uzunligi 6 metr.Globusning eng ahamiyatli tomoni shundaki,unda er yuzining turli shakllari tabiatda qanday ko‘rinishda bo‘lsa shunday tasvirlangan.
Tayanch so‘zlar va iboralar:Buyuk geografik kashfiyotlar, aylanma sayohat, shimoliy qutb, janubiy qutb, aboriganlar, kanniballar, kompas, globus, sayyoh olimlar, sayyoh kashfiyotchilar, qutbshunos olimlar, tarixiy haqsizlik.
Mustaqil ishlash uchun savollar: Turizm marshrutlarining tarixi kimga borib taqaladi?
Markaziy Osiyolik olimlarning sayohati marshrutlarini gapirib bering.
Chet ellik olim sayohatchilarning marshrutlarini so‘zlab bering.
Buyuk geografik kashfiyotchilarning sayohati marshrutlari haqida so‘zlang.
Yangi davr geografik tadqiqotlari marshrutlari haqida nimalarni bilasiz?
6-MAVZU: TURISTIK MARSHRUTLARNI ISHLAB CHIQISH USULLARI VA TAMOYILLARI Reja: 6.1. Turistik marshrutlarni ishlab chiqish usullari
6.2. Turistik marshrutlar mavzularining tur nomlarini anglatishi.
6.3. Jozibadorlik, betakrorlik va imkoniyatlarning yaratilganligi tamoyillari
6.4. Mazmundorlik va faoliyatlilik tamoyillari. Ko‘p variantlilik, qulaylilik va axborotlanganlik tamoyillari
