6. Ta’limning oshkoraligi va oʻzgaruvchanligini ta’minlash tamoyili (masofaviy ta’limning yosh, ma’lumoti jihatidan turlicha boʻlgan talabalar uchun qulayligini, oʻqitishning ochiq rejalashtirilishini; ta’lim vaqti, sur’ati va joyini erkin tanlash imkoniyati mavjudligini; oʻquv mashg‘ulotlarida ixtiyoriy qatnasha olishini, izchillik, tizimlilik, uzviylik nuqtai nazaridan oʻquv materiallarining muntazam oʻzgarib borishini ta’minlash imkoniyatiga egaligi tavsiflaydi).
7. Zamonaviy axborot texnologiyalarini qoʻllashning pedagogik maqsadga egaligi tamoyili (unga koʻra masofaviy ta’lim tizimini loyihalashtirish, yaratish va tashkil etishda mavjud texnik vositalarini maqsadga muvofiq qoʻllanilishi tahlil qilib borilishi hamda ularni qoʻllashda yoʻl qoʻyilishi ehtimoli boʻlgan xatolarning oldi olinishi lozim).
Oʻquv yurtlarida masofaviy ta’limning tashkil etilishi muayyan jarayon sifatida kechadi. Tabiiyki, har bir jarayon ma’lum bosqichlarda amalga oshiriladi. Masofaviy ta’limni tashkil etish bosqichlar quyiagilardir: Oʻquv muassasaslarida masofaviy ta’limni amalga oshirish quyidagi bosqichlarda amalga oshiriladi (3-rasm):
Amalga oshirish bosqichlari
Loyihalashtirish bosqichi
Tahlil bosqichi
О‘quv kontentlarini yaratish bosqichi
Joriy qilish bosqichi
Ishga tushirish bosqichi
Rivojlantirish bosqichi
3-rasm. Masofaviy ta’limni amalga oshirish bosqichlari.
Ayni oʻrinda masofaviy ta’limni amalga oshirish bosqichlarining mohiyati xususida soʻz yuritiladi.
1. Tahlil bosqichi (unda oʻquv muassasining masofaviy ta’limni tashkil etishga boʻlgan ehtiyoji, ta’lim oluvchilarning soni, ta’lim shakli, metod va vositalari, loyihani amalga oshirish uchun zarur boʻlgan texnik, dasturiy va inson resurslari, loyihani iqtisodiy asoslari tahlil qilinadi).
Dostları ilə paylaş: |
