Müsahibat uçotu

Mühasibat uçotu A.H.Əliyeva 
 
5 
 
FƏSİL I 
MÜASİR DÖVRDƏ TƏSƏRRÜFAT 
UÇOTUNUN MAHİYYƏTİ VƏ ƏHƏMİYYƏTİ 
 
1.1.Uçotun yaranmasının tarixi inkişafı 
 
Uçot bir iqtisadi elm olmaqla onun yaranması və 
inkişafı qədim tarixə malikdir. Mühasibat uçotunun bir 
elm kimi əsası Benedetto Kotruli (1458) və Luka Paçolinin 
(1494) əsərlərində qeyd olunmuşdur. Onlar mühasibat uço-
tunun müəssisənin idarə olunmasında mühüm vasitə 
olduğunu göstərməklə, həm də elmi metodoloji əsaslarını 
şərh etmişlər. Hələ bizim eradan əvvəl 2000-ci ildə uçot 
sisteminin inkışafı Çində, ikili mühasibatlığın elementləri 
isə qədım Romada qeydə alınmışdır.
Uçot işçilərinin beynəlmiləl emblemi ilə tanınmış 
mühasiblərin gerbində günəş, tərəzi, Bernulli əyrisi əks 
olunmuş və onun "Elm-Vicdan-Müstəqillik" rəmzi kimi 
ifadə olunan şüarı verilmişdir. Günəş maliyyə fəaliyyəti-
nin nəticələrinin şəffaflığını əks etdirən mühasibat 
uçotunu, tərəzi-balansı (bərabərliyi),Bernulli əyrisi uçotun 
daimi olacağı rəmzini ifadə edir. 
Mühasibat uçotunun əsasını ikitərəfli yazılış üsulu 
təşkil edir. Bu üsul ilk dəfə Roma universitetinin professo-
ru, İtalyan riyaziyyatçı alimi Luka Paçoli tərəfindən tətbiq 
edilmişdir. Belə ki, o 1494-cü ildə özününün böyük əsəri 
olan «Hesablar və yazılışlar haqda traktat»ını yazaraq uço-
tun ilk sistemləşdirilməsini həyata keçirmişdir. İkili sistem 
üzrə uçot yazılışlarının aparılması qaydası və mahiyyəti 
şərh edilmiş bu əsər müasir dövrdə də aktuallığını 

---

Mühasibat uçotu A.H.Əliyeva 
 
6 
 
saxlayaraq uçot təcrübəsində istifadə olunur. Luka Paçoli 
tərəfindən yazılmış «Hesab, həndəsə məbləği, bərabərlik 
və münasibətlər elmi haqqında» adlı əsəri vurma cədvəli 
kimi bütün ölkələr və xalqlar üçün çoxsaylı elmi kəşf kimi 
qəbul olunmuş və uçotun əsasını müəyyən etmişdir. Bu 
əsər böyük riyaziyyata açılış olmasına baxmayaraq, o, mü-
hasibat üzrə ilk əsərin müəllifi kimi tanınmışdır. Həmin 
əsərdən bir nеçə əsr dövründə Italiyada, Fransada, 
Almaniyada, Ingiltərədə mühasibat uçоtu üzrə dərslik 
kimi istifadə еdilmişdir. Luka Paçolinin 1494-cü ildə nəşr 
etdirdiyi «Məbləğ» («Summa») adlandırılan kitabının bir 
nüsxəsi XVI əsrdə Kiyevə gətirilmiş və Kiyev kollecində 
dinləyicilərə həmin kitabdan dərs keçirilmişdir. Bununla ya-
naşı mühasibat uçotunun bir iqtisadi elm kimi nəzəri və 
metodiki əsasları daha sonra dünya ölkələrinin alimləri və 
mütəxəssisləri tərəfindən inkişaf etdirilmişdir.
Azərbaycanda uçotun qurulmasında müstəsna rolu olan 
iqtisadçı Əliqulu Fərəcov 1917-1920-ci illərdə hesabdar-
mühasiblər kursu açaraq onu dövrün tələblərinə uyğun 
təşkil etmişdir. Bunun üçün o rus alim-mütəxəssislərini 
Azərbaycana dəvət edərək, onların təcrübəsindən istifadə 
etmişdir. Azərbaycan iqtisadçısı Əliqulu Fərəcovun davam-
çılarından Sifariz Səbzəliyev, Qəzənfər Abbasov, Qəhrə-
man Rzayev, Səlim Müslümov, Süleyman Qasımov, İbad 
Abbasov, Vaqif Quliyev, Əli Sadıqov, Ənvər Salahov və 
digərləri mühasibat uçotu üzrə çoxlu sayda monoqrafiya 
və dərsliklərin müəllifləridir.
İnsan cəmiyyəti inkişaf etdikcə uçotun aparılması və 
maddi istehsal əməliyyatlarının əks olunmasının metodiki 
prinsipləri dəyişmişdir.Dünya ölkələri iqtisadiyyatında baş 

---