Əlavə 3 azərbaycan respublikasi


İSTİFADƏ EDİLMİŞ ƏDƏBİYYAT SİYAHISI



Yüklə 465,34 Kb.
səhifə3/34
tarix05.01.2022
ölçüsü465,34 Kb.
#111963
1   2   3   4   5   6   7   8   9   ...   34
İSTİFADƏ EDİLMİŞ ƏDƏBİYYAT SİYAHISI .....…............................

140

İXTİSARLARIN SİYAHISI……………………………………………

154


GİRİŞ

Mövzunun aktuallığı və işlənmə dərəcəsi: İnsanlar arasında ünsiyyət vasitəsi funksiyasını yerinə yetirən dilin tətbiqi ilk baxışda sadə görünsə də, bu, mürəkkəb proses olub çoxşaxəlidir. Ona görə də dildən ünsiyyət vasitəsi kimi istifadə edənlərin, tarixi inkişaf prosesində formalaşmış konstant dil qayda-qanunlarından düzgün və səmərəli istifadə etmələri kommunikativ prosesin uğurlu nəticələnməsi sahəsində həlledici rol oynayır. Ana dilində danışanlar prosesin çətinliyini hiss etməsələr də, dili xarici dil öyrənənlər hər an bu çətinliklərlə rastlaşırlar. Təhlil göstərir ki, dil – danışıq vahid­lərinin (heca, morfem, söz, söz birləşməsi, sintaqm, cümlə və s.) müxtəlif modellər üzrə reallaşmasında semantik, qrammatik strukturlara xas normativ qayda­larla yanaşı, həmin vahidlərin tələffüzü ilə bağlı prosodik xüsusiy­yətlər də həlledici əhəmiyyət kəsb edir. Ünsiyyətin elementi kimi çıxış edən hər bir dil vahidinin, o cümlədən, sözlərin prosodik xüsusiyyətləri dilin şifahi forması ilə bağlı olub canlı danışıqda reallaşır. Dilçilikdə prosodiya problemi ilə bağlı müxtəlif dillərin materialları əsasında müəyyən tədqiqat işləri yerinə yetirilsə də [49; 66; 88; 134; 144; 150; 156; 180; 183; 184 və s.], problemi tam həll edilmiş hesab etmək düzgün olmazdı, çünki dildə prosodik vasitələrin yaranma və tətbiqi mexanizmi hələ də lazımi həllini tapmayıb. Bu da ondan irəli gəlmişdir ki, tədqiqatçılar (Palmer F.R., Barışnikova K.K., Junisbekov A., Anthony F., Foks A., Qünter Q. və b.) problemə tədqiqat obyekti kimi müxtəlif aspektlərdən yanaşmış­lar. Dilçilik ədəbiyyatında qeyd olunduğu kimi, canlı danışığı prosodik vasitələrsiz təsəvvür etmək qeyri-mümkündür, çünki nəzərdə tutulan fikir yalnız leksik və qrammatik vasitələrlə deyil, prosodik vahidlərin də iştirakı ilə ifadə olunur. Bu səbəbdən də çağdaş dilçilikdə sözü formalaşdıran prosodik vahidlərin yaranma və işlənmə mexanizminin sistemli və nəzəri cəhətdən tədqiq olunması öz elmi aktuallığı ilə diqqəti çəkir. Problemin aktuallığını nəzərə alaraq, dissertasiya işimizi “Sözün prosodik strukturu (ingilis və Azərbaycan dillərinin materialı əsasında)” mövzu­su­nun həllinə həsr etmişik. Mövcud nəzəri ədəbiyyatın tənqidi təhlili və eksperi­mentin nəticələri dildə prosodik vasitələrin struktur, funksional, eləcə də onların danışıq aktındakı relevant və irrelevant əlamətləri haqqında nəzəri ümumiləşdir­mələr əldə etməyə imkan vermişdir. Məlumdur ki, dildə elə bir vahid (fonemdən başlamış ən böyük sintaktik-semantik vahidə kimi), təsəvvür etmək mümkün deyil ki, onun tələffüzündə prosodik vasitələrdən bu və yaxud digər formada istifadə olunmasın. Şübhəsiz ki, semantik və sintaktik funksiyasına görə dilin əsas vahidlərindən hesab olunan sözün tələffüzündə də bu xüsusiyyət mövcuddur. Söz haqqında elmi cəhətdən əsaslandırılmış müfəssəl fikir söyləmək üçün onun semantik-sintaktik və funksional aspektləri ilə yanaşı, sözü söz edən, onu təmsil edən seqmentlər ardıcıllığını bütöv bir vahid halında formalaş­dıran prosodik vasitələrin də sistem şəklində araşdırılması dilçiləri düşündürən problemlərdən olub aktualdır. Danışıq aktı elə bir mürəkkəb prosesdir ki, burada dilin hər üç aspekti (semantik, qrammatik və prosodik) birgə fəaliyyət göstərir və eyni funksiyanın icrasına – kommunikantlar arasında informasiyaların ötürülməsinə və qəbuluna, ünsiyyətin reallaşmasına xidmət edir. Bu prosesdə reallaşan hər bir vahid, о cümlədən söz, həm norma, həm də danışıq səviyyəsində müəyyən prosodik vasitələrlə yüklənir. Bu prosodik vasitələrin sayəsində də hər bir tələffüz edilən vahidin yeni bir variantı meydana çıxır ki, bu da digərlərindən öz relevant və irrelevant xüsusiyyətləri ilə fərqlənir. Fərqli xüsusiyyətlər ifadə olunanın eyni sintaktik və qrammatik struktura malik olmasına baxmayaraq, onun kim tərəfindən ifadə olunduğunu müəyyənləşdirməyə imkan verir. Deməli, nitqin tanınmasında prosodik vasitələrlə yaranan tələffüz çalarları xüsusi əhəmiyyət kəsb edir. Elə bu səbəbdən də, sözün prosodik xüsusiyyətlərinin nəzəri və təcrübi cəhətdən öyrənilməsi çağdaş dilçilik baxımından aktualdır.


Yüklə 465,34 Kb.

Dostları ilə paylaş:
1   2   3   4   5   6   7   8   9   ...   34




Verilənlər bazası müəlliflik hüququ ilə müdafiə olunur ©muhaz.org 2024
rəhbərliyinə müraciət

gir | qeydiyyatdan keç
    Ana səhifə


yükləyin