| Zehni tərbiyənin beşinci vəzifəsi şagirdlərdə biliklərə maraq tərbiyə etməkdir. Bu məqsədlə məktəbliləri fənn və maraq dərnəklərinə, müxtrəlif maraqlı məktəb klublarına, elmi cəmiyyətlərin işinə, bilik viktorinalarına, elmi-publisistik müzakirələrə cəlb etmək lazımdır.
”Əxlaq” ərəbcə “Xəlq”, “Xulq” sözündən yaranıb “Xarakter”, “Səciyyə” “Yaranış” mənasını verir. Əxlaqetikanın tədqiqat obyektidir.
“Etika” “Etos” sözündən əmələ gəlib yunanca “vərdiş” mənasını verir.
Əxlaq cəmiyyətdə davranış modellərinin cəmidir, xalqın davranış normalarının məcmusudur. Əxlaq tərbiyəsinin də məqsədi yetişən gənc nəsli cəmiyyətin, toplumun əxlaq normalarına, cəmiyyətdə müəyyən edilmiş davranış qaydalarına əməl etməyə alışdırmaq, onları milli mentalitetə, adət və ənənələrə uyğun hərəkət etməyə sövq etdirməkdir.
Dostları ilə paylaş: |
