1. Sahibkarlıq haqqında nəzəriyyələrin yaranması Sahibkarlıq fəaliyyətinin mahiyyəti və məzmunu

İnnovasiyaların təsnifatı

Meyar	İnnovasiyanın növləri
Yayılma dərəcəsi	Tək-tək Diffuz (qarışıq)
İstehsal tsiklində yeri	Xammal Məhsul Təminedici (təminat)
Varislik yolu ilə keçmə	Kəşf edilmişlər; Ləğv edilmişlər; Əvəz edilmişlər; Qayıdanlar
Bazar payının əhatə olunma dərəcəsi	Lokal Sistemli
Yeniliyin potensialı və dərəcəsi	Radikal Təkmilləşdirilmişlər Kombinə edilmişlər
Müəssisənin fəaliyyət sferası	Texnoloji (istehsal) İqtisadi (ticarət) Sosial (idarəetmə)

2. İnnovasiya sahibkarlığı yeniliklərin daim axtarılmasını qarşıya qoyur: yeni ideyalar, məhsullar, xidmətlər, həmçinin, yeniliklərin yaradılması və tətbiqini həyata keçirəcək təşkilati formalar. Belə ki, yeniliklər üçün yeni təşkilati formalar, məhsul istehsalı üçün isə yeni texnologiyaya və təşkilati quruluşa malik müəssisələr lazımdır.
İnnovasiya sahibkarlığı üçün sahibkarlıq mühitinin olması daha vacibdir. Belə ki, o yeni ideyaların, yeniliklərin realizə edilməsi üçün müvafiq təşkilati formaların yaradılmasına imkan verə bilər. Belə mühitin elementləri aşağıdakılar ola bilər: sərbəst fəaliyyət resurslarına malik olan investorların olması, sərbəst güclərə malik olan əmtəə istehsalçıları. Bütün bunlar innovasiyanın axtarılması və tətbiqi üçün zəruri şərtlərdir.
İnnovasiya sahibkarlığının təşkilati strukturları içərisində xüsusi rol kiçik formalara aiddir. Kiçik kollektivlər həddən çox çevikdirlər və yeni ideyaları hiss etmək və onları işləyib yaymaq üçün səfərbərdirlər. İnnovasiya sahibkarlığını həyata keçirən təşkilati- hüquqi formalar çox müxtəlif ola bilər:
1. Vençur firmalar
2. Eksplerent firmalar
3. Patient firmalar
4. Komutant firmalar
5. Violent firmalar
6. Biznes inkubatorlar
Vençur firmalar – kiçik innovasiya müəssisələri içərisində xüsusi yer tutur və onlara çox vaxt riskli firmalar deyilir. Vençur firmalar – yeni məhsul və xidmətlərin təsdiq edilməsi, hazırlanması və istehsalı istiqamətində ixtisaslaşırlar. Bu firmaların yaradıcıları alimlər , tədqiqatçılar, mühəndislər və ixtiraçılardır. Vençur firmalar əsasən elmtutumlu sahələrdə daha geniş yayılmışdır. Vençur firmalar bir neçə hüquqi və fiziki şəxsin müqavilələri və vəsaitləri əsasında yaradılır. Müasir vençur firmaları çevik və səfərbər strukturlara malik olub yüksək və məqsədyönlü fəallığına görə fərqlənirlər. Ona görə də inkişaf etmiş dövlətlər vençur firmaların fəaliyyətini alqışlayır və hərtərəfli dəstəkləyirlər.