Gəl, başına dolanım
Qoy döyünsün, iki könül cüt, ortaq,
Bircə sən ol, yanında mən, bir otaq.
Sarmaşıqtək qucaqlaşıb bir yataq,
Gəl, ay gözəl, gəl, başına dolanım.
Sevgimizin əmma qoyan əksinə,
Sinə gərək, sinə gərək, əksinə.
Hər ikisi həmdəm olsa, tək sinə,
Gəl, ay gözəl, gəl, başına dolanım.
Mina gərdən, sinəsində heyvalar,
Sevən könül, pərvazlanar, zövq alar.
Sabir Qurban əndamına göz salar,
Gəl, ay gözəl, gəl, başına dolanım.
15.04.2014, saat 28:50
Qoymaram düşəsən
Heç sevmə, sevməsən heç zaman belə,
Qıymaram düşəsən, bir kənar ələ.
Düşsən də, könlümün istək vüqarı,
Çəkəcək əlini o siyah telə.
15.04.2014, saat 21:50
Tək mələyim
Hər hökmünü de, eyləyim,
Sənsən mənim tək mələyim.
Ömrüm-günüm sənə qurban,
Sənsiz, axı, mən neyləyim?
Dostları ilə paylaş: |
