| Gözəllik salonlarının adları. Bu sahədə sürətlə inkişaf edir, sayı günbəgün artır. Gözəllik salonlarına verilən adları iki qrupa bölə bilərik. Milli adlarımız əsasında yarananlar və başqa dildən alınan adlar əsasında yarananlar. Bölgələrimizdə fəaliyyət göstərən gözəllik salonları daha çox Azərbaycan dilində olan antroponimlərə müraciət edirlər. “Günel” gözəllik salonu, “Röya” gözəllik salonu, “Arzu” gözəllik salonu və s. Paytaxtda fəaliyyət göstərən gözəllik salonları isə əcnəbi adlara daha çox meyilliliyi ilə seçilirlər. “Gloria”,“Afrodita”, “Bella”, “Sharm” və s. Gözəllik salonlarının adları özündə zəriflik, gözəllik, incəlik anlayışlarını əks etdirir. Qadın gözəllik salonları ilə yanaşı kişi bərbərxanaları da fəaliyyət göstərir. Qadın salonlarından fərqli olaraq kişi salonları adlandırılmır.
Kamil Əliyev ““Bərbərxana” yoxsa “dəllək dükanı”” adlı məqaləsində hər iki sözün etnik mənşəyinə toxunaraq onları müqayisə edir və üstünlüyü “dəllək dükanı” ifadəsinə verir. “Bərbərxana” sözü belə deyilir. Bərbər – (ba: bə) ingilis sözüdür, mənası “dəllək” deməkdir. Buna fars dilindən alınma “xana” şəkilçisi əlavə olunaraq “bərbərxana” mürəkkəb sözü yaranmışdır. “Dəllək” mənşəcə ərəb dilinə məxsusdur. Mənası “baş qırxan”, “üz qırxan” deməkdir. Müasir dilimizdə sünnət işini yerinə yetirən şəxsə də “dəllək” deyilir (48, s.66). Başqa bir araşdırma nəticəsində məlum oldu ki, bərbər italyan dilində də mövcuddur, mənası saqqal deməkdir [144]. Etimoloji lüğətdə isə bərbər sözünün farsca boridən – kəsmək, qırxmaq mənası verən sözdən yarandığını qeyd edilir.
Dostları ilə paylaş: |
