Permezz tas-Segretarjat, il-Gvern ser ikun qiegħed iwettaq programm ta’ diskussjoni aktar miftuħ fuq il--Koperattia bħala mod ieħor ta’ kif jista’ jsir in-negozju. Din il-ħidma ser issir mis-Segretarjat flimkien mal-Bord tal-Koperattivi u l-APEX. Dan bil-għan li l-koperattivi jkunu preżentati lis-settur kummerġjali bħala mod alternattiv ta’ kif persuni jistgħu jiġu flimkien u jiffurmaw attivita kummerġjali. Din il-ħidma ser ikollha bħala għan fost l-oħrajn:
titjib fl-effiġenza u kwalità fis-servizz provdut mill-koperattivi,
żieda fil-varjetà ta’ prodotti u fil-valur miżjud,
żieda fil-produzzjoni u fis-suq,
lis-settur tal-koperattivi nagħmluh vijabbli, kompettiv u sostenibbli, u
li nilħqu dejjem aktar il-bżonnijiet tal-membri.
X’qed isir
Saru numru ta’ laqgħat bejn il-Bord tal-Koperattivi u l-APEX fejn kienet analizzata l-liġi tal-Koperattivi.
Wara li saret Konferenza Nazzjonali flimkien mal-APEX u l-Bord tal-Koperattivi u li minnha rriżulta dawn li-Inizjattivi msemmija hawn fuq, is-Segretarjat mexxa laqgħat mal-Bord u l-APEX biex tkun analizzata l-liġi tal-Koperattivi u jkunu proposti emendi.
Fil-preżent qed isiru attivitajiet organnizzati mill-APEX biex ifakkru s-60 sena mit-twaqqif tal-koperattivi u 10 snin mit-twaqqif tal-APEX.
Dawn l-objettivi hawn fuq imsemmija se jkunu l-inizjattivi li s-Segretarjat se jibqa’ jikkonsulta mal-Bord tal-Koperattivi u l-APEX sabiex tkompli ssir ħidma biex ikunu implimentati
Grazzi ghall-inizjattivi li ittieħdu dan l-aħħar mis-Segretarjat Parlamentari għan-Negozji Żgħar u s-Self Employed, mill-Bord tal-Koperattivi, mill-APEX u mill-Fond Ċentrali tal-Koperattivi, ġew reġistrati erba’ koperattivi ġodda li tnejn minnhom joperaw fil-qasam tas-servizzi, filwaqt li tnejn minnhom joperaw fl-agro-industrija.
Inizjattiva 4
Ħidma kontra kompetizzjoni nġusta
Il-ħidma kontra l-kompetizzjoni inġusta għandha tkun prijorita fl-enforcement ta’ awtoritajiet u entitajiet governattivi li huma regolaturi ta’ standards ta’ kwalita. Permezz ta’ din l-inizjattiva, l-Gvern irid jara li l-enforcement fuq l-istandards ikun wieħed mifrux mal-pajjiz kollu biex b’hekk titnaqqas il-black economy u kull min qiegħed jagħmel attività kummerġjali jkun regolat bl-istess mod.
X’qed isir
Kienet ikkordinata ħidma mal-Ministeru tal-Finanzi, Dwana u VAT sabiex tkun ikordinata ħidma ta’sorveljanza fuq it-trasport lejn Malta biex sakemm jista’ jkun jitnaqqas dak li kien qed jiġi meqjus bħala illicit trading.
Fir-rigward għaż-żamma tal-istandards il-Ministeru għall-Kompetittivita u l-Komunikazzjoni għamel emendi fil-liġi fejn ipoġġi r-responsabilta tal-Market Surveillance fuq l-Malta Standards Authority.
Inizjattiva 5
Mentalita’ miftuħa għan-negozju fost dipartimenti tal-Gvern
Id-Diviżjoni għall-Kummerċ għandha tkompli ttejjeb il-ħidma sabiex tiżviluppa r-rwol tagħha bħala l-entita governattiva li tippromwovi leadership fost entitajiet governattivi b’attivitajiet maħsuba sabiex iwasslu lid-dipartimenti governattivi jkunu aktar business-friendly u inqas burokratiċi.
X’qed isir
Id-Diviżjoni għall-Kummerċ ħadmet ma’ l-ETCsabiex l-engagement forms jiġu sottomessi fil-Business Care Unittad-Diviżjoni. Saru sottomissjonijiet ma’ l-OPM sabiex id-Diviżjoni, permezz tat-tisħiħ tal-Business Care Unit, tkun tista’ testendi dawn il-kollaborazzjonijiet ma’ Dipartimenti oħra.
Saru diversi inizjattivi biex jiġi faċilitat l-ħruġ tal-liċenzi matul is-snin. Id-Diviżjoni qed tieħu l-opportunità li f’ laqgħat li jkollha, fejn ikunu preżenti awtoritajiet oħra li joħorġu l-liċenzi, ssemmi dawn l-inizjattivi sabiex ikunu ta’ eżempju għal azzjonijiet simili minn dawn l-awtoritajiet.
Il-liġijiet li jaqgħu taħt ir-remit tad-Diviżjoni, li jirrigwardjaw liċenzi tan-negozju, liċenzi ta’ importazzjoni u esportazzjoni u liġijiet dwar proprjetà intellettwali, ġew emendati diversi drabi dawn l-aħħar snin biex, fost l-oħrajn, jiġi faċilitat l-użu tagħhom min-nies tan-negozju.
Id-Diviżjoni tieħu l-opportunità li dawn l-inizjattivi ssemmihom f’diversi seminars li torganizza jew tipparteċipa fihom.
