İcbari təhsil (Compulsory education) – Müvafiq qanunvericiliyə əsasən uşaqların və
yeniyetmələrin müəyyən yaş həddinə qədər təhsilə məcburi cəlb edilməsi. Azərbaycan və əksər
ölkələrdə natamam orta təhsil hesab edilən icbari təhsil müddəti doqquz ildir.
İcma təhsili/məktəbləri (Community education/schools) – Xaricdə yayılmış bu məktəblər yerli
hökumət tərəfindən maliyyələşdirilən təhsil müəssisələridir. İcma məktəblərinə daxil olmaq üçün orta
məktəb təhsili haqqında şəhadətnamə tələb olunur. İcma məktəblərinin qarşısında duran məqsədlər -
ətraf mühit hadisələri və yeni texnologiyaları öyrətməklə orta təhsilli tələbələrin biliklərində olan
nöqsanları aradan qaldırmaq, onları təhsilin sonrakı pillələrinə daxil olmağa hazırlamaqla yanaşı,
yerli icmanın ehtiyacı olan sahələrdə çalışmaqlarına yardım etməkdir.
İcma təşəbbüsləri\hərəkatı (Grassroots) - Yerli səviyyədə siyasi, yaxud sosial dəyişiklik
fəaliyyətinə kütləvi şəkildə başlamağa can atan geniş əhali qrupu.
İctimai elmlər (Social sciences) - Cəmiyyət və ictimai münasibətləri öyrənən elmlər.
Psixologiya, sosiologiya, antropologiya, dilçilik, iqtisadiyyat, coğrafiya və s. elmlər ictimai elmlərə
aiddir.
İctimailəşdirmə (Socialization) – Fərdin ictimai norma, tələb və dəyərləri mənimsəyərək,
cəmiyyətə inteqrasiya olunması.
İdarəçilik (Governance) – Konkret istiqamət üzrə məqsədlərin müəyyənləşdirilməsi və həmin
məqsədlərə çatmaq üçün aparılan fəaliyyətin təşkili və nəzarətdə saxlanması.
İdraki inkişaf / təkamül (Cognitive development / growth) - Biliklərin formalaşması, bunun
əsasında insanın hərəkətlərinin məqsəd və motivlərinin meydana gəlməsi.
- 20 -
İdraki öyrənmə modelləri (Cognitive Learning models) - Öyrənənlə ətraf mühit arasında
qarşılıqlı əlaqənin nəticəsi kimi meydana çıxan və əqli struktur dəyişikliklərinə təsir edən öyrənmə
modelləri.
