Anorganik kimyo

Birikmalari:
H₂[PtCl₆]-platinaning zar suvida erishidan gesaxlorplatinat kislota hosil bo’ladi; bu kislota eritma bug’latilganda H₂[PtCl₆]∙6H₂O tarkibli qizg’ish-qo’ng’ir kristallar holida ajralib qoladi.Bu modda platinaning sotiladigan odatdagi preparatidir.Bu kislotaning kaliyli tuzi kaliyning eng qiyin eruvchan tuzlaridan biridir.Shu sababli, kaliyni topish uchun qilinadigan kimyoviy analizlarda ana shu tuzning hosil bo’lishidan foydalaniladi. H₂[PtCl₆] xlor oqimida 360⁰C gacha qizdirilsa, bu modda ajralib, HCl chiqaradi va platina (VI)-oksid PtCl₄ hosil bo’ladi.Agar geksoxlorplatinat kislotaning eritmasiga ishqor quyilsa, qo’ng’ir cho’kma Pt(OH)₄ hosil bo’ladi. Bu modda platinat kislota deb ataladi, chunki u mo’l ishqorda eritilsa, tuz hosil qiladi.
Platina (II)-xlorid-PtCl₂- kukunga aylantirilgan platina ustidan xlor o’tkazilganda hosil bo’ladi. PtCl₂ yashilroq tusga ega bo’lib, suvda erimaydi.
Ikki valentli platina ko’pdan-ko’p kompleks tuzlar hosil qiladi.Ulardan eng muhimlari tetrasianoplatinat kislota H₂[Pt(CN)₄] ning tuzlaridir.Bu kislotaning bariyli tuzi Ba [Pt(CN)₄] ga ultrabinafsha nurlar va rengen nurlari ta’sir ettirilsa, u ravshan fluoressensilanadi va rengenoskopiyada fluoressensilanuvchi ekranlarga yurirish uchun ishlatiladi.
PtO₂- to’q qizg’ish-qoramtir tusli kristall, suvda, kislotalarda erimaydi. Termik beqaror, 200 °C dan yuqori temperaturada parchalanadi. Bu oksid Pt(OH )₂ ni termik parchalab olinadi.
Pt(OH)₂ — qora rangli cho’kma, suvda erimaydi, kislotalar ta’siriga chidamli, suyuqlantirilgan ishqorlar bilan qisman reaksiyaga kirishadi.
Pt(OH)₄ —to’q-qo’ng’ir rangli cho’kma, suvda erimaydi, amfoter xossaga ega. Kislota va ishqorlar bilan reaksiyaga kirishib, anion kompleks birikmalar hosil qiladi:
Pt(OH)₄ +6HCl = H₂[PtCl₆] +4H₂O
Pt(OH)₄ + 2NaOH = Na₂[Pt(OH)₆]