Mövzu 1 Yoldəyişənlərin istismarı

MÖVZU 37

Vaqonların texniki xidməti və təmiri

Vaqonların texniki xidməti və ta’miri texniki xidmət məntəqələrində, vaqon depolarında və zavodlarda keçirilir.

Texniki xidmət zamanı aşağıdakılar yoxlanılır:

qovşaqların və hissələrin vəziyyəti və yeyilməsi, onların müəyyən edilmiş ölçülərə uyğunluğu;

tormoz avdanlıqlarının və avtoqoşqu qurğularının iş fəaliyyətinin düzgünlüyü;

hərəkətedən hissələrin (arabacıqların) vəziyyəti və sazlığı;

daşınan yüklərin saxlanışına tə’minat verən gövdənin və çənin sazlığı;

keçid meydançalarının, xüsusi ayaqqoyanın və tutacaqların sazlığı;

hərəkət tərkibinin hissələrinin və avadanlıqlarının yola düşməsinin qarşısını alan qoruyucu qurğuların olub-olmaması və onların sazlığı;

Texniki müayinəyə təqdim edilmədən nasaz vaqonların yüklənməsi və insanların minməsi üçün verilməsi qadağandır. Onların yararlılığının təsdiqi barədə xüsusi jurnalda qeydiyyat edilməlidir.

Vaqonların texniki xidmətə təqdim edilməsi və onların yararlılığı barədə bildiriş qaydaları ADDY rəisi tərəfindən müəyyənləşdirilir.

Qatarın hər bir vaqonu çeşidləmə və tərtibat stansiyalarında, yol gedərkən - qatarların hərəkət qrafikində nəzərdə tutulmuş stansiyalarda texniki xidmətdən keçməli, nasazlıq aşkar edildikdə isə tə'mir edilməlidir. Bu stansiyalarda vaqonların açılmadan tə'miri təşkil edilir.

Texniki xidmət məntəqəsi olmayan stansiyalarda hər bir vaqon qatara qoşulmazdan əvvəl texniki xidmət məntəqəsi olan yaxın stansiyaya qədər hərəkət etmək üçün baxılmalı və hazırlanmalıdır.

Qatarların texniki xidmətə təqdim edilmə və onların yararlılığı barədə bildiriş qaydaları, eləcə də texniki xidmət məntəqəsi olmayan stansiyalarda qatara qoşmazdan əvvəl vaqonlara baxış və təmir qaydalarını ADDY rəisi müəyyənləşdirir.

Texniki xidmət məntəqələrinin işçiləri texnoloji proses və qatarların hərəkət qrafikinə uyğun olaraq vaqonlara vaxtında texniki xidmət göstərməli və tə’mir etməlidirlər.

Tə'minat sahəsi ərazisində hərəkətin təhlükəsizliyinə və vaqonların qatardan açılmadan hərəkətinə görə ADDY-nun müəyyən etdiyi məntəqələrin işçiləri məs'uliyyət daşıyırlar.